RVA PWO KAREN

ပဆၧၥၭမၧၫ့ထၧၫ့ဖျီၩ့ယၫအဂး ပဆၧအဲၪတၩ့ (ခ) အ့ၪလမွဲဘၪ ပမၫပဝၩယီၩနီၪ အဂ့ၩထုၬ မွဲမၬကမွဲ လါနၫ့လၧပဂး မွဲအကြၨၭထုၬလီၫႉ  စံၭမၬချၭ ပဖီၪ့ထၬခွ့ၩဒီၪနါဘဲၫယီၩနီၪ အနံၪ့အခၩထုၬ အဂ့ၩထုၬ မွဲမၬကမွဲ လါနၫ့လၧပဂး ပဆၧဖံၭဆၧမၩ အဂး လိၪဝ့ၫဒၪနီၪ ပၥိၩ့ကန့ဂ့ၩဂ့ၩဘၪဘၪအဂး မွဲပရွံအၪ့ဎွ့ၩထၬနီၪလီၫႉ ပၥိၭထၬခၪ့ဖံၭနီၪ အနံၪ့အီၪ ၅ကုၬမၬကအီၪ လါနၫ့ခၪ့ဖံၭအဎွ့ၩအီၪဒၪ၅၀၀၀လီၫနီၪဆ့ လၧပမိလ့ၩအလးနီၪ မွဲပလ့ၩ ထီၩ့ဆ့လီၫႉ နဆၧအဲၪတၩ့ (ခ) နမၫ နဝၩနီၪ အ့ၪဎိၪဎါမွဲကဎိၪဎါ အ့ၪဘီၪ့ဘိၭမွဲကဘီၪ့ အ့ၪဎွဲဘိၭကဎွဲ အ့ၪဎံၪလၩဘိၭ ကဎံၪလၩ အခိၪနုၬဂ့ၩဘိၭကဂ့ၩ အ့ၪဆၨၫဘိၭကဆၨၫ ဆၧလၧၫ့ဆၧဎွ့ၩအီၪမၬကအီၪ လါနၫ့…

ဆၧလၧပဘၪအီၪန့ၫလဂၩနီၪ ပဘၪအီၪပၧၩကဂၩလီၫအခံၫ့လမွဲဘၪတၭ ပအီၪပၥိၭနံၫဂၩလါနၫ့ ကဂၩဒဲကဂၩ အ့ၪမွဲ ပၥၭယဲၩ့ထၪ့လိၬၥၭစွါဘဲၫ အနီၪမွဲ မီၪ့ဎီၩ့ပဘၪအီၪန့ၫလဂၩဆ့နီၪလီၫႉ ပဂံၪ့ဒီၪ့ဖိၪၥံၪလအီၪဘၪအကၠီၩ့ ပဘၪအီၪန့ၫလဂၩ လမွဲဘၪတၭ ပဂံၪ့ဒီၪ့ဖိၪၥံၪအီၪဒၪလါနၫ့ ကဂၩဒဲကဂၩအ့ၪမွဲ အီၪလၧဆၧမ့ၬလဲၩ့ၥၭဂဲၫ့လဖၪ အ့ၪမွဲပၥၭလဘၪဎိၭလၩ့ဘၪ လိၬၥၭအခၫ အ့ၪမွဲပအဲၪလၩ့ကၠၭဒၪန့ၫပၥၭလီၫအခၫ မွဲပဘၪအီၪန့ၫလဂၩဆ့နီၪလီၫႉ ပထံၩၥိၭလအီၪဘၪနီၪ မွဲပကိၭဝၫ့ ပဘၪအီၪန့ၫလဂၩအ့ၬႉ ပထံၩၥိၭၥံၪအီၪအၪဝ့ၫဒၪလါနၫ့ ကဂၩဒဲကဂၩ ဘၪပြၧၩ့လိၬ ၥၭႇ ဆၧဖံၭထံၩဖံၭၥိၭအဘျၪလဖၪအကျၩ ပဘၪအီၪအၪ့ကၪကၪဂဲၩဂဲၩနီၪဆ့ မွဲပကိၭဝ့ၫလၧ ဘၪအီၪန့ၫလဂၩနီၪလီၫႉ ပအီၪဘၪ လၧၦၡၩအၪမၬအကျၩလါနၫ့ အ့ၪမွဲၦၡၩလထံၭလၩ့ဘၪပၧၩစရၫ့ဖၧၩ့ႇ ပဆၧဖံၭဆၧမၩလဖၪႇ ပဆၧကိၪ့ဘၪကိၪ့ၥ့ၪလဖၪနီၪ အ့ၪမွဲ ၦၡၩလထိးဆၧၫ့ဘၪအခၫ မွဲပဘၪအီၪန့ၫလဂၩနီၪလီၫႉ ဆၧနီၪအကၠီၩ့ ထီးစီၪလၩ့ဘၪပၥၭလၧ ပဘၪအီၪန့ၫလဂၩနးဆိၭလဂ့ၩႉ…

ယမုလါနခိၪနုၬဂ့ၩ ဂ့ၩဘၪစဲၪႉ အ့ၪမွဲနကဲၪထၪ့ဘဲၫနီၪဂီၩ့အခၫ နအီၪက့ၪထးခွံၬယၧၩန့လီၫႉ လါနၫ့အနီၪမွဲအရ့ၩဒိၪ အ့ၬႉ ပအဲၪဝ့ၫဒၪၦၡၩကဂၩ ဘဲၫကကဲၪထၪ့ဘဲၫနီၪဂီၩ့ ကဆၧၫ့ထုၪ့ဒၪလၧအခၪ့ကန့အဂး ယဖ့ၪဂဲးဖ့ၪဘၭမၩဆၧၩ့အဝ့ၫၥ့ၪ ထၪ့နီၪ မွဲဒၪယဆၧအဲၪလီၫႉ ယမုလါနၥိၭနကီၩ့ၥ့ၪဎံၫဎံၫလၩလၩကိၭမံၩ့လီၫႉ အ့ၪမွဲနကဲၪထၪ့ဘဲၫနီၪယူၭစွါဘဲၫ နမိအီၪက့ၪထးယၧၩမွဲန့ဆ့ႉ လါနၫ့ အနီၪအရ့ၩဒိၪအ့ၬႉ ယအဲၪဝ့ၫဒၪနၧၩလဂၩနီၪ ၦၡၩကအၪ့အူၭအၪ့ဎၧၩ့ဘၪနၧၩအဂး ကယဲယမၩအ့ၪနၧၩန့ ယမိမၩအ့ၪနၧၩနီၪ မွဲဒၪယဆၧအဲၪလီၫႉ ယမုလါနဒိၪထုၬကုၭဎွ့ၩ နခိၪနုၬလ့ၩဂ့ၩဘၪစဲၪႉ လါနၫ့အ့ၪမွဲနကဲၪထၪ့ဘဲၫနီၪဂီၩ့အခၫ လၧနနဲၩ့ထံၭ အ့ၪယလအီၪ ဘၪလါနၫ့ နအီၪမွဲန့ဆ့ နၥၭကဲၪထၪ့ဘဲၫနီၪၥ့ၪလီၫႉ လါနၫ့ အနီၪအရ့ၩဒိၪအ့ၬႉ ယအဲၪဝ့ၫဒၪၦလဂၩ ကကဲၪထၪ့ ၦလၧဒိၪထုၬ ကုၭဎွ့ၩႇ ၦလၧအခိၪနုၬလ့ၩကဂၩအဂး ယမိနဲၪအ့ၪဖၧၩ့ၥၭနီၪ မွဲဒၪလၧယဆၧအဲၪနီၪလီၫႉ ဆၧလၧဆၧအဲၪနီၪမန့လဲၪအဂဲး…

ပဂဲၫကဲၪထၪ့ဘၪၦၡၩကဎုၬယီၩအဖၧၩ့ ပကဘၪဒၪဆၧၫ့ယၫလၧ ဆၧအဂ့ၩဒဲဆၧအအၧၩ့နီၪ မွဲဒၪဆၧအတီၩလီၫႉ ပဘၪ ဒၪဆၧၫ့ယၫလၧဆၧအဂ့ၩလဖၪဆ့ ကဂုးခၧၫ့လဆိၩယၫစီၪဘၪဘဲၫနီၪလဂ့ၩႉ ပဒၪဘၪလၧဆၧအအၧၩ့လဖၪနးဆ့ ကကဲၪထၪ့ ယံၬလ့ၬစီၪဘၪဘဲၫနီၪလဂ့ၩႉ          ဘဲၫပထိးဆၧၫ့ ဆၧၥၭမၧၫ့အထၧးအလၧးလဖၪကန့အဂးနီၪ မွဲဘၪထွ့ၪဒၪလၧပၧၩလီၫႉ ၦၡၩကနၩ့နၩ့ဒၪဆၧၫ့ယၫလၧ ဆၧအဂ့ၩ ဆၧအမုၬအခၫနီၪ ထိးဆၧၫ့ဝ့ၫဒၪန့လါနၫ့ အ့ၪဘၪဒၪဆၧၫ့ယၫလၧ ဆၧအအၧၩ့ ဆၧၥၭအုၭလဖၪစွါဘဲၫ ထိးဆၧၫ့ဝ့ၫ လန့ဘၪဒဲ မၩၥံၫလၩ့အၥၭဂီၩ့ထိးစၪခွံၬအၥၭနီၪလီၫႉ         ဆၧနီၪအကၠီၩ့ ထီးပလကဲၪထၪ့ဘၪဘဲၫနီၪအၥိၭအဂး တခၩကမွဲဆၧနးမံၩ့နီၪ ခၫ့ဂၬခွံၬဒၪလၧဆၧနံမွံၫလါဆံၭႉ ပဆၧၥၭ မၧၫ့ဖၧၩ့နီၪ ကကၠၪကၠၪလၩ့ဆ့ၭလၩ့ယွၩအီၪအၥိၭ လ့ၩထၪ့လ့ၩထီၫအီၪဝ့ၫဒၪႇ ဘဲၫၦၡၩကၠူၭလၩ့ပၧၩအီၪအၥိၭ ၦၡၩကကၠူၭထၪ့ပၧၩ မွဲကအီၪႇ ဘဲၫၦၡၩအၪ့အုၭပၧၩအီၪအၥိၭ ၦၡၩအၪ့ကီၪပၧၩဆ့ မွဲကအီၪနီၪလီၫႉ ပကဲၪၦၡၩကမံၩ့နီၪ…

ခီၫခီၫပကလီၩ့စီၪဆံၭၦၡၩနီၪ အီၪဂ့ၩအီၪဘွၩလၩ့မၬပၥၭလီၫႉ ခီၫခီၫ ပကလီၩ့လီၩၦၡၩအဆၧမၪနီၪ အီၪဘဲၫပကဖီၩ့လၧဆၧမၪအၥိၭဆံၭႉ ခီၫခီၫ ပကလီၩအၪ့ကီၪၦၡၩနီၪ အီၪဘဲၫၦၡၩဘၪအၪ့ကီၪပၧၩအလးလအီၪဘၪအၥိၭဆံၭႉ ခီၫခီၫပကလီၩအၧၩ့လီၩၥၫ့ၦၡၩနီၪ ကျ့ၭစၨၭအီၪဘဲၫၦအလူဒိၪဎွ့ၩဒိၪအီၪလဂၩအၥိၭလါဆံၭႉ လၧပဆၧၥၭမၧၫ့ဖၧၩ့ ပၧၩဒၪပၧၩပဂဲးပဖးနီၪအရ့ၩဒိၪအၪနဲၪ့ ၦၡၩအဂဲးအဖးဒံၭလီၫႉ ပဂးအလူဒိၪဎွ့ၩဒိၪအီၪဝ့ၫအခံၫ့ လဖၪနီၪ ၦလဂၩဂၩအဂးအ့ၪမွဲပကမၩလူၬဂီၩ့လူၬစၪခွံၬစွါဘဲၫ ပဆၧၥၭမၧၫ့ယီၩနီၪ မွဲကလ့ၩထၪ့လ့ၩထီၫနးမံၩ့အ့ၬႉ ဆၧကိၭမံၩ့နီၪ မွဲကလၩ့ဆ့ၭလၩ့ယွၩလီၫႉ ဆၧၥၭမၧၫ့ယီၩအ့ၪမွဲလၩ့ဆ့ၭလၩ့ယွၩယူၭစွါဘဲၫ ဆၧမုၬဆၧလၩအီၪလၧၩ့အ့ၬႉ အ့ၪမွဲဆၧမုၬဆၧလၩလအီၪလၧၩ့ဘၪစွါဘဲၫ ပၥၭမၧၫ့ဒၪလူၬ ပမီၪ့ဎီၩ့ၦအၥံၫလဂၩနီၪလီၫႉ ဆၧနီၪအကၠီၩ့ ထီးပလကဲၪ ဘၪဘဲၫယီၩအၥိၭအဂး ပကဘၪခၫ့ဖျီၪ့ပဆၧၥၭမၧၫ့ကိၭနံၩနီၪလၧဆၧမုၬဆၧလၩဂီၩ့ ခီၫခီၫပကလီၩ့အၪ့ဎၬထၪ့ ၦဂူၫဂၩ အဂဲးနီၪ ကိၭနံၩဒ့ၭပကဘၪအၪ့ဎၬလၩ့ဒၪပၥၭနီၪလီၫႉ Credit to original writer

ပကဲၪဝ့ၫဒၪၥၭဘၪ့လဖၪယီၩနီၪ ကနံၭကိ မွဲပကဒၩ့ဂံၪ့ဒၩ့ဎၪ့နီၪလီၫႉ အ့ၪမွဲပဒၩ့ဂံၪ့ဒၩ့ဎၪ့အခၫ ဘဲၫၥိၭပဂံၪ့ဒီၪ့ ကထဲၩ့ဂုးခၧၫ့လဆိၩယၪအဂးနီၪ မွဲပကဘၪကျ့ၭစၨၭဝ့ၫဒၪနီၪလီၫႉ ဆၧနီၪအကၠီၩ့မုကနံၩယီၩ ယအဲၪဒိၭရၩလၩ့စိၩ အ့ၪဘၪနၥံၪ ဂၪ့ဒီၪ့ကဖျိၪ့ကဂုးခၧၫ့အဂး လိၪဝ့ၫဒၪဆၧအဂဲးလဖၪနီၪလီၫႉ အဆိၪထုၬနီၪ ၦလၧကကဲၪထၪ့ဝၩလဖၪအအီၪ လိၪဝ့ၫဒၪအၪနဲၪ့ၦမုၪၥံၪ အီၪဝ့ၫ၃မံၩ့နီၪလီၫႉ ၁ႉ အၥၭႇ ၂ႉ ဆၧကိၪ့ဘၪကိၪ့ၥ့ၪ ဒဲ ၃ႉ ကျိၪစ့ၩ ဆၧလဖၪယီၩနီၪလီၫႉ ၦလၧကကဲၪထၪ့မၪလဖၪအဂး လိၪဝ့ၫဒၪအၪနဲၪ့ၦခွၫအီၪဝ့ၫဒၪ၅မံၩ့နီၪလီၫႉ ၁ႉ ဆၧအွံၪၥၭဆၧၩ့ဆၧႇ ၂ႉဆၧ အဲၪဆၧကွံၩႇ ၃ႉဆၧထိၪတွၭအၪ့ဎၬဆၧယိၭယိၭႇ ၄ႉဆၧအီၪအၪ့ဆံၫ့ဆံၫ့ဖျ့ၪဖျ့ၪ ဒဲ ၅ႉမၩဂံၪ့ဖၧၩ့ဎၪ့ဖၧၩ့ဆၧဖံၭဆၧမၩၥ့ၪ ဂ့ၩဂ့ၩဘၪဘၪ ဆၧလဖၪယီၩကဘၪအီၪဝ့ၫဒၪလီၫႉ ဘဲၫယီၩယမိဆုးထဲၩ့လီၩၥ့ၪယၫအ့ၪဘၪနၥံၪထၧၫ့မၪဝၩလဖၪအဂးလိၪဝ့ၫဒၪတၡါၡါဆၧအဂဲးလဖၪနီၪလီၫႉ ၁ႉထၧၫ့မၪဝၩနံၫဂၩယီၩ ကဂၩဘၪကဂၩ ကဘၪနၪၥ့ၪလိၬၥၭဂ့ၩဘၪစဲၪ…

ပကဲၪၦမုၪမီၪ့ဎီၩ့လါနၫ့ ဆၧကိၪ့ဘၪကိၪ့ၥ့ၪအီၪ မီၪ့ဎီၩ့အ့ၬႉ ဆၧဒၪခီၩ့ခၫ့ဖျီၫ့မီၪ့ဎီၩ့အ့ၬႉ ဆၧၥိၭဆၧကီၩ့အဒီၩ့မီၪ့ဎီၩ့အ့ၬႉ လူၥ့ၪချဲၩ့ၥ့ၪမီၪ့ဎီၩ့အ့ၬႉ အၪ့အီၪလ့ၩထဲၩ့မီၪ့ဎီၩ့လိၬၥၭအ့ၬႉ အနီၪဘိၭ ပဂၩဘၪကဂၩအဆၧၥၭမၧၫ့ မီၪ့ဎီၩ့အ့ၬႉ ဆၧၥၭမၧၫ့လမီၪ့ဎီၩ့ ဘၪအကၠီၩ့ ၥုၪ့ၥၭမီၪ့ဎီၩ့အ့ၬႉ ၥုၪ့ၥၭလမီၪ့ဎီၩ့ဘၪအကၠီၩ့ ဆၧၥၭမၧၫ့အဖၨၪအထီၫ မီၪ့ဎီၩ့လၧၩ့အ့ၬႉ ဆၧၥၭမၧၫ့အဖၨၪအထီၫ လမီၪ့ဎီၩ့ ဘၪအကၠီၩ့ အလူအဎွ့ၩဆ့ မွဲလမီၪ့ဎီၩ့လၧၩ့ဘၪလီၫႉ ဆၧၥၭမၧၫ့အဖၨၪအထီၫနီၪ လမွဲဘၪလၧ ဆၧကဲၪဒိၪကဲၪမုတၭ မွဲဘၪထွ့ၪ ဒၪလၧ ၥုၪ့ၥၭနီၪလီၫႉ ပဆၧဖံၭဆၧမၩကိၭမံၩ့ဒ့ၭနီၪ အီၪဂဲၫကဲၪထၪ့လၧ ပၥုၪ့ၥၭဖၧၩ့ဒဲ လဘၪထွ့ၪဘၪလၧကျိၪစ့ၩနီၪလီၫႉ အ့ၪပၥုၪ့ၥၭဂ့ၩဘွၩနီၪ ပကန့ဘၪဆၧအဂ့ၩႉ အ့ၪပၥုၪ့ၥၭၥံၫနီၪ ပၧၩမွဲပကကဲၪထၪ့ၦအၥံၫလဂၩဒဲ အ့ၪမွဲပၥုၪ့ၥၭ အုၪဘဲၩ နီၪ ပနးခီၫ့မိၡါမွဲ ကအုၪဘဲၩဆ့နီၪလီၫႉ…

၁ႉ ယိၭဆၧ (အဝ့ၫယိၭဆၧ) ထမ်းသည် သူထမ်းသည် ၂ႉ ချဲၩ့ဘံၪၥွံၪဆၧ (အဝ့ၫၥံၪချဲၩ့ဘံၪၥွံၪၦၡၩအဂဲး) တီးတိုးပြောသည် သူတို့သည်သူများအကြောင်း တီးတိုး ပြောကြသည် ၃ႉ ဘံၪ့ထုးအမ့ၬၥၪ (အဝ့ၫဘံၪ့ထုးယၧၩအမ့ၬၥၪ) မျက်စပ်ပစ်သည် သူငါ့ကိုမျက်စပ်ပစ်သည် ၄ႉ ကၠူၭ (အဝ့ၫကၠူၭယစူၪ) ဆွဲသည် သူငါ့လက်ကိုဆွဲသည် ၅ႉ ခွၬ (ထွံၪခွၬလၩ့အၥၭ) ကုတ်သည် ခွေးသည်သူ့ကိုယ်သူကုတ်နေသည် ၆ႉ ထၧၫ့ (ပထၧၫ့ဆၧဖံၭဖျိၪ့) ကန်သည် ငါတို့ဘောလုံးကန်ကြသည် ၇ႉ ချဲၩ့ဒုၪ့ (အဝ့ၫချဲၩ့ဒုၪ့ယၧၩအ့ၬႉ) ပြောသည် သူငါ့ကိုစကားမပြောဘူး ၈ႉ လီၩ့ဖီၪ့ (အဝ့ၫလီၩ့ဖီၪ့ဖံၫဒိၭခၩ)…

ပၥၭဘၪ့ဖိၪၥံၪအၪဒၪဆၧနီၪ ပကဘၪဖီလံၬအဂး ပကၠုၪ့ပဘျီၩ့ကၠၭနီၪလီၫႉ ၥၭဘၪ့ဖိၪလၧ အအဲၪဒိၭဖီလံၬဘနီၪမွဲအီၪဆ့ႉ လါနၫ့အီၪၡၩခိၭဖိၪလီၫႉ ပဖီလံၬနီၪမီၪ့ဎီၩ့ပမၩလိၪထဲၩ့ဖးဖီၩ့အဂဲး လဖၪနီၪလီၫႉ ဒံၩ့ပဖီလံၬအၪအၪ ဒံၩ့ပကၥ့ၪယၫထၪ့ဆၧအၪအၪ ပဆၧကိၪ့ၥ့ၪကိၪ့ဘၪ ကအၪ ထၪ့အၪအၪဂီၩ့ ပကၥ့ၪထၪ့အၪန့ၦၡၩ ပမၩထၪ့ဆၧကၥ့ၪ အၪန့ၦၡၩနီၪလီၫႉ လကၭဘၪ ပအၪ့နၩ့ဘဲၩ့ဖၭ ဆၧဘၪမၪဒဲဆၧအတီၩလဖၪကန့ဂီၩ့ ပဆၧဒၪၥံၪကလဲထၪ့နီၪလီၫႉ ပဖီလံၬ အၪ အၪအကၠီၩ့ ပစီၪဒီၩ့ဘၪဎီၩ့ၦၡၩလၧပၥၭကၥ့ၪထၪ့ဒဲ ဆၧကမံၩ့ဘၪကမံၩ့နီၪ မွဲပထိးယိလၧပၥၭ ကၥ့ၪထၪ့နီၪလီၫႉ ၥၭဘၪ့လၧအဖၧၩ့ၥၭလၩ့မါလဖၪ မၩယိဆၧယီၩနးထံၪနီၪဘိၭ ယမိလီၩဘၪလီၫႉ လၧပဖီ လံၬအဖၧၩ့ လၧပလီၩ့ဎွါယိဆၧလဖၪအဖၧၩ့ ပဒၪထၪ့ပဆၧမံၫမးလဖၪ ပဆၧထိစိၩလဖၪၥ့ၪဝ့ၫ ဒၪအကၠီၩ့နီၪလီၫႉ ဆၧနီၪအကၠီၩ့ ၥၭဘၪ့ဖိၪကိၭဂၩဒ့ၭ အ့ၪမွဲပဖီလံၬနၧၩ့နီၪ လၧပဂးကကဲၪထၪ့…

၁ႉ မီၪ့ဎီၩ့ (တူတယ်) မီၪ့ဎီၩ့အ့ၬ (မတူဘူး) ၂ႉ ဘၪၥၭလိၪ (ညစ်ပတ်တယ်) ဘၪၥၭလိၪအ့ၬ (မညစ်ပတ်ဘူး) (ခ) ဆံၫ့ဖျ့ၪ(သန့်ပြန့်တယ်) ၃ႉ လၧယီၩ (ဒီမှာ) လၧအိၩ (ဟိုမှာ) ၄ႉ နုၬ (ထက်တယ်) ဒီဓားကထက်တယ် (ဎ့ၬယီၩနုၬ) နုၬအ့ၬ (မထက်ဘူး) ဒီကပ်ကြေးကမထက်ဘူး(ထၭထံၬယီၩနုၬအ့ၬ) ၅ႉ ယီၫ (လွယ်တယ်) ယီၫအ့ၬ (မလွယ်ဘူး) ႉ ကၪ (ခက်တယ်) ၆ႉ ၥူၭလၫ့ၥီၫလၩ့ (ဆူညံတယ်) ကယုကစုၩ (တိတ်ဆိတ်တယ်) ၇ႉ ဆၧအီၪနးမံၩ့အ့ၬ…