RVA PWO KAREN

လၧဖိၪဒံၪအအီၪ မိဖါလဖၪယိလါဝ့ၫဒၪလဖၪနီၪ ၁ႉ မိဖါၥံၪဂဲၫထဲၩ့ ဆူၩနဲၩထၬ ဘိၪ့ထၪ့ဘၩထၪ့ထၬ ဆၧဘိၪ့ဆၧဘၩနီၪ မုလါဝ့ၫလၧဖိၪလဖၪ ဆုးထဲၩ့ဘိၪ့ထၪ့ဘၩထၪ့ဝ့ၫလီၫႉ ၂ႉ မိဖါၥံၪ ဂဲၫထဲၩ့ မၩအၪ့ဖံၭအၪ့ထၬ ဆၧဖံၭဆၧမၩလဖၪနီၪ ခိၬလး ဎုၭလးဆၧမၩလဖၪနီၪ မုလါဝ့ၫလၧ ဖိၪလဖၪ ဆုးထဲၩ့ မၩအၪ့ဖံၭအၪ့ဝ့ၫဒၪ ၃ႉ မိဖါၥံၪဂဲၫထဲၩ့ အီၪထၬ ဂံၪ့ဒဲ ဖံၭလးလဖၪနီၪ ဘဲၫလလူၬဂီၩ့လူၬစၪဘၪအဂး မုလါဝ့ၫလၧ ဖိၪလဖၪ ဆုးထဲၩ့ ဖီၪ့ဂုးထၬ ဂ့ၩဂ့ၩဘၪဘၪ ၄ႉ မိဖါၥံၪအၥၭၡါထၪ့အထီ မုလါဝ့ၫလၧ ဖိၪလဖၪ ယိထဲၩ့ခွါထဲၩ့အဝ့ၫၥံၪလၧ ဆၧၥုၪ့ဆၧၩ့ၥၭဆၧၩ့အဖၧၩ့ႇ လၧဆၧအဲၪဆၧကွံၩအဖၧၩ့ႇ လၧဆၧယူၭယၪ့အဖၧၩ့ႇ အဝ့ၫၥံၪအဂးမုလါဝ့ၫလၧ…

မုဆၫကနံၩယီၩ ဂံၪ့ဒီၪ့ဖိၪလဖၪအဆၧမၩအၪဝ့ၫဒၪအကၠီၩ့ ဘၪယဲၩ့ထၪ့လၧ ဂံၪ့ဒီၪ့ဖိၪလဖၪအီၪထၪ့ဝ့ၫအၪမၬနီၪလီၫႉ ဘၪမၩဆၧမၩၥံၩ့နံၩချီၩ့အကၠီၩ့ ဖ့ၪလၫ့ဂံၪ့ဒီၪ့ဖိၪလဖၪ အခံၫ့လန့လၧၩ့ဘၪနီၪလီၫႉ ဆၧနီၪအကၠီၩ့ ထၧၫ့မၫဝၩလဖၪ ဘၪလၩ့ဖၭလိၬၥၭယံၬထၪ့ကဆံၭအၪထၪ့ကဆံၭ မိဖါၥၭၡါလဖၪဆ့ ဘၪထိးအီၪပဲၩခွံၬၥၭ ယံၬထၪ့ကဆံၭအၪထၪ့ကဆံၭနီၪလီၫႉ  ဖိၪဒံၪလၧအရၧးစၧးလဖၪဆ့ ဂဲၫအၪထၪ့ဝ့ၫ အၪအၪဒ့ၭယူၭနီၪလီၫႉ ဆၧလၧဂံၪ့ဒီၪ့နီၪ မွဲဒၪလၧ ဆၧဆုးကျိၭလိၬၥၭကမံၩ့ဆ့နီၪလီၫႉ ထၧၫ့မၫထၧၫ့ဝၩလဖၪ ကဂၩဘၪကဂၩ ကဘၪဆုးကျိၭလိၬၥၭဘဲၫထံၭၥိၭလဖၪနီၪ မွဲအရ့ၩဒိၪထုၬကမံၩ့နီၪလီၫႉ ဂ့ၩမွဲဂ့ၩ အၧၩ့မွဲဂ့ၩ ဆၧကိၭမံၩ့နီၪ ကဘၪအီၪဝ့ၫဒၪလၧ ဆၧကၩ့ကၩဎိၭလၩ့ အ့ၪဆၧအမုၬနီၪ ကဘၪမုၬဝ့ၫ ကၠၧၫ့ကၠၧၫ့ အ့ၪဆၧၥၭအုၭအီၪနီၪဆ့ မွဲကဘၪၥၭအုၭကၠၧၫ့ကၠၧၫ့နီၪလီၫႉ ဘဲၫထံၩၥိၭလဖၪအၥိၭဆ့ မွဲကဘၪအီၪဝ့ၫဒၪ မုၬမုၬလၩလၩနီၪလီၫႉ ထၧၫ့မၫဝၩလနၩ့နၩ့နီၪ ထၪ့ၡါထၬယံၬထၪ့ကကၠၪ ကဂၩဒဲကဂၩ မ့ၬလဲၩၥၭခိလိၬၥၭ…

ပကဲၪၦၡၩကိၭဂၩဒ့ၭနီၪ မွဲပညၩၡၫၦဂူၪဂၩၥ့ၪဝ့ၫဒၪကိၭဂၩဒ့ၭနီၪလီၫႉ လါနၫ့ပညၩၡၫၦဂူၪဂၩ လၧဆၧအလးကိၭစီၪ့ဒ့ၭနီၪ မွဲလဂ့ၩဘၪနီၪလီၫႉ ပညၩၡၫၦၡၩၥ့ၪယီၩနီၪ ပကအီၪပဲၩခွံၬပၥ့ၪလဲၪ? အကၧၩ့ဒိၪထုၬပကဘၪမၩဝ့ၫဒၪကမံၩ့နီၪ ပကဘၪကျ့ၭစၨၭ စံၭၦၡၩ လၧ ဟၨၫအၨၩ ဆၧချဲၩ့ယီၩနီၪလီၫႉ စံၭမၬချၭ ၦၡၩဂဲၫအၪ့ကံၩ့ပၧၩဆၧမၩဆၧၩ့အထီ ပၧၩဝ့ၫပဆၧဖံၭဆၧမၩအၪဝ့ၫဒၪလါနၫ့ ပညၩၡၫအဝ့ၫၥံၪအကၠီၩ့ ပမၩဆၧၩ့စိၩအ့ၪအဝ့ၫၥံၪလီၫႉ အနီၪအခၫ ကဲၪထၪ့ပၥ့ၪလဲၪစွါဘဲၫ မွဲလၧပညၩၡၫဆၧအကၠီၩ့ ၦၡၩ အဆၧဖံၭဆၧမၩနီၪ ပမၩအ့ၪဂီၩ့ဝ့ၫဒဲ ပဆၧဖံၭဆၧမၩနီၪ လၩ့ထ့ၬထးနီၪလီၫႉ ပညၩၡၫၦၡၩအကၠီၩ့ အ့ၪမွဲဆၧဘၪထံၭဘၪနဲၪ့ က အီၪထဲၩ့လၧပၧၩစွါဘဲၫ ဆၧညၩၡၫဆၧဘဲၫယီၩၥိၭနီၪ မွဲပကဘၪဂၬဎ့ၭခွံၬဂီၩ့ ပကဘၪကျ့ၭစၨၭစံၭၦၡၩ ဟၨၫအၨၩ ယမၩဆၧၩ့နၧၩ န့အ့ၬႇ ဟၨၫအၨၩ ယချုၭအ့ၬႇ ဆၧချဲၩ့နီၪလီၫႉ ဘဲၫနီၪၥိၭလမွဲဘၪဒဲ…

၁. ဆၧထိစိၩလအီၪဘၪနးမံၩ့အဖၧၩ့ ပၥိၩ့ဆိၫၡဲၫမံၫဒံၫယၫဂီၩ့ ပမၩလူၬဂီၩ့လူၬစၪအခံၫ့ ၂ႉ ဘၪထွ့ၪလၧဆၧအၪ့ဆၧအီၩအဂး ပမၩလူၬဂီၩ့လူၬစၪအခံၫ့ ၃ႉ ဆၧကၠုၪ့ဆၧဘျီၩ့ၥၭဂီၩ့ ပမၩလူၬဂီၩ့လူၬစၪအခံၫ့ ၄ႉ ပၥၭမၧၫ့လၧၦဂူၪဂၩအၥၭဂီၩ့ ပမၩလူၬဂီၩ့လူၬစၪအခံၫ့ ၅ႉ ပမၩလူၬဂီၩ့အခံၫ့လၧ ၦလယိခ့ၬထဲၩ့ဘၪပၧၩလဖၪအဂး ၆ႉ ဆၧထိစိၩလပၫဘၪအဖၧၩ့ ပလီၩမၩလအိၩလယီၩဂီၩ့ ပမၩလူၬဂီၩ့လူၬစၪအခံၫ့နီၪလီၫႉ ဆၧလဖၪယီၩ ပကဘၪထုၪ့လၩ့ပၥၭဒိၪဒိၪအၪအၪလ့ၬနီၪလီၫႉ

၁ႉ ပကဘၪ အီၪက့ၪထၬ ဆၧထိစိၩဖီၫထုၪ့နီၪလီၫႉ ၂ႉ ပကဘၪလ့ၩစိၩလၧ ပဖီၫထုၪ့အီၪဝ့ၫအလးနီၪ ထၧၩ့အထီၩ့စိၩနီၪလီၫႉ ၃ႉ ပကဘၪအီၪက့ၪထၬ ၥၭလၧအၪ့ဎၬဆၧအဂ့ၩလဖၪနီၪလီၫႉ ၄ႉ ပကဘၪစံၭလၩ့ပၥၭ ယကလ့ၩထၪ့လ့ၩထီၫအဂးနီၪ အီၪၥုၪ့လၩ့ထၬအၥၭလၧ ယဖၫ့ခိၪလီၫႉ ၅ႉ ပကဘၪအီၪပဲၩခွံၬၥၭလၧ အၥၭမဲၪဆၧႇ ၥၭလၧအၪ့ယိၪခဲၫ့ကံၭဆၧလဖၪနီၪလီၫႉ ၆ႉ ပကဘၪဒုၭဆၧၫ့ခွံၬဆၧအၪ့ထၩလဖၪနီၪ ထၧၩ့အန့နီၪလီၫႉ ၇ႉ ပကဘၪအီၪဒၪလၧ ပဆၧထိစိၩဖၧၫ့ၥၭအဖၫ့ခိၪနီၪလီၫႉ ၈ႉ ပဘၪဒၪဆၧၫ့ယၫဆၧကၪဆၧဂဲၩလဖၪနီၪ ပကဘၪ လီၩၥ့ၪယၫထဲၩ့ ၦဂူၪဂၩနီၪလီၫႉ

ပကဲၪၦၡၩကမံၩ့နီၪ မွဲပဂၬဎ့ၭ ဆၧၡါထၪ့ႇ ဆၧစူၭဆၧဆၫ ဒဲ ဆၧၥံၫလန့ဘၪနးဂၩနီၪလီၫႉ ဆၧနီၪအကၠီၩ့အ့ၪမွဲ မိဖါၥၭၡါလဖၪနီၪ အၥၭဎိၩထၪ့ဂီၩ့ ၥၭနၪ့ဆၧဆီၪ့လၫ့အခံၫ့ႇ လၩ့ဖိၪၥၪအခံၫ့ ဒဲ မၩဆၧဖံၭဆၧလနၧၩ့လၧၩ့ဘၪစွါဘဲၫ ဆၧချဲၩ့၅မီၪ့ယီၩထီးလီၩဘၪအဝ့ၫၥံၪနးဆိၭလဂ့ၩႉ     ၁ႉ အယီၩမၬနၥ့ၪယၫအ့ၬဧၪ     ၂ႉ မၩလၫ့ဒီၭ     ၃ႉ မၩဆၧနးမံၩ့ကစ့ၩ အီၪမၬကယုကစုၩလီၫႉ    ၄ႉ ပလီၩထၬနၧၩနဲၪ    ၅ႉ  ယၥၭဂၭဂီၩ့တီၩ    ဆၧချဲၩ့လဖၪယီၩနီၪလီၫႉ ဆၧချဲၩ့လဖၪယီၩနီၪ မွဲမၩဘၪထံၭအဝ့ၫၥံၪအၥၭ န့ဝ့ၫဒၪအၪမၬဒ့ၭအကၠီၩ့နီၪလီၫႉ အ့ၪမွဲပကလီၩအဝ့ၫၥံၪဘဲၫနီၪအၥိၭစွါဘဲၫ လချုၭပလလီၩဒံၭဘၪနီၪ ပၧၩဆ့ကနံၩကိမွဲပကကဲၪထၪ့ဘဲၫအဝ့ၫၥံၪဒံၭအဂဲးနီၪ အီၪနၪ့ထၪ့ကၠၭဘၪလါဆံၭနဲၪႉ နးအဲၪဖီၫဘွၩ

ဖါလဂၩနီၪ လၧအဝ့ၫလၥံၫဒံၭဘၪအခံၫ့နီၪ ဖ့ၪလၫ့အ့ၪအဖိၪခွၫနၩရံၫအလံၩကဖျိၪ့နီၪလီၫႉ နၩရံၩနီၪမွဲလၧ ဖါနီၪအဖူၫဖူၫဖ့ၪလၫ့ထးအ့ၪအဝ့ၫနီၪလီၫႉ နၩရံၫနီၪအၥၭကအီၪဝ့ၫဖိၭဘိၭအနံၪ့၂၀၀ယူၭနီၪလီၫႉ ဖါနီၪဖ့ၪလၫ့အ့ၪအဖိၪခွၫနၩရံၫနီၪဂီၩ့ အၪ့မၧၫ့အဖိၪခွၫလ့ၩလီၩ့အၪ့ဆၫယိဒဲမၪလူၬအဖိၪခွၫ ၦၡၩဖ့ၪလၫ့နၧၩ အနံၪ့ကန့ပၥ့ၪလဲၪနီၪဆ့ ဂဲၫထဲၩ့ထီးနဲၪ့ထၬအီ စံၭဝ့ၫဘဲၫနီၪလီၫႉ ဖိၪခွၫနီၪဆ့ လ့ၩဆိၭန့နၩရံၫအလံၩကဖျိၪ့နီၪဂီၩ့ လ့ၩလီၩ့အၪ့ဆၫဝ့ၫဒၪလီၫၥၨၩႉ လ့ၩအၪ့ဆၫဝ့ၫလၧ ဆၧအၪ့ဎွ့ၩနၩရံၫအလးကစီၪ့စီၪ့ အနၩရံၫနီၪမွဲလၧ နၩရံၫခီၩ့ခီၩ့အိၩ အကၠီၩ့ ဆၧဖ့ၪလၫ့အဝ့ၫ ၅ဒီၫလၫနီၪလီၫႉ လ့ၩလခဲၫ့ကလးဆ့ မွဲအနံၪ့န့ဒၪ ၅ဒီၫလၫႉ အဝ့ၫယီၩလ့ၩလီၩ့အၪ့ဆၫဝ့ၫ အလးအၪစီၪ့ဒ့ၭလါနၫ့ အနံၪ့န့ဒၪ၅ဒီၫလၫနီၪလီၫႉ လခဲၫ့ထုၬဖိၪခွၫနီၪ လ့ၩအၪ့ဆၫဝ့ၫလၧ ဆၧဒုၭနဲၪဆၧနဲၪ့လၧဖီၩ့ခွံၬလး(ပြတိုက်)အထီ ၦမူၩဒၩအီၪလဂၩနီၪ ယိထၪ့အဝ့ၫအနၩရံၫနီၪဂ့ၩဘၪစဲၪဂီၩ့ စံၭဆၧၫ့အဝ့ၫ နနၩရံၫယီၩ မွဲနၩရံၫလၧခီၩ့ခီၩ့အိၩ ထီဘဲၫယီၩပလီၩ့ဎွါလန့လၧၩ့ ဘၪနၩရံၫကဖျိၪ့အကၠီၩ့ ယကဖ့ၪလၫ့နၧၩဒီၫလၫ၁ခွးနီၪလီၫ စံၭဝ့ၫဘဲၫနီၪၥိၭဂီၩ့…

ပကဲၪၦၡၩကမံၩ့နီၪ မွဲပဆၧကိၪ့ၥ့ၪကိၪ့ဘၪ ကဘၪအီၪဝ့ၫဒၪနီၪလီၫႉ ဘဲၫပဆၧကိၪ့ၥ့ၪကိၪ့ဘၪကအီၪ အဂး နီၪ စၭထၪ့လၧပဆံၭဆံၭအထီအိၩ မွဲပကဘၪမၩလိၪထၬကၠၭပၥၭနီၪလီၫႉ လါနၫ့အ့ၪမွဲပဆၧကိၪ့ၥ့ၪကိၪ့ဘၪလၧၫ့ဎွ့ၩ ထၪ့ဂီၩ့ ထီးပစီၪဎိၩလၩ့ဘၪပၥၭလဂ့ၩအဂးနီၪ မွဲပကဘၪထုၪ့လၩ့ပၥၭဒံၭနီၪလီၫႉ လၧပဆူၭပကျၩဖၧၩ့ ပကဒၪဘၪ ၦလၧအစီၪဎိၩလၩ့အၥၭဘနီၪ ကအီၪဝ့ၫဒၪနီၪလီၫႉ ၥ့ၪခီၫနီၪကဆံၭ လၧ ၦၡၩကျၩမိမၩၥ့ၪမၩၥီၫအၥၭခီၫနံၫဆံၭ ၦဘဲၫနီၪၥိၭလဖၪမွဲပကဒၪယံၩယါနီၪလီၫႉ  အဝ့ၫၥ့ၪထၬဘၪ ဆၧကိၪ့ၥ့ၪကိၪ့ ဘၪလဖၪနီၪမိအၪ့နၩ့ထဲၩ့အ့ၪၦဂူၪဂၩအ့ၬႉ ၦကိၪ့ၥ့ၪဖိၪတၡါနီၪ အဝ့ၫၥ့ၪထၬဘၪ ဆၧကိၪ့ၥ့ၪကိၪ့လဖၪနီၪ  အၪ့နၩ့လၩ့ ထဲၩ့အ့ၪၦဂူၪဂၩႇ ကယဲဆၧနးမံၩ့အဝ့ၫမိၥ့ၪကဂၩလီၫ မိအၪ့နၩ့ဝ့ၫလၧၦဂူၪဂၩအ့ၬ ၥၭဘဲၫနီၪၥိၭ လအီၪဘၪႇ ၥၭအဲၪလၩ့ ၥၭလအီၪဘၪႇ အ့ၪမွဲအဝ့ၫၥံၪလ့ၩထၪ့လ့ၩထီၫယူၭစွါဘဲၫ လအီၪက့ၪထးဘၪ ၦအဖၫ့လၬလဖၪဂီၩ့ ကၠူၭထၪ့ဝ့ၫလၧ ဆၧဖၫ့ခိၪႇ လဆၫ့လၩ့ဘၧၩ့ထၬဘၪၦဂူၪဂၩ…

မုဆၫကနံၩယီၩ ၥၭဘၪ့ဖိၪလၧ ခိးဂဲးခိးဘၭ မၩလိၪအၥၭ ဆၧကိၪ့ဘၪကိၪ့ၥ့ၪလဖၪ အီၪဝ့ၫအၪမၬအၥိၭ က နၩ့နၩ့နီၪ လၩ့ဆ့ၭလၩ့ယွၩလၧ ၥံၫမၧၩ့ပၠိၭကျၩႇ ကနၩ့နၩ့နီၪ လၩ့ဆ့ၭလၩ့ယွၩလၧ ဆၧအဲၪဆၧကွၩကျၩႇ ဆၧမုၪဆၧမၧၩ့ ၦထံၪၦခွၫကျၩဆ့ အီၪဝ့ၫအၪမၬနီၪလီၫႉ ဘဲၫဆၧကိၪ့ဘၪကိၪ့ၥ့ၪအီၪမၬ ပဘွၫၦၡၩကဖိးအၥိၭ အ့ၪဆၧကိၪ့ဘၪကိၪ့ၥ့ၪလအီၪဘၪနီၪ လၧၡၩအကျၩ ပမ့ၬပနၫကဘၪဆံၭဝ့ၫနီၪလီၫႉ ဆၧကိၪ့ဘၪကိၪ့ၥ့ၪနီၪ ကၠၧၩ့ဒၪဆၧၥီၪ့လိၪလံၬလဲလီၫ လကၭဘၪဒဲ ပဆၧၥၭမၧၫ့ထီ လၧယၫ ပကမၩအၪ့ဖံၭအၪ့အဂး ပကလ့ၩထၪ့လ့ၩထီၫအဂး လိၪဝ့ၫဒၪဆၧၥ့ၪဆၧဘၪလဖၪဆ့ မွဲပကဘၪၥီၪ့လိၪ ပ ၥၭကိၭမံၩ့နီၪလီၫႉ ဘဲၫဆၧချဲၩ့အီၪထၬဝဲၩ အခံၫ့အီၪဒံၭအထီ ပကဘၪကျ့ၭစၨၭခိးဂဲးခိးဘၭအၥိၭ ပၥၭဘၪ့အထီ ပကဘၪကျ့ၭ စၨၭမၩလိၪဆၧကိၪ့ဘၪကိၪ့ၥ့ၪႇ အ့ၪမွဲပၥၭထီၩ့လၧ ၥၭလွါအခံၫ့နီၪ…

ဘဲၫၥူၫလ့ၫဖၩ့လၧလဖူၬဖၬဘၪအဒံၭလဖၪနီၪ အဆၧဖၩ့ကစဲၪ့ထၪ့အဂး ကၪဂဲၩဝ့ၫအၥိၭ ၥၭဘၪ့လၧၥၭလိၭဖၭ လအီၪဘၪ ၥၭကျ့ၭစၨၭလအီၪဘၪလဖၪနီၪဆ့ ကလ့ၩထၪ့လ့ၩထီၫအဂး မွဲကကၪဂဲၩဝ့ၫလီၫႉ ဆၧနီၪအကၠီၩ့ ၦကွ့ၭ လံၬဆရၫ အီၫ့ၥ့ၩစံၭဝ့ၫဒၪ ၥၭဘၪ့လၧဆၧကိၪ့ၥ့ၪအီၪဝ့ၫလဖၪနီၪ မၩထၪ့လ့ၩထီၫ အဆၧၥၭမၧၫ့န့ဝ့ၫအၥိၭ မၩထၪ့ထီၫ ၦဂူၪဂၩအဆၧၥၭမၧၫ့ဆ့ န့နီၪလီၫႉ ၥၭဘၪ့လၧထိၪတွၭအ့ၪ ၦဂူၪဂၩအဂးၥ့ၪလဖၪနီၪ ၥၭအဲၪလၩ့ၥၭအီၪၡၩဝ့ၫဂီၩ့ ၦဂူၪဂၩအဆၧၥၭအုၭလဖၪနီၪ ဆ့ အီၪက့ၪထၬဝ့ၫ ဘဲၫအဝ့ၫၥံၪအဆၧၥၭအုၭၥိၭ ၥ့ၪနီၪလီၫႉ ဆၧၡၪ့ဆၧယၬႇ ဆၧကိၪဒိၪကဲၪမုႇ အယၪဘွၩႇ အယၪၥၧၫ့ႇ အမ့ၬဎံၪ လဎံၪလဖၪနီၪ လမွဲဘၪ ၥၭဘၪ့လဂၩ အလူအဎွ့ၩတၭ ၥၭဘၪ့လဂၩ အလူအဎွ့ၩနီၪ မွဲဒၪလၧ ပၩရမံၫအီၪ လအီၪႇ…