ၥၫ့ဎွၩဒိၪ ဖရၫ့စ့ၭ ဝဲထၪ့  ၥၫ့ခိၪဒိၪလဖၪ အဆၧအီၪကီၪ့ဎိၭလၩ့ (၁၆ ) ဘျၩ့လဘျၩ့ႇ အဆၫ့ ၂ လဆၫ့ လၧမံဆၩဆၧလုထၪ့ႇ လၧစံၭပံတၧၫ့အလးဝၩ့ဖၧၩ့ လၧ ၂၀၂၄ အိၭတိၫ့ဘၧၫ့ထၪ့ (၂) နီၪလီၫႉ

လၧအဆၧလီၩလၩ့လၬလၩ့ဖၧၩ့နီၪ ၥၫ့ဎွၩဒိၪဖရၫ့စ့ၭ စံၭဝ့ၫႇ ဘဲၫၥိၭ  ဆၧယံၭဆၧၡီၩ့ လၧအဂဲၫထၪ့ လၧၥၭမုဆံၫ့ဎံၪအအီၪနီၪ ပကဒိၭန့ဘၪဒဲ ပချဲၩ့ဎိၩ့လၩ့ကၠၧၫ့ကၠၧၫ့ကၥ့ၪဝ့ၫအဂးႇ ပကဘၪဝဲထၪ့ထၬ ပၥုၪ့ပၥၭလဖၪလီၫႉ

ဆၧလၧအမၩထံၭထၬ ဆၧဎူၫဆၧဎၩ့လၧၥၭမုဆံၫ့ဎံၪဘၪအၥၭလဖၪနီၪ ပအီၪပဲၩ့ခွံၬကန့ဝ့ၫအဂး ဒဲ ပကခိၭနၪယွၩအလူကန့ဝ့ၫအဂးႇ ပကဘၪထိးဆၧၫ့ၦဂူၫဂၩ အဆၧကိၪ့ဆၧတဲၩ့ ဒဲအဆၧမၩဆၧၩ့လဖၪနီၪအကၠီၩ့ ၥၫ့ဎွၩဒိၪ စ့ၩဝ့ၫဘဲၫနီၪၥိၭလီၫႉ

ၥၫ့ဎွၩဒိၪဖရၫ့စံၭကိၭဖံၭၥိၭဘၪၦကိၭဂၩဒ့ၭႇ စံၭဝ့ၫဒၪႇ ထၧၫ့ဖုဝဲမုၪခွၫၥံၪဧ့ႇ  ၦဎရံၬဖိၪၥံၪအခရၧၫ့ယီၩ မၩဆၧအခ့ၫအၡၩဆၧမၩ ၦၡၩခမျၧးအဂးအကၠီၩ့ႇ  ဘဲၫၥိၭပကလီၩလၩ့လၬလၩ့ ဆၧၥၭထိၬအပရၧၫ့အဆၧမုၬဆၧၡူၪ လၧၦၡၩကိၭဂၩဒ့ၭကန့ဝ့ၫအဂးႇ ပကဆုးလ့ၩကၠၭ လၧဆၧအီၪကီၪ့အဖၧၩ့ၥၭအဖၧၩ့ယီၩလါဆံၭႉ