RVA PWO KAREN

၁ႉ မ့ၬထံၫလၩ့အထီ ခွံၬလၩ့ဘၪ ၥၭအဆၧစ့ၩရၫ့လဂ့ၩႉ အခံၫ့အနီၪ ထၧၫ့ချဲၩ့ထၪ့ဘၪ ဆၧချဲၩ့အအၧၩ့လဖၪလဂ့ၩႉ ၂ႉ ဆၧကၪဆၧဂဲၩကဒုၩကမံၩ့အဂဲးနီၪ ထီၩ့အၪ့ဎၬထၪ့ဘၪကဘျၩ့ဂီၩ့ကဘျၩ့လဂ့ၩႉ ဆၧကိအမံၩ့နီၪ ထံၭလၩ့ထၬလၧနၥၭဖၧၩ့လ ဂ့ၩႉ လၧနအီၪနီၪ နကချဲၩ့ဎိၭလၩ့အဂး နမိနဖါဒဲ နထံၩၥိၭၥံၪအီၪဒံၭအဂဲး နၪ့ထၪ့ထဲၩ့လါဆံၭႉ ၃ႉ ထီးၥၭမဲၪဘၪလၧကဘၪမၪနီၪလဂ့ၩႉ အ့ၪမွဲနဘၪမၪဒၪခလူၬ ထီၩ့မၩဎဲၫ့ထၬနခိၪနူၬလဂ့ၩႉ ဆၧလၧၡၩအဆၧၥၭမၧၫ့နီၪ အဂ့ၩဒဲ အအၧၩ့ အမွဲဒဲအဘၪမၪအီၪဎုၬထၬ ကၠၧၫ့ကၠၧၫ့အကၠီၩ့နီၪလီၫႉ တခၩကမွဲဆၧအဂဲးနးမံၩ့ လခဲၫ့အ့ၪမွဲပအၪ့ဎၬယိထဲၩ့နီၪ ဂီၩ့ခွံၬဝ့ၫ ဒၪ ဆၧဘၪမၪလဖၪနီၪ မွဲအရ့ၩလဒိၪလၧၩ့ဘၪနီၪ ပကဒၪထၪ့ထဲၩ့နီၪလီၫႉ ၄ႉ ဆၧဒၪအအၧၩ့နီၪ ၦၡၩလဖၪအအီၪ အီၪၥ့ၪဝ့ၫဒၪလီၫႉ လါနၫ့ ဆၧဒၪအအၧၩ့နီၪ…

စအဲၪၡီၩ့ – နးအဲၪဖီၫဘွၩႇ ဆၧအဲၪဒဲဆၧဘၪၥၭနီၪ မီၪ့ဎီၩ့အ့ၬမွဲအ့ၬဧၪ? နးအဲၪဖီၫဘွၩ – မွဲဘီၪ စအဲၪၡီၩ့ဧ့ စံၭမၬချၭ နဒၪဖီၫကဖိၪအခၫ နဒၪဂ့ၩနဘၪၥၭဘိၭ နကအၪ့မၩဂီၩ့ အ့ၪမွဲနမိနၧၫ့ကၠၪဘိၭ နကနၧၩ့ကၠၪ အ့ၪနမိဖ့ၪလၫ့အ့ၪနဖိၪၥၪမုၪဘိၭ နကဖ့ၪလၫ့ႉ လါနၫ့ ဖီၫယီၩအ့ၪမွဲနအဲၪကွံၩစွါဘဲၫ နအၪ့မၩၥၭထူၬလၧၩ့အ့ၬႉ ဘၪန့လဲၪအ့ၪမွဲနအၪ့မၩခွံၬဖီၫယီၩဂီၩ့စွါဘဲၫ အီၪကဆိဖိၪ ဖီၫယီၩ ကလၩ့ယံၭလၩ့ဘဲၩ့ဂီၩ့လီၫႉ အ့ၪလၩ့ယံၭလၩ့ဘဲၩ့ယူၭစွါဘဲၫ လခဲၫ့အီၪဒၪ နကဘၪခွံၬၡိၬခွံၬလီၫႉ အ့ၪမွဲနအဲၪကွံၩဖီၫယီၩနီၪ ဘဲၫဖီၫယီၩကဆုးထဲၩ့မၧၫ့ဝ့ၫအဂး ဘဲၫကဆုး ထဲၩ့ဖီၫထၪ့ ဎံၪဎံၪ လၩလၩအဂး နကၡီၫအ့ၪထံၪ နကယိထဲၩ့ခွါထဲၩ့အဝ့ၫဂ့ၩဂ့ၩဘၪဘၪႉ ဆၧအယီၩနီၪ မွဲလၧဆၧအဲၪကွံၩဒဲ ဆၧဘၪၥၭလမီၪ့ဎီၩ့ ဘၪအဂဲးလီၫဘီၪႉ ကဲ…

လၧပဆၧၥၭမၧၫ့ဖၧၩ့ ပကဒၪဘၪၦလၧအဂဲၫဆိၬန့ဆၧဘံၪၥိၭလဖၪနီၪလီၫႉ ၦလၧအဂဲၫဆိၬန့ဆၧဘံၪၥိၭဂီၩ့ ဂဲၫဂါလၩ့ဆၧဘံၪၥိၭလၧပအီၪလဖၪနီၪ မွဲပၧၩဘဲၫၥ့ၪလဲၪႉ ၦၡၩဘဲၫနီၪလဖၪနီၪ မွဲဝ့ၫ ၦၡၩလၧအလီၩ့ကီၪၦၡၩအလၩလဖၪႇ ၦၡၩလၧအလီၩ့ချဲၩ့လၧဆၧန့ခိးန့တၩ လအီၪဘၪလဖၪနီၪလီၫႉ အဝ့ၫၥံၪနီၪ ကဂဲၫလၧပအီၪဂီၩ့ ကဂဲၫကီၪၦၡၩအလၩ လကၭဘၪကလီၩ့ချဲၩ့ထီးဎံၩ့ဒံၭလီၫႉ ပၧၩဝ့ၫပကခိၭနၪ ပကချဲၩ့ဂၧၩ့ထဲၩ့အဝ့ၫၥံၪဆ့နီၪလီၫႉ အဝ့ၫၥံၪယီၩ ဂဲၫလီၩအ့ၪပၧၩၦၡၩအဂဲးလဖၪဂီၩ့ ကထဲၩ့ထဲၩ့လၧ အဂံၪ့အဎၪ့လီၫႉ အနီၪဂီၩ့ယူၭဧၪႉ မွဲလဂီၩ့ဒံၭဘၪလီၫႉ အဝ့ၫနီၪ ဂဲၫလီၩ့အ့ၪပၧၩၦၡၩအဂဲးဘဲၫနီၪဘဲၫယီၩ ဂီၩ့ယူၭအကၠီၩ့ မီၪ့ဎီၩ့ဒၪလၧ ဂဲၫဂါလၩ့ စိၩဆၧဘံၪၥိၭ လၧပအီၪနီၪလီၫႉ အဝ့ၫယီၩနီၪဂဲၫဂါလၩ့ဝ့ၫဂီၩ့ ထဲၩ့ယူၭႉ လါနၫ့ပၧၩဝ့ၫ အဝ့ၫဂဲၫလီၩထၬအ့ၪပၧၩ ဆၧအ ဂဲးလဖၪ အဝ့ၫဂဲၫဂါလၩ့ထၬ ဆၧဘံၪၥိၭလဖၪနီၪ ကအီၪထးလၧပခိၪနူၬဖၧၩ့ ပၥၭဖၧၩ့နီၪလီၫႉ အနီၪအခၫ…

၂ႉ ၥုၭလၧအိၩနးဆံၭႉ မွဲ ယကၥုၭအ့ၪနၧၩႉ ၃ႉ နကအီၪလၧယီၩ ယံၭလ့ၬဧၪ? ယကအီၪလၧယီၩ နး၃ၥၫ့ဘီၪႉ ၄ႉ နၧၩနီၪ ဖျိၩ့ဆၨၩဖိၪဧၪ? မွဲ ယၧၩနီၪ ဖျိၩ့ဆၨၩဖိၪကဂၩလီၫႉ ၅ႉ နမၩဂ့ၩလၫ့အ့ၪယၧၩ အနီၪန့ဧၪ?  မွဲ ယမၩဂ့ၩလၫ့အ့ၪနၧၩန့နဲၪႉ ၆ႉ နအၪ့လဲၩအ့ၪယၧၩ အယီၩန့ဧၪ? ဟၨၫအၨၩ ယအၪ့လဲၩအ့ၪနၧၩ န့အ့ၬနဲၪႉ ၇ႉ ယဘၪၥၭ အနီၪအ့ၬႉ ဘၪလဲၪအိၩ နဘၪၥၭအ့ၬနီၪ?  ဎိၩနၬလၨၫဘိၭႉ ၈ႉ နဘၪၥၭ ပလူၬအယီၩဧၪ? ယဘၪၥၭနၬအ့ၬႉ အနံၪ့ခၩနၬလၨၫႉ

ၦမုၪလဂၩအဆၧၥၭမၧၫ့ဖၧၩ့ ဘၪအီၪလၧ ဂံၪ့နံၫဖျိၪ့နီၪလီၫႉ ကဖျိၪ့နီၪမွဲလၧအမိအဖါအဂံၪ့ဂီၩ့ လခဲၫ့ကဖျိၪ့နီၪ မွဲလၧအ မံၩ့ၡါအဂံၪ့နီၪလီၫႉ  အဝ့ၫၥံၪအီၪလၧ အမိအဖါအဂံၪ့အခၫ ၥိၩ့ထီးဂ့ၩဘၪစဲၪ့ဂီၩ့ ထၪ့ၡါလၩ့ဖၩဂီၩ့အဝ့ၫၥံၪဘၪအီၪလၧ အမံၩ့ၡါ အဂံၪ့အခၫနီၪ ဘၪစူၭထီးနီၪလီၫႉ အဝ့ၫၥံၪယီၩ ကနံၪ့မၬ ထဲၩ့ကလိၬလၫ့ထဲၩ့ အမိအဖါ မန့ဎွ့ကၠၪလဲၪႉ မိဖါၥံၪနီၪ ဂဲၫထဲၩ့ထိးၡၪ့အၥၭဂီၩ့ ဘၪဂဲၫထဲၩ့အၪ့လုဎိၩလၫ့အဝ့ၫၥံၪ အဝ့ၫၥံၪယီၩဎိၭဒိၪထၪ့ကကၠၪ ထၪ့ၡါဂီၩ့စဲၪ့ထၪ့ခွံၬ လၧ မိဖါအဂံၪ့နီၪလီၫႉ ရွံထၪ့အဝၩနီၪအ့ၪဘၪလၧ ၦခွၫအဂ့ၩအဘွၩစွါဘဲၫ အၥၭကဘၪမုၬဘၪၡူၪလါနၫ့ အ့ၪရွံထၪ့ၦခွၫဘၪမၪ နီၪဘိၭ ထၧၫ့ဎုၬယၫကဘၪမၩဆၧမၩ ဘဲၫၥိၭစမံၩ့ပနါအၥိၭနီၪလီၫႉ အဝ့ၫၥံၪထၧၫ့ၡါလၩ့ဖၩဂီၩ့အ့ၪမွဲအမိဎွါဒဲအၥၭဘၪၡၪ့အဂဲး မိဖါၥံၪၥ့ၪယၫစွါဘဲၫ မိဖါၥံၪယီၩ အဖိၪမုၪအဂး ဘၪၥုၪ့ခိၥၭဝီၩဒီၭ ကကၠၪဒီၭလီၫႉ ၦၡၩလီၩယံၩယါဝ့ၫ…

၁ႉ အွံၪၥၭဆၧၩ့ မၩဆၧၩ့ယၧၩဆၧနးမံၩ့ဘီၪႉ ကျေးဇူးပြု၍ ငါ့ကိုတစ်ခုလောက်ကူညီပါလား. ယကဘၪမၩဆၧၩ့အ့ၪနၧၩမန့လဲၪ? ငါနင့်ကိုဘာကူညီပေးရမလဲ? ဂဲၫထဲၩ့ဎွ့ၩအ့ၪယၧၩ ဂုဆၫနးထိၫ့ဘီၪႉ ဆန်တစ်အိတ်လောက် ငါ့အတွက်ဝယ်လာပေးပါလား. ယကဎွ့ၩအ့ၪနၧၩအဂး ယထီးအီၪအ့ၬနဲၪႉ နင့်အတွက်ဝယ်လာပေးဘို့ငါ့မှာပိုက်ဆံမရှိပါလား. နဘၪခိအ့ၬမနါ ယကဖ့ၪလၫ့စိၩနၧၩထီးဘီၪႉ နင်မပူပါနဲ့ဟယ် ငါနင့်ကိုပိုက်ဆံပေးလိုက်မယ်လေ. အီၩ အၨၩအၨၩ အ့ၪမွဲဘနီၪနီၪဘိၭ ယကဂဲၫထဲၩ့ဎွ့ၩအ့ၪနၧၩဘီၪႉ                                                           အော်အင်အင် အဲ့ဒါဆိုရင်တော့ ငါနင့်အတွက်ဝယ်လာပေးမယ်. မွဲမွဲ ဆၧခိးဆၧတၩအီႉ အင်းအင်း ကျေးဇူးပဲနော်. ၂ႉ ဖိၪမုၪဧ့ ဆၧဆၧၩ့ယူၭ လ့ၩဖိၭဘံၭဝံၭ တရၫ့နီၪဘီၪႉ သမီးရေ မိုးရွာနေပြီ တံခါးသွားပိတ်လိုက်လေ မွဲမွဲ မိဧ့ ယကဖိၭဘံၭဝံၭ…

တဝၫ့ကတဝၫ့ဖၧၩ့ ၦၡၪ့ဖိၪ ထၧၫ့ဖိၪဖါအီၪဝ့ၫဒၪနီၪလီၫႉ ၦလၧကဲၪဖါနီၪ ဘၪလီၩ့အၪ့လံၩ့လၩ့အၥၭ လၧၦၡၩအအီၪဂီၩ့ ဘၪမၩဘုၪလၩ့အဖိၪမုၪ လၧဆၧၡၪ့ၡၪ့ယၬယၬအဖၧၩ့နီၪလီၫႉ ကနံၩတၭ ၦလၧကဲၪဖိၪမုၪနီၪ ကမိမၩပလူၭဂ့ၩဂ့ၩဖိၪကဘံၪ့အကၠီၩ့ အၪ့မၧၫ့အဖါအၪ့ဎွ့ၩအ့ၪနီၪလီၫႉ အနီၪအခၫအဖါနီၪ ဖိၪမုၪဧ့ ဖါအထီးအီၪအ့ၬနဲၪ ဖါကမိဎွ့ၩအ့ၪနၧၩလါနၫ့ ဖါအထီးအီၪအ့ၬ ဖိၪမုၪဧ့ႉ ဖိၪယီၩ နါဂၧၫ့အဖါအဆၧချဲၩ့ဘဲၫနီၪအခၫ အၥၭထၪ့ဒိၪဒိၪဒ့ၭဂီၩ့ ဖါဧ့ နၧၩဝ့ၫယီၩ အယီၩမၬနဎွ့ၩအ့ၪယၧၩန့အ့ၬ နဘၪၡၪ့ၥံၪယၬၥံၪထဲနီၪ ပလူၭကဘံၪ့မၬ နဎွ့ၩအ့ၪယၧၩန့အ့ၬဂီၩ့ ဘၪလၪနဘၪအၪ့လုလၩ့ထၬယၧၩနီၪ. ယဘၪဂဲၫကဲၪထၪ့နဖိၪနီၪ ကမွဲဒၪယဆၧဘိၪ့ အၧၩ့အီၪအကၠီၩ့လီၫႉ ၦၡၩအဂူၫဂၩ တခၩကမိမၩဆၧနးမံၩ့ အမိအဖါၥံၪ မၩအ့ၪန့ကိၭမံၩ့. နၧၩဝ့ၫ နဖိၪအီၪယၧၩကဂၩလီၫမၬ နမၩအ့ၪယၧၩဆၧန့နးမံၩ့အ့ၬႉ  နမ့ၬမဲအ့ၬဧၪ လီၩအဖါဘဲၫနီၪဂီၩ့…

၁ႉ အၩ ယဂူၭဖိၫ့အူၭႉ ကျဲၩ့မၩနၥၭလဂ့ၩႉ အာ ငါဗိုက်အောင့်နေတယ်. ဟန်ဆောင်မနေပါနဲ့. ယကျဲၩ့မၩယၥၭမွဲအ့ၬႉ ဟန်ဆောင်နေတာမဟုတ်ဘူး. ယဂူၭဖိၫ့အူၭအၡါမၪႉ ငါတစ်ကယ်ဗိုက်အောင့်နေတာ. နဂူၭဖိၫ့အူၭနီၪ နအၪ့ဘၪမန့လဲၪအိၩႉ နင်ဗိုက်အောင့်တာက နင်ဘာစားမိလို့လဲအိုး. ယအၪ့ဘၪ Spicy ၂ဘီၪ့လီၫႉ ငါစပိုင်ဆီ၂ထုပ်ပဲစားမိတာ. အိအိ နအၪ့ထဲ Spicy ၂ဘီၪ့ဒ့ၭမၬနီၪ နဂူၭဖိၫ့လအူၭလၧၩ့ဘၪ အီၪကနၧၩ့လၧၩ့ဧၪႉ                                                     အိုအို့  နင်စပိုင်ဆီနှစ်ထုပ်တောင်စားမှတော့ နင်ဗိုက်မအောင့်ပဲ ဘယ်နေနိုင်တော့မလဲ. နၧၩခီၫ အဖူၫဆၧဆၫအီၪ မွဲအ့ၬဧၪႉ နင့်မှာ အစာအိမ်ရောဂါရှိတယ်မဟုတ်လား? အၨၫ မွဲဘီၪႉ အင် ဟုတ်တယ်လေ. အၨၫ အနီၪမငါ…

နချဲၩ့ဖျိၩ့ဆၧချဲၩ့ဘၪဧၪ? နင်ကရင်စကားပြောတတ်လား? မွဲ ယချဲၩ့ဘၪ ဂ့ၩဘၪစဲၪနဲၪႉ ဟုတ်ကဲ့ ကျွန်မကောင်းကောင်းပြောတတ်ပါတယ်. နကွ့ၭဖီ ဖျိၩ့လံၬလဲဘၪဆ့ဧၪ? နင်ကရင်စာတွေကိုလဲ ရေးတတ်ဖတ်တတ်လား? ဖျိၩ့လံၬလဲနီၪဘိၭ ယကွ့ၭဘၪအ့ၬ ယဖီဘၪအ့ၬႉ ကရင်စာတွေကိုတော့ ငါမရေးတတ်ဘူး မဖတ်တတ်ဘူး. မၩလိၪထဲၩ့နၥၭဘီၪႉ အ့ၪမွဲနမၩလိၪထဲၩ့နၥၭနီၪ နကွ့ၭဖီဂဲၫဘၪလၫ့လီၫႉ                                           ပြန်သင်ယူလိုက်လေ တကယ်လို့နင်ပြန်သင်ယူလိုက်ရင် နင်ရေးတတ်ဖတ်တတ်လာမှာပဲ. မွဲမွဲ ယကဘၪမၩလိၪထဲၩ့ဒံၭႉ ဟုတ်တယ် ငါပြန်သင်ယူရအုံးမယ်.

ၥၭဘၪ့မုၪမွဲဂ့ၩ ခွၫမွဲဂ့ၩ ပရွံထၪ့ ပမၫပဝၩအခၫ ပရွံထၪ့ဝံၩ့ရွံထၪ့ဝၩ့ယီၫယီၫလန့ဘၪဒဲ ပယိထၪ့ဆၧအဲၪကမံၩ့လီၫဂီၩ့ ပရွံထၪ့မွဲလန့ဘၪနီၪလီၫႉ ပကဘၪဖ့ၪလၫ့အဝ့ၫယီၩ ပဆၧၥၭမၧၫ့ထၧၫ့ဖျိၪ့ယၫအကၠီၩ့ ဘဲၫပဎွ့ၩဆၧပိၭဆၧလၫ့ကမံၩ့အၥိၭ အ့ၪမွဲပလဘၪလၧၩ့ဘၪပၥၭစွါဘဲၫ မွဲပအၪ့လဲၩထဲၩ့လန့ဘၪနီၪလီၫႉ ဆၧနီၪအကၠီၩ့အ့ၪမွဲပရွံထၪ့ ပမၫပဝၩအခၫ ပကဘၪထိၪတွၭ ယိထဲၩ့လၧဆၧအဂဲး၅မံၩ့ယီၩ ကလိၪဝ့ၫဒၪနီၪလီၫႉ ၁ႉ ပယိထၪ့အမ့ၬဎံၫယၪဘွၩလန့ဘၪလီၫႉ ဆၧအနီၪၥံၪနီၪ မွဲဂုးခၧၫ့လဆိၩယၫလန့ဘၪအကၠီၩ့ ပကဘၪယိထၪ့ဒၪ အဝ့ၫယီၩအဲၪပၧၩဎွ့ၩပၥ့ၪလဲၪ လၧပဂးထိးဆၫအၥၭ နၧၩ့ဎွ့ၩပၥ့ၪလဲၪနီၪလီၫႉ 2. ၦလၧပဖံၭထံၩဖံၭၥိၭ ဘဲၫထံၩၥိၭအၥိၭန့ဂီၩ့ မၩနံပၧၩန့ဝ့ၫၦလဖၪနီၪမၬ ရွံထၪ့လါဆံၭႉ ပကဲၪၦၡၩလဖၪယီၩ ဘၪကကၠၪကၠၪ ပၥၭနၪ့ခွံၬ ၦအအီၪလၧပနဲၩ့ထံၭလဖၪနီၪဂီၩ့ ပလီၩ့ဎွါအၪ့န့ထၪ့ၡါ ၦအယဲၩ့ၥ့ၪနီၪလီၫႉ လၧဆၧမၩခွါယိဖၧၩ့ ပအီၪဘဲၫထံၩၥိၭလိၬ န့ဝ့ၫဒၪၦလဖၪနီၪ အဂံၪ့ဒီၪ့ကဂုးခၧၫ့လဆိၩယၫအဂး…