မုကိၭနံၩဆၧၥၭထိၬပရၧၫ့ (စမၫကၧၭ(၁၆:၁၅-၂၀))
အဝ့ၫ ဒၪစံၭအဝ့ၫၥံၪ, လ့ၩလၧဂၪ့ခိၪချိၫ့ထၧၫ့ဖျိၪ့ယၫတၭ, လီၩလၩ့လၬလၩ့ဆၧၥၭထိၬအပရၧၫ့ လၧကယဲၦၡၩကိၭဂၩဒ့ၭဆံၭ. ၦလၧအနဲၩ့ထဲၩ့ဆၧဒဲ ဒိၭဘၭတံၫဇၫ့ အၥၭလဂၩဂၩနီၪ, မိထီၩ့ဝ့ၫ လၧဆၧထိးထဲၩ့တၩ့ထဲၩ့လီၫ. အ့ၪမွဲၦလၧအလနဲၩဘၪဝ့ၫလဂၩဂၩနီၪ, မိဘၪဆၧစ့ၩရၫ့စၪလီၫ. ၦလၧအနဲၩဆၧလဖၪနီၪ, ဆၧမိမၩလၩ့လၭအၥၭလၧအဝ့ၫၥံၪဘဲၫယီၩ, မွဲအမိနၫ့ထၪ့ခွံၬဆၧနၪလၧ ယမံၩ့, မိချဲၩ့ထၪ့ဆၧလၧ ၦဂူၫဂၩၥံၪအလၨလခီၫ. မိဖီၪ့ဂူတၭ,အ့ၪအီၩဆၧမၧၩ့ၥံၫနီၪ, မိဘၪဆၧနးမံၩ့အ့ၬ. မိအီၪက့ၪထၪ့အစူၪလၧ ၦအဆၫလဖၪအလီၩ့တၭ, အဝ့ၫၥံၪမိဘျၪထဲၩ့ဝ့ၫလီၫ. ယ့ၫၡုၬဘၪဆၧမၩန့ထၪ့ဝ့ၫလၧမူၭခိၪ. ———- မၩအၥၭဘဲၫနီၪတၭ, ကဆါလီၩလၩ့လၬလၩ့ဆၧ လၧအဝ့ၫၥံၪနီၪအလးခဲၫ့,ဆၧအၪ့မၩန့ထၪ့ဝ့ၫလၧမူၭခိၪနီၪတၭ, ဆၧၫ့နၩ့ဝ့ၫလၧယွၩအစူၪထွ့ၪလခီၫလီၫ. အဝ့ၫၥံၪစဲၪ့လီၩလၩ့လၬလၩ့ဆၧ လၧအလးကိၭစီၪ့ဒ့ၭတၭ, ကဆါမၩဎုၬဆၧလၧအဝ့ၫၥံၪအၥိၭနီၪမၩဂုးမၩခၧၫ့ဆၧ အလူအထၫလၧဆၧလၩ့လၭလၧ အမၩအၥၭနီၪလီၫ.
