RVA PWO KAREN

ကကၠၪအိၩဖါထံအီၪဝ့ၫနံၫဂၩလီၫႉ ကဂၩနီၪမၩဆၧမၩလၧကုမ္ပဏီဂီၩ့ အနီၪ ကဂၩနီၪမွဲၦၥီၪ့လံၬဆရၫလီၫႉ အဝ့ၫၥံၪအဂံၪ့နီၪ အီၪဘူၭထဲးဂီၩ့ လၧအဝ့ၫၥံၪ အဂံၪ့မ့ၬယၫနီၪ ၥုၪ့လၩ့ထၬဆၧထံၭဆၧဘီၩ့လဖၪနီၪလီၫႉၦမၩဆၧမၩလၧကုမ္ပဏီဖၧၩ့ဖါထံနီၪ ကနံၩကနံၩ ၡီၫ့အဆၧထံၭဆၧဘီၩ့ လဖၪထံၫအၪအၪလ့ၬႇ ဎွံၫအ့ၪဝ့ၫၥံၪ့ဎွံၫထံၫဂ့ၩဂ့ၩဘၪဘၪႇ ထံၭလၩ့အ့ၪဝ့ၫ ဂၪ့ခိၪအၥိၪအဆီး ဂ့ၩဂ့ၩဘၪဘၪဒဲ ယိဝ့ၫဂ့ၩဘၪစဲၪ့အကၠီၩ့ အဆၧထံၭဆၧဘီၩ့ လဖၪနီၪဂ့ၩမၬဂ့ၩလၥၨၩႉလါနၫ့ဆရၫလဂၩနီၪဘိၭ ယိအဆၧထံၭဆၧဘီၩ့လဖၪဖိၭနီၪအ့ၬႉ ၡီၫ့အ့ၪ ဝ့ၫထံၫဎွ့ၩအလိၪနီၪလီၫႉ အဆၧထံၭဆၧဘီၩ့လဖၪနီၪ ဖျါလုထၬဝ့ၫ ဂ့ၩဘၪစဲၪ့ နီၪလီၫႉ အဝ့ၫအဆၧထံၭဆၧဘီၩ့လဖၪဆ့ မွဲဂ့ၩဆ့နီၪလီၫႉကနၩတၭ လံၩမုလဖုၬအဆံၭဂဲၫကဖျိၪ့အခၫ ၦမၩဆၧမၩလၧကုမ္ပဏီ လဂၩအဆၧထံၩဆၧဘီၩ့လဖၪနီၪ စၭထၪ့လၧအဝံနီၪဂၭဂီၩ့ဂၭစၪခွံၬ ထီးလူၬနီၪ လီၫႉ လါနၫ့ဆရၫလဂၩ အဆၧထံၭဆၧဘီၩ့လဖၪနီၪ လဂၭဂီၩ့ဘၪ ဒဲ မၧၫ့ထး ဂ့ၩဂ့ၩဘၪဘၪကိၭထံၭနီၪလီၫႉၥံၪ့ထံၭလၧဘၪထိးယိအၥၭဂ့ၩဂ့ၩဘၪဘၪလဖၪနီၪ…

မိကက်သလစ်ဆၧအီၪကီၪ့ယီၩ လၩမေနီၪ ကိၭထၬဝ့ၫလၧ မိမၫရံၫအလၩနီၪလီၫႉ အ့ၪထီၩ့မါလၧ လၩမေစွါ ဘဲၫ ၦၡၩစူၭကီၪ့ဝံဖဲၫ့ဆံၫ့ဎံၪကိၭနံၩဒ့ၭနီၪလီၫႉ လၧလၩဧပြီ ၂၁ၥၫ့အိၩ ဗာတီကန် ဘိၭဘၪၥ့ၪယၫထၪ့ ကနံၪ့ယီၩ လၩမေနီၪ ဘဲၫၥိၭကိုဗစ်ဆၧဆၫကလၩ့မါခွံၬအဂး ပကဘၪအၪ့ကံၩ့ဘၩဆိၪဖၪဝ့ၫလၩအဂဲးနီၪလီၫႉလၧဆၧဘိၭဘၪၥ့ၪယၫအဖၧၩ့ ၥၫ့ဎွၩဖရၫ့စံၭအၪ့ကံၩ့အၪ့ယၫထၪ့ဘၪ ၦဆူၩနဲၩဖိၪၥံၪ လၩမေအထးဖၧၩ့ယီၩ ၦလဂၩဎးမွဲဂ့ၩႇ လၧခရၧၫ့မွဲဂ့ၩႇ လၧဂံၪ့ဒီၪ့ဖိၪလဖၪမွဲဂ့ၩ လ့ၩစူၭကီၪ့လၩ့ဎိၭလၧ မိမၫရံၫအလိးအိၩဂီၩ့ ဘဲၫကိုဗစ်၁၉ဆၧဆၫယီၩ ကအီၪပထုၬခွံၬၥၭအဂး လၩထၧၫ့ဘံၪ့ယၫ ပကအၪ့ကံၩ့ဘၩဆိၪဖၪအဂးနီၪလီၫႉလၩမေ(၁)ၥၫ့နီၪ ၥၫ့ဎွၩကလ့ၩခိၪလ့ၩနါဝဲထၪ့ဘၪ မိမၫရံၫအလၩ လၧဆၧအၪ့ကံၩ့ဘၩဆိၪဖၪအဖၧၩ့နီၪလီၫႉ လၩဧပြီ (၂၁)ၥၫ့အထီအိၩ ကိုဗစ်၁၉ဆၧဆၫယီၩ အၪ့ကံၩ့ထၪ့ ထံၫဖိၪခးဆါလဖၪ ဆၧဖ့ၪလၫ့လၩ့ၥၭ အၪမါနီၪလီၫႉ ထီအယီၩ ဘဲၫ…

ဂၪ့ခိၪထၧၫ့ဘံၪ့ယၫ ဖံၫဖူၫၥံၪ ဒဲ ၦၥုၪ့က့ၭၥၭၡါၥံၪအမုနံၩအခၪ့ထံၭလဘျၩ့ယီၩ ကဘၪဆၧမၩလၩမၩဖၩ့ဝ့ၫ လၧလၩယူၫလဲၫ့ ၂၅ ႇ ၂၀၂၁နံၪ့ နီၪလီၫႉ   ၦဆူနဲၩဖိၪႇ ဂံၪ့ဒီၪ့ ဒဲဆၧၥၭမၧၫ့ အဂး ဗၫတံၫကၫ့ ဆၧမၩလး ဘိၭဘၪၥ့ၪယၫထၪ့လၧဆၧပရၧၫ့ဖၧၩ့ လၧအနၠါမုနံၩ လၩအ့ၩဖြံၫထၪ့ ၂၀ နီၪလီၫႉ လၧဆၧမၩလၩမၩဖၩ့    မုနံၩယီၩအဂးႇ ၥၫဎွၩဒိၪ ဖရၫ့စ့ၭ ရွံန့အမံၩ့ႇ “ယအီၪလၧနၥံၪအၥိၭ ကိၪမုနံၩမုနၩဒ့ၭ ထီးဂၪ့ခိၪယီၩအထုၬလီၫႉ(စမၭၥုၫ ၂၈:၂၀) ကဆါယွၩ ဒဲဆၧအီၪကီၪ့ယီၩ အီၪကၠၧၫ့ကၠၧၫ့ႇ အီၪဘူၭခိၪလၧ ၦၥုၪ့က့ၭၥၭၡါၥံၪႇ လၩ့ဆၫ့ဒၪဆၧ လၧကိၫဗံၭဆၧဆၫ ဆၧကၪဆၧဂဲၩ အဆၧၫ့အထီအဖၧၩ့ယီၩလီၫႉ…

လၧလၩအ့ၫဖြံၫ၁၈ၥၫ့ လဂီၩ့ခီၫအိၩ ဝံးတခိၩ့ႇ ရန်ကင်းဝံးအဖၧၩ့ ပယၩ့ ၥုၭလဖၪထဲၩ့ဖီၪ့န့ ၥၭဘၪ့လဖၪအဂဲး ပၥ့ၪယၫဘၪနီၪလီၫႉၥၭဘၪ့လၧဘၪထိးဖီၪ့အၥၭလဖၪ ၥုၭဖိၪၥံၪမၩနၧၩ့မၩစၪထၬအဂဲး ပဒၪ ဘၪအဂၩ့လဖၪ လၧအွန်လိုင်းအဖၫ့ခိၪဎံၩ့ဎီၩ့နီၪလီၫႉ ၦလၧအဘၪထိးဖီၪ့ၥၭ အကျၩ အီၪလၧရန်ကင်းဝံး စိန်ဂျုဒ်ဆၧအီၪကီၪ့ဖၧၩ့ ၥၭဘၪ့မုၪလဂၩ ပၫထဲး ဆ့နီၪလီၫႉအဝ့ၫအမံၩ့နီၪ မခင်ငြိမ်းသူ (ခ)Anne Marieဂီၩ့ လ့ၩထၪ့ Contemporary Danceဆၧမၩလိၫ လၧUKဂီၩ့ ဂဲၫထဲၩ့လၩ့အီၪလၧ ခးပယၩ့ နီၪလီၫႉလၩအ့ၫဖြံၫ၁၈ၥၫ့လဂီၩ့၂နၩရံၫအခံၫ့နီၪ ဘၪထိးဖီၪ့ၥၭအတံၭအတူၭဂီၩ့ မုဂၫနံၩအိၩနီၪဘၪထိးဖီၪ့ထၭအၥၭလၧ ရန်ကင်းဒူၩယၪ့လးလါနၫ့ ဘဲၫယီၩ နီၪ ၦၡၩလ့ၩၥုၭထဲၩ့လၧ ရွှေပြည်သာဆၧအၪ့စံၭအၪ့စၪ့ဆၧအလးနီၪလီၫႉလၩအ့ၫဖြံၫ၁၈ၥၫ့ မုနၩ၈နၩရံၫ MWD ဆၧပရၧၫ့ဖၧၩ့ ထုၬဖျီၪထၪ့ဝ့ၫ…

၂၀၂၁နံၪ့ လၩအ့ၫဖြံၫ၁၃၁ၫ့ တၩလၩ့ဝ့ၫအဆိၪထုၬကနံၩ လဂီၩ၄နၩရံၫ အခံၫ့နီၪ အီၪလၧဝံး မၫ့တၨၭဖၧၩ့ႇ အောင်မြေသာစံဝံးႇ မြောက်နွားခြံကုန်း ဝၩ့ဒီၪ့နီၪ မ့ၪအၪ့အကၠီၩ့ ဂံၪ့အဖျိၪ့၂၉ဖျိၪ့ ၦၡၩအဂၩ(၁၈၁) ဂၩနီၪ ဘၪဒၪဆၧၫ့ ယၫလၧမ့ၪအၪ့ဆၧ ဆၧကၪဆၧဂဲၩနီၪလီၫႉ ၦလဖၪနီၪလိၪဝ့ၫဒၪဆၧမၩဆၧၩ့လဖၪအဂး ၦလၧအမၩဘိၪ့ဆၧလဖၪ အီၪဝ့ၫအကၠီၩ့ လၩအ့ၫဖြံၫ၁၄ၥၫ့လဂီၩခီၫနီၪ စံၫ့ဂၠိၩဇဲၭမံၭထၭမုၪလဖၪဒဲ အီၪလၧမစိုးရိမ်ကျောင်းတိုက်ဗုဒ္ဓၥၫ့ခၫလဖၪ လ့ၩမၩဘိၪ့စိၩဘၪအဝ့ၫၥံၪ ဒံၪ့ၥိၪႇ ဂုဆၫႇ ကိၪဆွဲၩ့ႇ ဘီစကစ်ႇ ၥၧၫ့ခိၥၪႇ ယၫတလၫႇ ဓာတ်ဆားႇ ချၫၥိၪ ဒဲ ဆၧကီၩ့ဆၧၥိၭလဖၪနီၪလီၫႉ အၥၭအီၪဝ့ၫဒၪ၇၀ ဖံၫကဂၩနီၪ [အၪ့န့ဆၧချုၭနးမံၩ့အ့ၬ ဂံၪ့ထၧၫ့ဖျိၪ့ယၫ မ့ၪအၪ့ခွံၬထီးလူၬအဂဲးႇ ကဘၪစၭထၪ့ထဲၩ့ဝ့ၫလၧအခၪ့ထံၭအဂဲး]…

ပအဲၪဒိၭအၪ့ဎွ့ၩဆၧလမံၩ့မံၩ့ “စံၭမၭချၭႉႉႉပအဲၪဒိၭ Ballpen လဘီၩ့ဘီၩ့အ့ၪမွဲလၩ့မါဒၪပၧၩတၭ ပလီၩ့ဎွါယုၩယါထၨၩၦခိၪနုၬလၭလၫ့ၥ့ၪလီၫႉ ဘၪနီၪလဲၪနီၪႉႉပလီၫ့ကီၩ့အကၠီၩ့လီၫႉ အ့ၪအလူဒိၪဎွ့ၩဒိၪ အီၪဘဲၫနၩရံၫၥိၭ လမံၩ့မံၩ့စွါဘိၩႇ ပလီၩလၩ့လၭလၩ့လထုၬလၧၩ့ဘၪလီၫႉ အ့ၪအလူဒိၪဎွ့ၩဒိၪွ အီၪဘဲၫနၩရံၫၥိၭလမံၩ့မံၩ့စွါဘိၩႇပလီၩလၩ့လၭလၩ့လထုၬလၧၩ့ဘၪလီၫႉ အ့ၪမနံၭထၧၫ့မျါဖၧၩ့ မွဲစူၪၥံၭၥံၪႇ ထဲၩ့ဎွံၪၥံၪလၩ့မါစွါဘိၩႇ ဘၪလ့ၩအၪ့ဖၩ့ဝ့ၫႇ ဘၪအၪ့တွၭဝ့ၫတၭႇ ၡူၭဘိၫ့လၫ့ထီးအလူၬလီၫႉ ဘၪန့လဲၪနီၪ လီၫ့ကီၩ့ဝ့ၫအကၠီၩ့လီၫႉ နစံၭဆၧယီၩ ဆၧလၩ့ဆၫ့လၩ့မဲၩ အီၪမနီၫလဲၪႉႉထၧၫ့ဖုဝဲမုၫခွၫထံၩၥိၭၥံၪ ကလီၩထၪ့ဆၧၥ့ၪနီၪလီၫႉ မွဲတၡါလီၫႉ ဆၧလၩ့ဆၫ့လၩ့မဲၩလအီၪဘၪနးမံၩ့လီၫႉ လါနၫ့ဂ့ၩႇ ဆၧလၩ့ထၫ့လၩ့မဲၩအီၪဝ့ၫ ယိၩယိၩလမံၩ့ယမိစံၭဘၪဝ့ၫလီၫႉ လၩ့ဆၫ့ဒၪလ့ၬႇ လၧၥၭဘၪ့ဖိၪၥံၪအလုၫအလါဖၧၩ့ မွဲဆၧဂဲးဆၧဖးဘဲၫယီၩၥိၭ ပဒၪဘၪဝ့ၫအၪအၪလီၫႉ အလူဒိၪဎွ့ၩဒိၪအီၪအၪနဲၪ့န့ဒံၭ ထီၫ့ၥံၪလွ့ၫၥံၪႇ မနံၬထၧၫ့မျါၥံၪလါနၫ့ဂ့ၩႇပကဲၪၥၭဘၪ့ဖိၪၥံၪယီၩ လထုၪ့ၥုၪ့ထုၪ့ၥၭဘၪဆၧလမံၩ့နီၪ မွဲဝ့ၫဒၪ ဆၧဆီၪ့ဆၧချဲၪ့နီၪလီၫႉ ကဲၪဝ့ၫဒၪ…

၂၀၂၁နံၪ့ လၩအ့ၫပြံၫ၁၂ၥၫ့ အဂၫလၩ့ ၇:၁၅ မံန့အခံၫ့နီၪ အီၪလၧ ဒိၩ့ပၥံၫ့ဆၧအီၪကီၪ့ ကဲၬ၁လံၬဘိၪ့ခိၪၥၫ့ခၫလဖၪႇ မံၭထၭမုၪ ခွၫ လဖၪဒဲ ဆၧ ဘိၪ့ဆၧဘၩဖိၪလဖၪ စူၭကီၪ့ထၪ့အၥၭ လၧစံၫ့ပံၫတၫၥရိၬလးဝၩ့ဖၧၩ့နီၪလီၫႉဂီၩ့နီၪ ဘဲၫၥိၭခးပယၩ့ဖၧၩ့ ဆၧဎူၫဆၧဎၩ့ဒဲ ဒံၫမိၫကရ့ၫစံၫ ကန့ထၪ့ဖျဲၪ ဖျဲၪအဂး ဒဲ စၭထၪ့လၧ လၩဖ့ၫဖီၫဝၫရံၫ(၁)ၥၫ့ ၥုၭခိၪၥံၪထၪ့အၪ့ဂူၭအလး ဆၧ တုၩ့ထၪ့တုၩ့လၩ့ကဘျၩ့ယီၩအဖၧၩ့ ၦလၧအဘၪၥံၫဖီၩ့ ခွံၬထီးလူၬလဖၪအ နးၥၭ ကထဲၩ့အီၪဘၪလၧ ဆၧမုၬဆၧၡူၪဖၧၩ့အဂးနီၪ ပဝ့ၫၥံၪလဖၪပဝံထၪ့ ဖဲၫ့ဆံၫ့ဎံၪ၅၀ဂီၩ့ ပအၪ့ကံၩ့ဘၩဆိၪဖၪဝ့ၫနီၪလီၫႉဆၧဘၩဆိၪဖၪဆၧလဖၪ ဂီၩ့ခွံၬလၧမုနၩ၈နၩရံၫဒဲ ၦလၧအဂဲၫစူၭကီၪ့ အၪ့ကံၩ့ဘၩဆိၪဖၪဆၧ ထီးလူၬကအီၪဖိၭဘိၭအဂၩ ၁၀၀နီၪလီၫႉ

လၩအ့ဎြ့ၫထၪ့ (၁၁) ၥၫ့ႇ မုဂၫနံၩအိၩႇ ၥၫ့ဎွၩဒိၪဖရၫ့စ့ၭ ကၠၧၫ့ကၠၧၫ့လၧၦအဂၩ (၈၀) မၩလၩမၩဖၩ့ ယွၩအဆၧယၫ့ၥုၪ့ယၫ့ၥၭ ဘိၪ့မုနံၩ လၧ Santo Spirito ဘၩယွၩၥရိၬဖၧၩ့လီၫႉ  Covid ဘၪဂၭဆၧဆၫအထီယီၩအကၠီၩ့ႇ ၦအဂၩ ၈၀လၧၫ့ ဂဲၫထၪ့လုထၪ့ဘၪမံဆၩလၧၥရိၬဖၧၩ့ယီၩလီၫႉ လၧမံၩဆၧဆၧလုထၪ့အဖၧၩ့ယီၩႇ ၦလၧအဘၪလၩ့လၧထီၫ့ဖၧၩ့လဖၪႇ ၦလၧအယိၦစူၭၦဆၫလဖၪႇ ၦအီၪလမုၬဆီၪ့လချဲၫ့ ဘၪလဖၪႇ ဒဲၥၫ့မုၥၫ့ခၫၥံၪလဖၪဂဲၫဘၩလၩ့ဎိၭယွၩကၠၧၫ့ကၠၧၫ့လီၫႉ အဆၧလီၩလၩ့လၬလၩ့အဖၧၩ့ႇ ၥၫ့ဎွၩဒိၪဖရၫ့စ့ၭစံၭဝ့ၫႇ “ကဆါယွၩ မၩမၧၫ့ထၪ့အထံၩအဖျဲအၥုၪ့အၥၭႇ အၪ့လဲၩထၪ့အဝ့ၫၥံၪအၥၭ ခၪ့ဖျီၪ့လၧဆၧယၫ့ၥုၪ့ယၫ့ၥၭလီၫႉ အထံၩအဖျဲလၧအဒိၭန့ဘၪဆၧယၫ့ၥၭလဖၪယီၩႇ ကဲၪထၪ့ၦလၧအယၫ့ၥုၪ့ယၫ့ၥၭဆၧလဖၪလီၫႉ အထံၩအဖျဲၥံၪန့ ဘၪအခိးအတၭ(၃) မံၩ့လၧအကဆါယွၩအအီၪႇ မွဲဝ့ၫႇ ဆၧဎူၫဆၧဎၩ့ႇ ၥၭမုဆံၫ့ဎံၪ ဒဲအဝ့ၫအဖၧၩ့လးလဖၪ(ဆၧထိးနိၫ့ထိးနၭ)…

လၧတၫ့ဆဲၫဝံးဖၧၩ့ ၡၩခမျၧးလဖၪထုၬဖျီၪထၪ့ ဆၧၥၭလုလဖၪအထီ ပယၩ့အၥုၭလဖၪနီၪ ကမၩပြံၩပြၩခွံၬၡၩခမျၧးလဖၪအဂး အီၪဂဲၫထၪ့လၧ ယ့ၫအူၩဂီၩ့ လၧတၫ့ဆဲၫဝံးအခိၪထိၬ ၥုၭဖိၪလဖၪအဆၧဒုၭဆၧခၬအကၠီၩ့ ၡၩခမျၧးအကျၩ ခၠီၩ့ယိၩတဝၫ့ဖိၪ အၥၭအီၪ၃၁နံၪ့ ကိၫကၠီၫမိၠၩနီၪ ကျီၩ့ၥၪဘၪ လၧ အၥၭဘီၩ့ထိၬဂီၩ့ ၥံၫဝ့ၫဒၪအဂဲး အဝ့ၫအထံၩၥိၭလဂၩစံၭဝ့ၫဒၪနီၪလီၫႉ ကိၫကၠီၫမိၠၩယီၩနီၪ ပၥ့ၪယၪဘၪ မွဲလၧ ဖၫၥၫ ပံၫတၫ အူၩမၠၭအီၫ့ အလံၩ ခွၫနီၪလီၫႉ လၩအ့ၫပြံၫ၇ၥၫ့ မုဂၫလၩ့၃နၩရံၫ ထီၩ့စိၩလၧ၇နၩရံၫအခံၫ့နီၪ လၧ တၫ့ဆဲၫဝံးဖၧၩ့ ဆၧဒုၭဆၧခၬကဲၪထၪ့ဝ့ၫနီၪလီၫႉ ဆၧဒုၭဆၧခၬအဖၧၩ့ ၡၩခမျၧးၥံၫဝ့ၫဒၪကဂၩဂီၩ့ ဘၪထံၭဘၪနဲၪ့ဆၫဆၫ လ့ၬအီၪဝ့ၫဒၪ ၃ဂၩတၭ ၦဂူၪဂၩဘၪထံၬဘၪနဲၪ့ကအီၪ ဖိၭဘိၭအဂၩ၂၀အဂဲး လၧတၫ့ဆဲၫဝံး…

ပၧၩစီၪဝ့ၫ မၩဖီးဖၭ ဘိၩ့ ထိးၥံၫလၩ့အၥၭနီၪ ခးအ့ၫဒိၫနံၡၩ ဆူလၫဝံစံကျိၩ့  ဆၧအၪ့နၩ့ဖီၪ့အတုုုၬနံၩ မံဆၩဆၧလုထၪ့ဂီၩ့နီၪ ပၧၩလၧဂဲၫထဲၩ့စဲၪ့လၪ့လၧ ၥရိၬဖၧၩ့လဖၪ ဒုၭထၪ့ဝ့ၫလီၫႉ  မုနွ့ၫဆံၫ့ဎံၫစၭထၪ့မဲွဝ့ၫ လၩ မၭ (၂၈) ၥၫ့နီၪ ဆူလၫဝံစံဆၨၩခးဒီၪ့လံၩထံၭကကဲၩ့ခီၫ မဲၭကၫဆၫဝံး ယ့ၫဇူၫၥၭဆံၫ့ဎံၪ ၥရိၬဖၧၩ့အခီၫနီၪ ဎရံၬဖိၪလဖၪ စူၭကီၪ့ထၪ့အၥၭအထီ ဆၧဖီးဖၭ ကဲၪထၪ့နီၪလီၫႉ အဆိၪထုၬနီၪ ၦၡၩဘၪထံၭဆၫ ကအီၪဆံၫဂၩ ပၥ့ၪယၫဘၪလီၫႉ ၦလၧလုထၪ့မံဆၩဆၧလုထၪ့မဲွဝ့ၫ Fr.Wilhelmus Tulak  နီၪ လီၩဝ့ၫ ဆၧဖီးဖၭကဲၪထၪ့နီၪကအီၪ လဂီၩ ၁၀ နၫရံၫခီၫအကၠီၩ့ ၦလၥတံၫဘၪလဂၩနီၪ ဂဲၫလၧလဲၪ့ယဲးၥိၪဂီၩ့ ကျ့ၭစၨၭနူၭလၩ့လၧ…