ၥၭဘၪ့ၥံၪ အၥၭ မုၬလၩ လမုၬလၩနီၪ ဘၪထွ့ၫလၧ ဆၧၫ့ထီႇ ဘၪထွ့ၫလၧ အထၧး အလၧးႇ ဘၪထွ့ၫလၧ ဆၧအဲၪ ဒဲ ဘၪထွ့ၫလၧ ဂံၪ့ဒီၪ့စွါဘဲၫႉ
မုဆၫကနံၩယီၩပထံၪခးဖၧၩ့ အ့ၪပယိထၪ့ပၥၭဘၪ့ဖိၪၥံၪစွါဘဲၫ အဝ့ၫၥံၪယီၩ ကဘၪ မၩမန့လဲၪ ကဘၪလ့ၩခလဲၪနီၪ လၥ့ၪယၫလၧၩ့ဘၪဝ့ၫဂီၩ့ အဖၧၩ့ၥၭလၩ့မါကၠၭနီၪလီၫႉ လၧ ဆၧၫ့ထီအအၧၩ့အၥၫ့အကၠီၩ့ ၥၭဘၪ့ဖိၪၥံၪလဖၪ ဘၪကဲၪထၪ့ ၡၩဘၪထိးပျီၩဂီၩ့ ဘၪၥံၫဂီၩ့ ၥံၫစၪကပၫကပၫႉ မုဆၫကနံၩယီၩ ပၥၭၡီၩ့နီၪ ကဲၪထၪ့ ပၩလဲၪအဆၧယူၭလဲၪႉ ဆၧၫ့ထီယီၩ ဂ့ၩထၪ့ထဲၩ့ဒၪဝ့ၫ ဖျဲၪဖျဲၪႉ ဆၧတုၩ့ထၪ့တုၩ့လၩ့ယီၩဆ့ မွဲဂီၩ့ခွံၬဒၪဝ့ၫဖျဲၪဖျဲၪႉ ဆၧအဲၪဖၧၩ့ၥၭ လၩ့ဘူၭထဲၩ့ဒၪဝ့ၫဖျဲၪဖျဲၪႉ ဘိၩအခီၩအိၩၥိၭ လၧဆၧပျီၩဖျ့ၭဖၧၩ့ ၥၭဘၪ့ဖိၪၥံၪ မွဲအ့ၪ မုၬလၩ ၥၭဎွံၪထဲၩ့ဘၪဒၪဝ့ၫဖျဲၪဖျဲၪလါဆံၭႉ