ၥၫ့ဎွၩလ့ၫအိၫ ၁၄ ဂၩလဂၩ ဒၪလၧၥၭဘၪ့ဖိၪၥံၪအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪမွဲဝ့ၫဒၪ ၥၫ့ဎွၩလ့ၫအိၫ  ၁၄ ဂၩလဂၩ ဒၪလၧၥၭဘၪ့ဖိၪၥံၪလၧ အွန်လိုင်း အဂဲးအကၠီၩ့နီၪလီၫႉ ၥၭဘၪ့ဖိၪၥံၪကၩ့ကၩဎိၭလၩ့ဆၧအဂဲးလၧ ၥၫ့ဎွၩလ့ၫအိၫနီၪမွဲဝ့ၫ ၥၭဂၭဂီၩ့ဒဲ ဘၪထွ့ၫလၧ ပၥၭဆၧအီၪဆီၪ့အီၪ ချဲၪ့နီၪလီၫႉဆၧလၧဆၧဆၫယီၩနီၪ ၦဘၪထိးကိၭဂၩ လါနၫ့ ပကဒၪဘၪအၪနၬလၧ ၥၭဘၪ့ဖိၪၥံၪအီၪနီၪလီၫႉ အ့ၪပဘၪဒၪဆၧၫ့ယၫဆၧ အဂဲးယီၩစွါဘဲၫ ပကဘၪလ့ၩ ဝဲထၪ့ပၥၭလၧကဆါယွၩအီၪႇ ပကဘၪလ့ၩအီၪလၧ အဝ့ၫအမ့ၬယၫႇ ပကဘၪလ့ၩ အၪ့က့ၩဘၩဆိၪဖၪလၧ ကဆါယွၩအီၪနီၪလီၫႉ  အ့ၪပယိထၪ့ကဆါယွၩအခံၫ့ႇ ကဆါယွၩနီၪကယိထၪ့ပၧၩႇ ကလီၩထဲၩ့ပၧၩဆၧချိၩ့ကမံၩ့မံၩ့နီၪလီၫႉ

လၧခဲၫ့ကမံၩ့နီၪ ၥၭဂၭဂီၩ့ဒဲ ပၥၭဆၧဆီၪဆၧချဲၪ့ လဂ့ၩဘၪအခံၫ့ နၥံၪကဘၪလ့ၩလၧ နၥံၪဆူၩနဲၩအီၪၦၥၭၡါၥံၪႇ နၥံၪအဆရၫၥံၪ အ့ၪလမွဲဘၪႇ နၥံၪအထံၩအၥိၭၥံၪအီၪ နၥံၪလ့ၩဂီၩ့ လၩ့ဖျီၪထၪ့ နၥံၪဘၪထိးဆၧအဂဲးနီၪလီၫႉ နၥံၪမၩဖၧၩ့ၥၭယီၩစွါဘဲၫ နၥံၪကန့ထၪ့ထဲၩ့ဘၪ ဆၧၡူၪဆၧမုၬထီးလူၬနီၪအကၠီၩ့ ၥၫ့ဎွၩလ့ၫအိၫ  ၁၄ ဂၩလဂၩ ကၩ့ကၩဎိၭလၩစ့ၭဆၧၫ့ထဲၩ့ ၥၭဘၪ့ဖိၪၥံၪႇ ဖ့ၪအ့ၪထဲၩ့ၥၭဘၪ့ဖိၪၥံၪ ဆၧကိၪ့ဘၪကိၪ့ၥ့ၪဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ    ဆၧအဲၪဆၧကွံၩ   ဎိၩဒိၪဖၧၩ့နီၪလီၫႉ  မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ