ထံၫထၪကျိၩ့ခးဒီၪ့လဝၩ့ဖၭဒိၪနီၪမွဲၡၩအဆၧဝံဆၧနၬအီၪဎူၫခွးဘျဲၪလီၫလကၭဘၪဘၪအၪ့န့ထၬ မူၩဒၩဒံၭလၧခးပယၩ့ ဂူၫဆၫစဲၪ့ထၪ့ဖိၬဘိၭၥၧၫ့ပိၩ့ကပိၩ့အလး

ပခးပယၩ့ယီၩ လံၩမုလဖုၬဖၭဒိၪလဖၪ ဘဲၫထံၩဎိၩလၩ့အၥိၭ ကဲၪထၪ့ခိၪမၪခိၪမၪအ့ၬလါနၫ့ဂ့ၩ အဝ့ၫနီၪ ဆၧလၩ့အၪ့ယိၫအၪဝ့ၫဒၪတၡါလီၫႉ နံၪ့ ၂၀၀၈ လၩမ့ၫ (၂)  ၥၫ့ ကဲၪထၪ့ဝ့ၫဒၪ နၫဂ့ၭဆဲၫ့ကလိၩ့ လ့ၩမုလဖုၬ ဖၭဒိၪနီၪ ဧရၫဝတံၫခးဒီၪ့ဒဲ တခိၩခးဒီၪ့ဖၧၩ့ ဘၪထံၭဆၫ ဝံးဒီၪ့ (၅၀) ဘျဲၪနီၪလီၫႉ ဘၪထံၭဆၫအနၭထုၬနီၪ မွဲ ဧရၫဝတံၫခးဒီၪ့နီၪလီၫႉ

ခးပယၩ့ဖးဖီၩ့ဖၧၩ့ မွဲပၫဝ့ၫလၧ ဆၧလၩ့အၪ့ယိၫအအၧၩ့နၭထုၬဂီၩ့ ၡၩခမျၧးၥံၪ ဘၪၥံၫဖိၬဘိၭအဂၩ ၁ကုၬ ၄လၬဘျဲၪ ဒဲ ၡၩခမျၧးၥံၪလၧ အဘၪထိးဆၧလၩ့အၪ့ယိၫယီၩ ကအီၪဖိၬဘိၭအဂၩ နံၫခွးဘျဲၪအကၠီၩ့နီၪလီၫႉ ၦလၧအလီၩ့ဎွါအၪ့ယၪလဖၪ အချံၪၥံၪဒဲ ဆၧပိၭဆၧလၫ့လဖၪ ဂၭဂီၩ့ဂၭဆၫႇ ဘုၪၥံၪဒဲ ဆၧၥုၪ့ဆၧဒီၩ့လဖၪ ဂၭဂီၩ့ဂၭစၪအနၭထုၬအလးနီၪလီၫႉ

ဧယၫဝတံၫခးဒီၪ့နီၪ မွဲၡၩအဆၧဝံဆၧနၬအီၪ ဎူၫခွးဘျဲၪလီၫလကၭဘၪ ဘၪအၪ့န့ထၬမူၩဒၩဒံၭလၧ ခးပယၩ့ဂုဆၫစဲၪ့ထၪ့ ဖိၬဘိၭ ၥၧၫ့ပိၩ့ကပိၩ့အကၠီၩ့ ဘၪခဲၫ့ကံၭဝ့ၫဒၪ လးကျဲၩ့ကလးနီၪလီၫႉ ခိဆၧၩ့ချံၫ့အၪ့လဲၩ့ထၪ့ အၥၭဒဲ နဲၩ့ဎီၩ့ဂၭဂီၩ့ဂၭစၪထၪ့အကၠီၩ့ လၧခးပယၩ့ လံၩမုလဖုၬ ဆၧလၩ့အၪ့ယိၫ ကဆုးကဲၪထၪ့နီၪလီၫႉ ၥံၪ့လမုၬလဖၪ ကဂဲၫလၩ့ၡၩထၪ့ႇ ဖံၬအၥိၪအဆီးလဖၪ ကဂၭဂီၩ့ဂၭဆၫထၪ့အကၠီၩ့ ကဘၪထံၭဆၫ ဆၧၥုၪ့ဆၧဖျၭဆၧအနိၪ့ တၡါဒ့ၭနီၪလီၫႉ

အထီလၧယၫ ဆဲၫ့ကလိၩ့လံၩမုလဖုၬလဖၪ ကဂဲၫကဲၪထၪ့ ဘဲၫၥ့ၪလဲၪနီၪ ဆၧဘၪထယၬအၪ့ဎါကၪဂဲၩလါနၫ့ဂ့ၩ ဘဲၫမၫဆမံၭဆၧအခိဂဲၫဆီၪ့ထၪ့အၥိၭ လံၩမုလဖုၬဒဲ ဆၧဆၧၩ့ၥံၪနီၪ လၧခဲၫ့ဆံၫနံၪ့အဖၧၩ့ ကဂဲၫဆီၪ့နၭထၪ့အကၠီၩ့ ၦကိၪ့ၥ့ၪအၪ့ဎၬလီၩ့ဎွါဆၧလဖၪ နဲၪထၬဝ့ၫဒၪနီၪလီၫႉ