https://youtu.be/YhxeJMIWPlo လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧဆၫဆါဒဲ ၦယိဆၧၩ့အကျၩ ဆၧလၩ့ဘူၭအဂဲး အကၠီၩ့နီၪလီၫႉ ဆၧလၧဆၧဆၫနီၪ အီၪအဖျီၪအမံၩ့မံၩ့နီၪလီၫႉ ပအီၪပဲၩထၬ ဆၧဆၫဆါၥံၪႇ…

ၦၡၩမီၪ့ဎီၩ့လါနၫ့ ဆၧၥ့ၪယၫနၪၥ့ၪလမီၪ့ဎီၩ့ဘၪလီၫႉ ကကၠၪကၠၪ ယထယါၦၡၩဘၪမၪနီၪ မွဲယမ့ၬဘျီၪအ့ၬ မွဲဒၪယတီၩလီၩ့ဒဲယယၫ့ၥၭဆၧၥ့ၪအကၠီၩ့လီၫႉ ဘၪကကၠၪကၠၪ ယအဲၪၦၡၩဘၪ မၪနီၪ မွဲယဆၨၫအ့ၬ မွဲလၧယအီၪက့ၪဒိၪ ဆၧၥၭဆုးလီၩ့ယီၩ ဒိၪဒိၪယိၬယိၬအကၠီၩ့လီၫႉ ဘၪကကၠၪကၠၪယဂၪ့နီၪ မွဲယၥၭအုၭအ့ၬ…

ဆၧအၪ့ဆၧအီၪလၧ လအိၭဘၪလၧပၧၩနီၪ ပအၪ့အ့ၬႉ ပမ့ၬပနၪဘၪဆံၭအလးနီၪ ပအီၪအ့ၬႉ ပခွံၬလၩ့ထၬပၥၭလၧပကမၩဝ့ၫဒၪ ဆၧမၩကမံၩ့မံၩ့နီၪ ပဘၪမၩပကၠုၪ့ဝ့ၫဒၪလါနၫ့ ပမၩခွံၬထၧၩ့အဂီၩ့, ဘဲၫပကထီၩ့လၧပဆၧထိစိၩအီၪအဂးနီၪ တခၩပဘၪဒၪဆၧၫ့ယၫလၧဆၧကၪဆၧဂဲၩနးမံၩ့ပကျ့ၭစၨၭလ့ၩကၥုၭဘၪကၥုၭႇဘဲၫပအုၩ့လၩ့ထၬအၥိၭ ပဖိၬပဆၧအုၩ့လၩ့အခဲၫ့ႇ ပဆၧချဲၩ့အဖၫ့ခိၪ ပအၪ့န့ထၪ့မူၩဒၩ အလၧၫ့အဎွ့ၩႇ…