Synodal အဖုၫၥံၪလဖၪ  ကဘၪကဲၪ ၦလၧဆၧမွဲဆၧတီၩအီၪ ၥၫထနၫဖိၪၥံၪနီၪအကၠီၩ့ ၥၫ့ဎွၩ Leo XIV ပဂၧၫ့ထၪ့ထၬဆၧအဂဲး

ပအီၪၥၭမၧၫ့ဂၪ့ခိၪနီၪ ဆၧဘၪထံၭဘၪဆၫအီၪအၪမၬဒ့ၭအကၠီၩ့နီၪ ဆၧၡူၪဆၧမုၬဒဲ ဆၧယံၩၡီၩ့ကန့ထၪ့ထဲၩ့အဂး အရ့ၩဎိၩထုၬနီၪ ပကဘၪအီၪလၧ ကဆါဎြံၬဘူၭထဲၭနီၪလီၫႉ ပကမၩၥၫထနၫဆၧမၩအဂး ၥၫထနၫဖိၪၥံၪနီၪ အၥၭနီၩ့အၥၫ့ကဘၪအီၪအဂး ၥၫ့ဎွၩ Leo XIV အၪ့က့ၩထၪ့ဝ့ၫလၧ Synodal ဆၧအီၪကီၪ့ ခိၪနါၥံၪအီၪနီၪလီၫႉ

Africa ဆၧအီၪကီၪ့ဖိၪၥံၪနီၪ မၩၥၫထနၫဆၧမၩလၧ ၥုၪ့ဎွံၪၥၭယီၫအကၠီၩ့ အၪ့အူၭဝ့ၫဂီၩ့ အဝ့ၫၥံၪကဘၪ မၩအုၩ့လၫ့ထီၫလၫ့ထဲၩ့ ဆၧယံၩၡီၩ့ဒဲ ဆၧၡူၪဆၧမုၬအဂး ၥၫ့ဎွၩ Leo XIV ပဂၧၫ့ထၪ့ထဲၩ့ Africa ဆၧအီၪကီၪ့ဖိၪၥံၪနီၪလီၫႉ

Oceania အဂး ၥၫ့ဎွၩ Leo XIV အၪ့န့ ၥၫ့ဎွၩ ဖရၫ့စ့ၭ လံၬဖ့ၪစဲၪ Laudato Si’ ဂီၩ့ ခိဆၧၩ့ချံၫ့ထီ အၪ့လဲၩထၪ့ၥၭဒဲ ဆၧလတီၩလဘၪအီၪကဒီၪ့နီၪ အဝ့ၫၥံၪကဘၪ မၩထၪ့ထဲၩ့ဝ့ၫဂ့ၩဂ့ၩဘၪဘၪအဂး ၥၫ့ဎွၩ Leo XIV အၪ့က့ၩထၪ့ဝ့ၫနီၪလီၫႉ

The delegation from Myanmar,  Bishop John Saw Yaw Han, ဒဲ Vice President of the National Synodal Team, Rev. Fr. Hyginus Myint Soe နီၪ ဘၪထွ့ၫလၧ Synodal ဆၧအီၪကီၪ့ဎိၬလၩ့လဖၪယီၩအဂး ဆံၭခိးဆံၭတၩဘၪဝ့ၫ အၪမၬဒ့ၭအကၠီၩ့ လီၩဖျီၪထၪ့ဝ့ၫနီၪလီၫႉ

ယဂဲၫဘၪလၧ ဆၧအီၪကီၪ့ဎိၬလၩ့ယီၩဂီၩ့ ယခိနၫဘၪ ၦကိၭဂၩအဆၧလူၬဆၧချဲၩ့နီၪ ယကဘၪမၩ ထၪ့ထဲၩ့ၥၫထနၫဆၧမၩအဂး ယဂဲးထၪ့အၪမၬဒ့ၭအကၠီၩ့ ၥၫ့ခၫ Hyginus Myint Soe လီၩဝ့ၫဒၪနီၪလီၫႉ

လၧဆၧအီၪကီၪ့ဎိၭလၩ့ဖၧၩ့ယီၩ ၦကိၭဂၩနီၪ ကၩ့ကၩဎိၬလၩ့ဆၧလၧ ဆူယိၬနီၪ ဒၪဘၪဝ့ၫအကၠီၩ့ ၥၫ့ခိၪဒိၪ John Saw Yaw Han လီၩဝ့ၫဒၪနီၪလီၫႉ