ယ့ၫၡုၬအဆၧချဲၩ့လဖၪကစ့ၩရၫ့ဆၧ (စယီၫဟၫ့(၁၂:၄၄-၅၀)
ယ့ၫၡုၬအဆၧချဲၩ့လဖၪကစ့ၩရၫ့ဆၧ. ယ့ၫၡုၬကိၭၡၭထၪ့ဆၧ, စံၭဝ့ၫ, ၦလၧအနဲၩထဲၩ့ ယၧၩယီၩ,မွဲအနဲၩထဲၩ့ၦလၧအအၪ့မၧၫ့လၩ့ယၧၩ လဂၩနီၪလီၫ. ၦလၧအဒၪဘၪယၧၩယီၩ မွဲအဒၪဘၪ ၦလၧအအၪ့မၧၫ့လၩ့ယၧၩ လဂၩနီၪလီၫ. ယဝ့ၫဒၪ ယီၩယမွဲဆၧဖၩ့လဖျိၪ့ဂဲၫထီၩ့လၩ့ လၧဂၪ့ခိၪချိၫ့ယီၩ ဘဲၫၥိၭကယဲၦလၧအနဲၩထဲၩ့ယၧၩလဂၩဂၩနီၪ, ထီးအီၪလၧဆၧခံၭကျၩလဂ့ၩလီၫ. ၦအ့ၪနါဂၧၫ့ယလူတၭ, လနဲၩဘၪဝ့ၫနီၪ ယလစ့ၩရၫ့ဘၪအဝ့ၫတၭ, အဂဲးဘဲၫယီၩ ဘဲၫၥိၭယမိစ့ၩရၫ့ဂၪ့ခိၪဖိၪနီၪ ယဂဲၫယဝ့ၫအ့ၬ, မွဲဘဲၫၥိၭ ယမိထိးထဲၩ့တၩ့ထဲၩ့ အဝ့ၫၥံၪလီၫ. ၦၡၩလဂၩဂၩလၧအခွံၬၡိၭယၧၩယီၩ, ဒဲလထီး န့ဘၪယလူနီၪ, ၦစ့ၩရၫ့အဝ့ၫဒၪအီၪဝ့ၫလဂၩလီၫ. ဆၧချဲၩ့လၧယလီၩဘၪဒၪလ့ၬ မိစ့ၩရၫ့အဝ့ၫလၧမုနံၩထုၬခိၬလီၫ. အဂဲးဘဲၫယီၩ မွဲယချဲၩ့ဒၪယဝ့ၫလၧယဂဲးမွဲအ့ၬ, အ့ၪမွဲဖါလၧအအၪ့မၧၫ့လၩ့န့ယၧၩနီၪ, မွဲယဘၪစံၭဘဲၫၥ့ၪလဲၪဘဲၫၥ့ၪလဲၪ, မွဲယဘၪချဲၩ့ဘဲၫအံၩဘဲၫအိၩအဂဲးနီၪ, အဝ့ၫဒၪမၪလူၬယၧၩလီၫ. ယၥ့ၪ ယၫယဝ့ၫဒၪလၧအဆၧမၪလူၬနီၪ မွဲဆၧမၧၫ့လၩ့ဆိၩလၩ့ကၠၪလီၫ. မၩအၥၭဘဲၫနီၪတၭ, ယချဲၩ့ယဝ့ၫဒၪဘဲၫယဖါလီၩဘၪယၧၩအၥိၭလီၫ.
