**ဝံးမၫ့တၨၭ ကၭၥလံၬဆၧအီၪကီၪ့ မၩလၩမၩဖၩ့ ခၬၥၭဆၧဆၫဖီၫ့ဒ့ၩၡ့ၩ နံၪ့ဆၧၫ့လးထဲၩ့မုနံၩ **

၂၀၂၆နံၪ့ လၩယူၫလဲၫ့၄ၥၫ့ဒၪအိၩ ဆၧမၩလၩမၩဖၩ့ၡီၩ့ ခၬၥၭဆၧဆၫဖီၫ့ဒ့ၩၡ့ၩ နံၪ့ဆၧၫ့လးထဲၩ့မုနံၩ မံဆၩဆၧလုထၪ့ အီၪဝ့ၫဒၪလၧ မၫ့တၨၭဆၧအီၪကီၪ့ ယ့ၫၡူၬအၥၭဆံၫ့ဎံၪၥရိၬလးဝၩ့ဖၧၩ့နီၪလီၫႉ

ၥၫ့ခိၪဒိၪ မၫကုတ့ၫဝ့ၩ လ့ၩခိၪလ့ၩနါ မံဆၩဆၧလုထၪ့ဂီၩ့ အၪ့ကံၩ့ဘၩဆိၪဖၪအ့ၪ ၦအဂဲၫထဲၩ့ မၩကဲၪထၪ့ ခၬၥၭဆၧဆၫဖီၫ့ဒ့ၩၡ့ၩ ၥၫ့ခိၪဒိၪအလံၩ ပေါလ်ဇင်းထွန်းဂရောင် အနးၥၭအဂးနီၪလီၫႉ

ၥၫ့ခိၪဒိၪပေါလ်ဇင်းထွန်းဂရောင်ယီၩ ဘၪထိးခၬၥၭဆၧဆၫအကၠီၩ့ အဝ့ၫယီၩ လ့ၩထၪ့ဘျၩ့ၥၭလၧ ခးစံၫကပူၫဂီၩ့အခံၫ့ အီၪထးဝ့ၫဒၪ ဆၧမၩဘိၪ့လဖၪနီၪ အဝ့ၫယီၩ လဆိၫ့ကၩဝ့ၫလၧၩ့ဘၪတၭ မၩကဲၪထၪ့ထဲၩ့ ၦအၡၪ့အယၬဖိၪၥံၪအဂး ခၬၥၭဆၧဆၫဖီၫ့ဒ့ၩၡ့ၩယီၩ လၧဆၧမၩဘိၪ့အအီၪထးလဖၪနီၪလီၫႉ

ဖီၫ့ဒ့ၩၡ့ၩခိၪနါဒိၪ ၥၫ့ခၫဂျွန်စိုးတင့်စံၭဝ့ၫဒၪ “ထီဘဲၫယီၩ ၦအဘၪထိးခၬၥၭဆၧဆၫ အဂၩ၃၀ဘျဲအဂး အဝ့ၫၥံၪအဖီၫ့ဒ့ၩၡ့ၩယီၩ ဖ့ၪလၫ့အ့ၪ ၥံၪ့ဎွံၪ ဒဲ ၥံၪ့ဎွံၪဎွ့ၩလဖၪ”အဂဲးနီၪလီၫႉ

စံၫ့ဇ့ၩဘံၩယၩၥံၪ့ဎွံၪဒူၭ ဆရၫမုၪ ဖူးသက်နွယ် စံၭဝ့ၫဒၪ “ဆၧဆၫဆါလၧ အဘၪအီၩ ၥွံၪဎံၪၥံၪ့ဎွံၪလဖၪအဂး ကဘၪအီၩ ၥံၪ့ဎွံၪဎွ့ၩလဲၪ ဒဲ ကဘၪထိးမၩခွါယိၥၭ ခိၪမၬခိၪမၬနီၪ မွဲအရ့ၩဒိၪအၪမၬလီၫႉ” အဂဲး စံၭဝ့ၫဒၪလီၫႉ

ၦလၧအဒိၭန့ဘၪဆၧမၩဆၧၩ့ ဦးအောင်နိုင်ဦး နီၪ “လၩကိဘံၪ့ဒ့ၭ ဖီၫ့ဒ့ၩၡ့ၩ ဖ့ၪလၫ့ယၧၩ ၥံၪ့ဎွံၪဖၭစၧၩ့လဖၪယီၩ မီၪ့ဎီၩ့ ပြံၭထဲၩ့အ့ၪယၧၩယၥၭလီၫႉ” အဂဲး စံၭဝ့ၫလီၫႉ

လကၭဘၪ ဒေါ်လှလှမြင့်နးဆ့ “လၩ၃ဘံၪ့အဂး ၥံၪ့ဎွံၪလဖၪနီၪ ယန့ဘၪအကၠီၩ့ ယဆၧဆၫအဂး လကၭလၧၩ့ ယဂံၪ့ဒီၪ့ဖိၪၥံၪ အဆၧအၪ့ဆၧအီၩအဂးဆ့ မွဲန့ခိးန့တၩအၪမၬလီၫႉ” အဂဲး ဆုးထဲၩ့ စံၭဝ့ၫလီၫႉ

ဆၧပရၧၫ့ယီၩ ပအၪ့န့ထၬလၧ RVA Myanmar Serviceအအီၪနီၪလီၫႉ

*နးအဲၪဖီၫဘွၩ *