ယိဖၬခွံၬလါဆံၭ

နးချံၫ့နီၪ အခိၪနုၬဂ့ၩဝ့ၫဒၪ ဆၧမၩလိၪဖိၪကဂၩလီၫႉ ကနံၩတၭ လၧအဝ့ၫၥံၪအဆၧမၩလိၪ လးနီၪဆၧဂဲထုၪ့လံ ဆၧထံၪလၩ့ဒီၪလၩ့အီၪတၭ အဝ့ၫနးဆ့ ထၪ့ဂဲထုၪ့လံနီၪလီၫႉ အဝ့ၫ ထၪ့ဂဲထုၪ့လံထၬ ဆၧဂၩ့မၧၫ့နီၪ အဝ့ၫယီၩ ထံၭလၫ့စိၩဝ့ၫလၧ Facebook ဖၫ့ခိၪနီၪလီၫႉ • လၧဆၧလယိလါဘၪအဖၧၩ့ ဆၧမၩလိၪဖိၪကနၩ့နၩ့နီၪ လီၩအၧၩ့အဝ့ၫ “အိၩအဝ့ၫ ဂဲထုၪ့ လံနီၪ ဎိၪဎါထဲႉ အခၪ့အိၩနးဆ့ အီၪန့ဆၫ့ဖၭထံအခၪ့ဒံၭႉ” ဂဲၫကွ့ၭလၩ့ထးလံၬလၧ အ ဝ့ၫအဆၧဂၩ့မၧၫ့အဖၫ့လၬနီၪလီၫႉ • လၧလယံၬလမီးဘၪအခံၫ့နီၪ ၦဂူၫဂၩဆ့ ဂဲၫအၪ့ကီၪအၪ့စၭအဝ့ၫ အၪမံၩ့အၪမၠိၩ့နီၪလီၫႉ အနီၪအခၫ နးချံၫ့ယီၩ မ့ၬမဲအၪမၬလ့ၬဂီၩ့ အၥၭလၩ့ဆ့ၭလၩ့ယွါ ထၧၫ့လ့ၩထၪ့ဆၧမၩလိၪ လမိဘုၪ့လၧၩ့ဘၪလီၫႉ အဝ့ၫယီၩအီၪဒၪလၧ အဒူၭဖၧၩ့ဂီၩ့ ဆၧၫ့နၩ့ဂၪ့ကနၩၥၩ့နၩလီၩ့နီၪ လီၫႉ လၧခဲၫ့အဝ့ၫအဆရၫမုၪနီၪ ၥ့ၪယၫဘၪအဝ့ၫအဂဲးယီၩကကၠၪ ကိၭအဝ့ၫဂီၩ့ “နးချံၫ့ ဧ့ အဝ့ၫၥံၪလီၩနၧၩယီၩနီၪ မွဲဒၪအဝ့ၫၥံၪအၥၭအုၪအၥၭအီၩ့အကၠီၩ့လီၫႉ ဘၪထံၭဘၪနဲၪ့ နလူဒိၪဎွ့ၩဒိၪန့အ့ၬႉ အဝ့ၫၥံၪယီၩ မွဲဒၪလၧ ၡၩဆၫ့ဖၨၪလဖၪလီၫႉ နဘၪလီၩ့ခိၭနၪ အဝ့ၫၥံၪလိၪအ့ၬႉ ကယဲအဝ့ၫၥံၪလီၩနၧၩနီၪ ယိဖၬခွံၬဝံၬႉ နဘၪလီၩ့ၥၭအုၭအဝ့ၫၥံၪ အ လးအီၪနးစီၪ့အ့ၬႉ ၦၡၩအဲၪနၧၩ ၦၡၩအီၪက့ၪဒိၪ နဆၧဂဲထုၪ့လံလဖၪ မွဲအီၪကတၨၭဒံၭႉ” ဆရၫမုၪနီၪ ဖ့ၪဂဲးဖ့ၪဘၭအဝ့ၫဘဲၫနီၪဂီၩ့ ဆၧမၩလိၪဖိၪလၧ အလီၩ့အၧၩ့ဆၧလဖၪနီၪဆ့ စ့ၩရၫ့ဝ့ၫ ဘဲၫအဆၧမၪအီၪအၥိၭနီၪလီၫႉ နးချံၫ့နးဆ့ စၭထၪ့လၧအခံၫ့နီၪ Comment အအၧၩ့လဖၪနီၪ ထူၭၥံၫခွံၬဝ့ၫဂီၩ့ ဖီဘူၭဝ့ၫလၧၩ့အ့ၬႉ မၩလူၬထဲၩ့ဒၪအခံၫ့လၧ အထံၩၥိၭ ဖ့ၪဂဲးဖ့ၪဘၭအဝ့ၫလဖၪနီၪလီၫႉ • ဆၧမၩလိၪ – ဆၧချဲၩ့အၧၩ့လၧဆိၫၡဲၫမံၫဒံၫယၫအဖၫ့ခိၪလဖၪနီၪ ပကဂၭဎ့ၬခွံၬအဂး အဂ့ၩထုၬကၠီၪ့ဖျီၩ့နီၪ အီၪဒၪပကဘၪယိဖၬခွံၬ ဒဲ ပကဘၪၡိထၪ့နီၪလီၫႉ ပလူဒိၪဎွ့ၩဒိၪနီၪ လီၩ့လီၩ့ဎွါထၪ့လၧ ၦၡၩအဆၧချဲၩ့အဖၧၩ့နီၪလဂ့ၩႉ