RVA PWO KAREN

ဆၧနၪၥ့ၪဆၧၫ့ထီ စလုကၭ ( 12:54-59 ) အဝ့ၫဒၪစံၭၦခမျၧးၥံၪ,ထီးနၥံၪဒၪဘၪဆၧအုၪ့ထၪ့လၧမုနုၬတၭးနၥံၪစံၭချဲၫ့မၬလၧဆၧမိဂဲၫဆၧၩ့တၭ,ဆၧမၩအၥၭဘဲၫနီၪလီၫ.ထီးလံၩဂဲၫလၧမုခံၫ့တၭနၥံၪစံၭလၧဆၧမိခိတၭ,ဆၧမၩအၥၭလီၫ.ၦအၪ့လီၫဆၧၥံၪဧ့,ဂၪ့ခိၪဒဲမူၭခိၪအမ့ၬနီၪ,နၥံၪယိနဲၪ့ၥ့ၪလီၫ.အ့ၪမွဲအမုအလၩဘိၩ့နဲၪ့ယီၩ,မွဲဘၪနီၫလၧနၥံၪလယိနဲၪ့ဘၪနီၪလဲၪ.မၩဘၪလိၬနၥၭလၧနဒုၪနဒၩ.ထီးဒၪနၥံၪအၥၭနၥံၪဝ့ၫဒၪယီၩမွဲဘၪနီၫလၧနၥံၪလစ့ၩရၫ့ဘၪလၧအတီၩအလီၩ့နီၪလဲၪ.ထီးနအ့ၪလ့ၩဆၧလၧဖၧၩ့ၥၭလၧနဒုၪနဒၩအၥိၭလၧၦဒိၪအအီၪတၭ,ဘဲၫၥိၭနမိဂၭဖျ့ၭလၧအဝ့ၫနီၪတၭ,အၪ့ဂူၬမၩဘီၪ.အ့ၪလမွဲဘၪတၭ,အဝ့ၫမိဖ့ၪလၫ့နၧၩလၧၦစ့ၩရၫ့ခွးတၭ,ၦစ့ၩရၫ့ခွးနီၪမိဖ့ၪလၫ့ထဲၩ့နၧၩလၧၦအၪ့ကံၩ့ဆၧအခိၪတၭ,ၦအၪ့ကံၩ့ဆၧအခိၪမိအီၪက့ၪလၩ့နၧၩလၧထီၫ့ဖၧၩ့လီၫ.ယလီၩဘၪနၧၩ, ထီးလၧအထုၬလဘံၪ့နီၪ, နလချႃၭလိၭထူၬခွံၬဒံၭဘၪတၭ, နစဲၪ့ထၪ့ခွံၬ ဘၪထီးနီၪအ့ၬ

ဘၪထွ့ၫလၧ မိလၨဆၧချဲၩ့နီၪ လၨဆၧချဲၩ့ကိၪ့ၥ့ၪ ယာမာမိုတို လီၩထၬဝ့ၫဒၪ လၧပၥၪလၧၩ့ဘၪ လံၩအီၪလၧၩ့အ့ၬႇ လၧပဂၭဖၭလၧၩ့ဘၪ ခးၥဲၫအီၪလၧၩ့အ့ၬႇ လၧပချဲၩ့လၧၩ့ဘၪ ဂၪ့ခိၪအီၪလၧၩ့အ့ၬ နီၪလီၫႉ ဆၧလၧလၨဆၧချဲၩ့နီၪ  လၩ့ၥၭဆုးလီၩ့ဝ့ၫတၡါလီၫႉ ၦၥိၩ့အၪဆၧချဲၩ့နီၪ အၪ့ယုခွံၬ ၦၥိၩ့ၡၩလၨဆၧချဲၩ့ၥ့ၪလါနၫ့ဂ့ၩ ထီးအလူၬ လမွဲဘၪလီၫႉ  ကြၨၭပယိအဒီၩ့အထ့ၭအဂ့ၩထုၬနီၪမွဲ ခိၪလၩဘွၩလၨဆၧချဲၩ့နီၪလီၫႉ  ခိၪလၩဘွၩဆၨၩဆၬနီၪ မွဲဒၪခိၪလၩဘွၩထံၫခးဆါဖိၪလါနၫ့ဂ့ၩ ခိၪလၩဘွၩလၨဆၧချဲၩ့နီၪ ဂဲၫကဲၪထၪ့ လၨဆၧချဲၩ့လၧ အဘၪၥိၩ့ထၪ့ ဂၪ့ခိၪထၧၫ့ဘံၪ့ယၫနီၪလီၫႉ ခိၪလၩဘွၩလၨဆၧချဲၩ့ လံၬလဲနီၪ မွဲဆၧကွ့ၭနဲၪ့ ဂ့ၩဒိၪဝ့ၫဒၪ တၡါလီၫႉ ပကလီၩဖျိၩ့ဆၨၩအဂဲးဧၪႇ ဘုၭဒၭအဂဲးဧၪ စၭထၪ့လၧ ယၩနံၪ့ ၁၈ဒဲ ထီးထီၩ့စိၩမုဆၫကနံၩယီၩ အီၪဝ့ၫအလၧၫ့အဎွ့ၩနီၪလီၫႉ…

ယ့ၫၡုၬ ဒုၭအီၪထၪ့ဆၧလၩ့မုလၩ့ဖၭ. စလုကၭ ( 12:49-53 ) ယဂဲၫခွံၬလၩ့မ့ၪလၧဂၪ့ခိၪချိၫ့ယီၩအ့ၪခဲၩထၪ့ယူၭဘိၩ့နဲၪ့ယီၩတၭ,ယမိဆိၫ့ဒံၭလၧဆၧနီၪလမံၩ့လဲၪ.ယဆၧဒိၭဘၭတံၫဇၫ့အီၪဝ့ၫလၧယဘၪဒိၭဘၭတံၫဇၫ့ယၥၭတၭယလချၭဒိၭဒံၭဘၪနီၪ,ယကထံၬကထၬနၭမၬကလဲၪမွဲနၥံၪဆီၫ့မီၪ့လၧယဂဲၫဖ့ၪဝဲၩဆၧဘၪလိၬအိၭလိၬလၧဂၪ့ခိၪချိၫ့ယီၩဆ့ဧၪ.ယစံၭနၥံၪ,မွဲအ့ၬ.မွဲဆၧလၩ့မုလၩ့ဖၭလီၫ.အဂဲးဘဲၫယီၩထီးယီၩစူၪယၫခိၬၦအီၪလၧဂံၪ့လဖျိၪ့အဖၧၩ့ယဲဂၩနီၪမိလၩ့ဖၭဝ့ၫၥၧၫ့ဂၩထၫ့ဒုၪဒၩနံၫဂၩဒဲနံၫဂၩထၫ့ဒုၪဒၩၥၧၫ့ဂၩလီၫ.အဖါထၫ့ဒုၪဒၩအဖိၪခွၫအဖိၪခွၫထၫ့ဒုၪဒၩအဖါအမိထၫ့ဒုၪဒၩအဖိၪမုၪအဖိၪမုၪထၫ့ဒုၪဒၩ အမိအမံၩ့ၡါမုၪထၫ့ဒုၪဒၩအဒဲၪအဒဲၪထၫ့ဒုၪဒၩအမံၩ့ၡါမုၪၥံၪမိလၩ့ဖၭလိၬအၥၭလီၫ.

စခးချံၫ့ယီၩ အဲၪဒိၭဆၧမုၬလၩလဖၪ အၪမၬဒ့ၭလီၫႉ အဝ့ၫယီၩ ကနံၩနံၩမုၬလၩလၧ ပၫတံၫဒဲလီၩ့ ကွ့ၭဆၧလီးဆၧထၩဆၧၥံၪနီၪဂီၩ့ လၩ့လၧဆၧဖံၭဆၧမၩခီၫ ယိဖၭခွံၬထၬဝ့ၫနီၪလီၫႉ အဝ့ၫအထံၩၥိၭလဖၪ နီၪဆ့ အီၪကၠၧၩ့ၦအလီၩ့ဆၧမုၬဆၧလၩလဖၪနီၪလီၫႉ အထံၩၥိၭလဖၪနီၪ စံၭအဝ့ၫ နၥၭအီၪဆံၭခိၬဖိၪဒံၭ လီၫႉ နကဲၪၥၭဘၪ့မွဲအ့ၬဧၪ နဘၪမုၬလၩအီၪနီၪ မုၬလၩနးထံၪလီၫႉ နဘၪလီၩ့ၥၭခိဆၧနးမံၩ့အ့ၬႉ ပမုၬလၩ ကန့ ပကဲၪၥၭဘၪ့အခံၫ့ယီၩလီၫႉ ဘဲၫနီၪလီၫႉ ကနံၩတၭ အဝ့ၫယီၩ အၪ့ဎၬလၩ့ထဲၩ့ၥၭအခံၫ့ ဒၪလၩ့အၥၭ အထီလၧယၫအဂး မၩထၬဆၧနးမံၩ့ဒံၭ အ့ၬႉ အထီးလဖၪဒဲ အဝ့ၫအခံၫ့လဖၪနီၪ မၩလူၬဂီၩ့လူၬစၪခွံၬဝ့ၫလၧ ဆၧမုၬဆၧလၩႇ ဆၧကွ့ၩထၩဆၧလဖၪ အီၪအၪလ့ၬယူၭႉ အဂဲးနီၪလီၫႉ ကနံၩတၭအဝ့ၫဒၪလံၬဆံၫ့ဎံၪဂီၩ့ ဝဲလၫ့ဖီယိဝ့ၫကကၠၪ…

ဎီးၡၩလၧအၥၭတီၩအ့ၪလမွဲဘၪ ဎီးၡၩလၧအၥၭလတီၩဘၪ စလုကၭ ( 12:39-48 ) နၥံၪၥ့ၪယၫလၧဂံၪ့ကဆါ အ့ၪၥ့ၪယၫဆၧအဆၧၫ့အထီ လၧဆၧဂူၪဆၧဘျၪမိ ဂဲၫဝ့ၫတၭ, ဘဲၫၥိၭအဆၧထီးဘုၪ့ဖိးဘၪ အဂံၪ့လဂ့ၩတၭ,မိအီၪခိၭဝ့ၫလီၫ.- မၩအၥၭဘဲၫနီၪတၭ, အီၪ တဲၩ့ဝဲၩနၥံၪအၥၭဆ့ဆံၭ.အဂဲးဘဲၫယီၩၦၡၩအ ဖိၪခွၫယီၩ,မိဂဲၫဝ့ၫ လၧအဆၧၫ့အထီလၧနၥံၪလဆီၫ့မီၪ့ဘၪနၥံၪဝ့ၫလီၫ.စပံတၧၫစံၭအဝ့ၫ,ကဆါဧ့,ဆၧချဲၩ့အဒီၩ့ယီၩ,နလီၩဘၪန့ၫပၧၩယီၩမွဲနလီၩဘၪဆ့ၦထီးအလူၬလဲၪ.က ဆါစံၭဝ့ၫအဎီးအၡၩလၧအလူတီၩ,ဒဲအကိၪ့ၥ့ၪလၧ အကဆါမိအီၪက့ၪလၩ့ဝ့ၫလၧအဒိၪဘဲၫၥိၭအမိဒုၭအၪ့ၦဂံၪ့ဖိၪထီးမုဘၪနီၪ,မွဲပလၫလဂၩလဲၪ.အဎီးအၡၩလၧအကဆါဂဲၫထဲၩ့ဒၪဘၪလၧအမၩဝ့ၫဘဲၫနီၪအီၪမုၬဝ့ၫဒၪလီၫ.ယလီၩဘၪနၥံၪလၩ့ထံးလၩ့ဆ့ၭ လၧအမိဒုၭကဲၪထၪ့ အဝ့ၫဒၪလၧအဆၧဖိၪဆၧလံၩ ထီးအလူၬအခိၪလီၫ.မွဲလါနၫ့တၭ အဎီးအၡၩအ့ၪစံၭဝ့ၫလၧ အၥၭယက ဆါမၩယံၬမၩနးအၥၭတၭ, ထးအဎီးအၡၩအမုၪ, ဒဲအဎီးအၡၩခွၫလဖၪတၭ, အၪ့ဆၧအီၩဆၧဒဲအီၩမၧၩ့အၥၭနီၪ,ထီးမုနံၩမုနၩ လၧအလယိလါ ဘၪဝ့ၫအ ဖၧၩ့ၥၭ,ဒဲနၩရံၩလၧအလၥ့ၪယၫဘၪဝ့ၫနီၪအကဆါမိဂဲၫထဲၩ့ဒၪ့ထ့ၬ အဝ့ၫနံၫကုၭတၭ,မိခွံၬလၩ့ခွံၬဝ့ၫလၧၦလဆူလနဲၩဘၪဆၧအၥိၭနီၪလီၫ.အဎီးအၡၩလၧအၥ့ၪယၫ,အကဆါအၥၭနီၪ,လတဲၩ့ဝဲၩဘၪအၥၭတၭ,လမၩဘၪဝ့ၫထီးအကဆါအၥၭနီၪ,မိဘၪဆၧထးဝ့ၫအၪထံၪလီၫ.- အ့ၪမွဲၦလၧ အလၥ့ၪယၫဘၪတၭ, မၩဝ့ၫထီးအကြၨၭဘၪထး နီၪမိဘၪထးဝ့ၫၡၩခိၬထံၪလီၫ. ကယဲၦလၧအန့ဘၪဆၧ အၪလဂၩလါလါနီၪ, ဆၧမိအၪ့ကံၩ့န့ထဲၩ့ဆၧလၧအ အၪလၧအဝ့ၫနီၪလီၫ.…

၂၀၂၅နံၪ့ လၩအီတိၫဘၧၫ ၁၉ၥၫ့ ခးၥဲၫထၧၫ့ဘံၪ့ယၫ ၦဆိၬၥၫထနၫအဘိၪ့မုနံၩဖၧၩ့ ဆၧမၩလၩမၩဖၩ့ၡီၩ့ ဆၧအီၪကီၪ့ဆရၫမုၪ မာဂရိတာ ဒေါ်တာ ဂဲၫထဲၩ့ဖီၪ့ထၪ့ဖံၭထၪ့ ယွၩအဆၧဖံၭဆၧမၩ ထၪ့ဘၭအနံၪ့၄၀ထီၫယူၩဘလံၫနီၪလီၫႉ ဆၧထံၪလၩ့ဒီၪလၩ့ယီၩနီၪ မၩဝ့ၫဒၪလၧ ဝံးတခိၩ့ ကၭၥလံၬဆၧအီၪကီၪ့ႇ ကြည့်မြင်တိုင်ဝံးႇ စိန့်ဂျိုးဇက် ၥရိၬဖၧၩ့နီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲလၧစိန့်ဂျိုးဇက်ဆၧအီၪကီၪ့ မူၩဒၩအီၪ ၥၫ့ခၫဒိၪ Fr.Augustin မိုးဝင်းနီၪလီၫႉ လၧမံဆၩဆၧလုထၪ့ဖၧၩ့ ၥၫ့ခၫယီၩ စံၭဝ့ၫဒၪ “ဆရၫမုၪယီၩ ကြၨၭပဖ့ၪလၩဖ့ၪဖၩ့ဝ့ၫဒၪဒဲ ပကြၨၭစံၭခိးစံၭတၩဝ့ၫဒၪနီၪလီၫႉ ၦဆူနဲၩဖိၪၥံၪလဖၪဒဲ ဆၧအီၪကီၪ့ဆရၫႇမုၪလဖၪနီၪ မွဲကဘၪအၪ့န့အဒီၩ့အထ့ၬလၧ ဆရၫမုၪဖၭဒိၪ မာဂရိတာ ဒေါ်တာ အအီၪယီၩနီၪလီၫ” အဂဲး…

ဎီးၡၩလဖၪလၧအီၪခိၭဆၧ စလုကၭ ( 12:35-38 ) ခဲးထူၬနၥံၪအယးဒံၩ့တၭ,အီၪလၧနၥံၪအမ့ၪဒိၩ့ခဲၩဖၩ့ထၪ့ဘီၪ.အီၪနၥံၪဝ့ၫဘဲၫၦလၧအယိလါအကဆါအဖၧၩ့ၥၭအၥိၭနီၪဘီၪ. ထီးအဝ့ၫဒၪလ့ၩလၧ မူၭဖၧၩ့ဂဲၫထဲၩ့ဒိၪထိၬဆၧနီၪ, ဘဲၫၥိၭအဝ့ၫၥံၪမိဝဲထၪ့န့အဂးချဲၫ့မၬလီၫ. အဎီးအၡၩလဖၪလၧအကဆါဂဲၫ ထဲၩ့ဒၪဘၪအအီၪခိၭဝ့ၫလဖၪနီၪ,အီၪမုၬဝ့ၫဒၪလီၫ.ယလီၩဘၪနၥံၪတီၩတီၩလၧအကဆါမိခဲးထူၬအယးဒံၩ့ဒၪဝ့ၫတၭ,မိအၪ့မၧၫ့အဝ့ၫဒၪဆၧၫ့နၩ့ဝ့ၫတၭ,မိဂဲၫမၩအဝ့ၫၥံၪလၧအဎီးအၡၩအဆၧမၩလီၫ.ၦခိၭဆၧနံၫဆၫ့လဆၫ့မွဲဂ့ၩ,ၥၧၫ့ဆၫ့လဆၫ့မွဲဂ့ၩ,အကဆါအ့ၪ ဂဲၫထဲၩ့ဒၪဘၪဆၧမၩအၥၭဘဲၫနီၪတၭအဎီးအၡၩလဖၪနီၪ,အီၪမုၬဝ့ၫဒၪလီၫ.

ၥၫ့ဎွၩဒိၪ လီယို၁၄ဂၩလဂၩနီၪ အၪ့ကံၩ့အၪ့ယၫထၪ့ ခးပယၩ့ဆၧဒုၭဆၧခၭ ကအီၪဖျါပထုၬအဂးဒဲ ဘဲၫယူၫကရံၩ့ထံၫခးလဖၪအၥိၭ ဆၧအလးလၧအဘၪထိး ဆၧဒုၭဆၧယၩလဖၪအဂး အၪ့ကံၩ့ဘၩဆိၪဖၪအ့ၪဝ့ၫ ဆၧဎူၫဆၧဎၩ့ကအီၪထၪ့အဂးနီၪလီၫႉ လၧအဖီၩ့ခွံၬ အတုၬမုနံၩ ခးၥဲၫထၧၫ့ဘံၪ့ယၫ ၦဆိၬၥၫထနၫအဘိၪ့မုနံၩ မံဆၩဆၧလုထၪ့ အီၪလၧစံၫ့ပံတၧၫလးပျၩ့တုၩ့ဖၧၩ့အထီ ၥၫ့ဎွၩယီၩ အၪ့ကံၩ့ဘၩဆိၪဖၪအ့ၪ ခးၥဲၫထၧၫ့ဘံၪ့ယၫ ဘဲၫဆၧဎူၫဆၧဎၩ့ကအီၪထၪ့အဂးနီၪလီၫႉ “စၭထၪ့လၧ၂၀၂၁နံၪ့အထီ ခးပယၩ့ဖၧၩ့ ဆၧဒုၭဆၧခၭကဲၪထၪ့အကၠီၩ့ ဆၧပရၧၫ့အအီၪဂဲၫလၧထံၪခးအနီၪလဖၪ ပဒၪဘၪပၥၭဘၪထံၭဆၫအၪမၬနီၪလီၫႉ ဆၧနီၪအကၠီၩ့ ယမိအၪ့ယၫဘၪ ခးပယၩ့ဖၧၩ့ ဆၧဒုၭဆၧခၭလဖၪ မွဲကအီၪပထုၬခွံၬၥၭအဂးနီၪလီၫႉ” အဂဲး ၥၫ့ဎွၩဖရၫ့စံ စံၭဝ့ၫဘဲၫနီၪအၥိၭလီၫႉ လကၭဘၪ လၧထံၪခးဖိၪၥံၪအဂံၪ့အဎၫ့အီၪအလးအကျဲၩ့ဖၫ့ခိၪ လီၩ့ခွံၬလၩ့ဆၧဖီးဖၭလၧကဘၩ့ယူၩလဖၪႇ လီၩ့ဎူလၫ့ထံၫခးဖိၪၥံၪအဂံၪ့အဎၫ့ႇ ဆၧလီၩ့မၩဂၭဂီၩ့ဂၭစၪဆၧႇ ဆၧလီၩ့မၩၥံၫမၩဆၫဆၧလဖၪအဂး ၥၫ့ဎွၩယီၩ…

နံၬ ကနံၬလၪႇ ဖနံၬထးကၩႇ မနံၬထၫ့မျါ လိးဎံၫလၩႇ နံၬ အ့ၪဘၪကွ့ၭလၥၭနၪ့ႇ မွဲန့ၫလၧကဲၪ့ထၪ့ (-ၬ) ႉ

ဆၧချဲၩ့ဒီၩ့လၩ့ဘၪဆဲၫ့,ၦကဲၪဒိၪလၧအဂီၩ့လဂၩ. လၧၦခမျၧးအကျၩ ၦလဂၩစံၭအဝ့ၫ, ဆရၫဧ့, မၪလူၬ ယထၧၫ့ဖုဝဲဘဲၫၥိၭ အမိအၪ့နၩ့ဖၭန့ယၧၩ လၧဆၧန့ၥၫအဆၧၫ့ဘီၪ.တၭအဝ့ၫဒၪစံၭအဝ့ၫ,ၦၡၩဧ့,မွဲပလၫအီၪက့ၪယၧၩလၧဆၧစ့ၩရၫ့မွဲဂ့ၩ,ၦအၪ့နၩ့ဖၭဆၧအဆၧၫ့မွဲဂ့ၩ,လၧနၥံၪအဖၫ့ခိၪလဂၩလဲၪ.အဝ့ၫ ဒၪစံၭအဝ့ၫၥံၪ,ဆၧလီၫ့ကီၩ့ၥၭကွံၩနီၪထီးလၩ့နၥံၪအ ၥၭဂၭဎ့ၭခွံၬဆံၭ. အဂဲးဘဲၫယီၩဆၧစူၪလးခၪ့ခိၪ လၧၫ့လၧၫ့ဎွ့ၩဎွ့ၩနီၪမွဲၦၡၩအဆၧမၧၫ့အ့ၬ.အဝ့ၫဒၪချဲၩ့ဆၧလၧအဝ့ၪၥံၪ, လၧဆၧချဲၩ့အဒီၩ့ တၭ,စံၭဝ့ၫ, ၦၥထံၫလဂၩနီၪ, အဂၪ့ခိၪၥၪထၪ့ဝ့ၫအီၪအၪအၪလ့ၬလီၫ.တၭဆီၫ့မီၪ့ဝ့ၫလၧအၥၭ,စံၭဝ့ၫ,ယ မိမၩဘဲၫၥ့ၪလဲၪး အဂဲးဘဲၫယီၩယဆၧၥူၪဆၧၥၪနီၪယအီၪက့ၪကီၪ့ထဲၩ့အလးအီၪအ့ၬ.တၭစံၭဝ့ၫ,ယမိမၩ ဘဲၫယီၩ, ယမိရိလၩ့ခွံၬယဖၫ့တၭ,ယမိၥုၪ့ဒိၪထၪ့ ထဲၩ့ဝ့ၫတၭ, ယမိအီၪက့ၪကီၪ့ယဆၧၥူၪဆၧၥၪ,ဒဲယဆၧဖိၪဆၧလံၩထီးအလူၬလီၫ.ယမိစံၭယၥၭၡီၩ့,ၥၭ ၡီၩ့ဧ့, နဆၧဂ့ၩနဆၧဘွၩအၪအၪလ့ၬအီၪဝဲၩယူၭ လၧအၪနံၪ့အၪလၩအဂးယူၭ. အီၪပွံၭဒၪခလူၬတၭ,အၪ့ဆၧအီၩဆၧတၭ,မုၬလၩနၥၭဘီၪ.မွဲလါနၫ့ ဘိၩယွၩစံၭအဝ့ၫ, ၦဂီၩ့ဖိၪဧ့,လနၩယီၩဆၧမိကိၭ ထဲၩ့နၥၭလၧနအီၪလီၫ. ထီးနီၪလဖၧၫ့ဆၧဖိၪဆၧလံၩလၧနတဲၩ့ဝဲၩနီၪ,မိကဲၪလၧပလၫလဂၩအဆၧလဲၪ.ၦလၧအအီၪက့ၪကီၪ့ဆၧလၧအဂးsဒၪဝ့ၫဒဲအစူၪလး အခၪ့ခိၪလအီၪဘၪလၧယွၩလခီၫနီၪမၩအၥၭဘဲၫ နီၪၥိၭဆ့လီၫ.