ပဆၧၥၭမၧၫ့ထၧၫ့ဖျီၩ့ယၫအဂး ပဆၧအဲၪတၩ့ (ခ) အ့ၪလမွဲဘၪ ပမၫပဝၩယီၩနီၪ အဂ့ၩထုၬ မွဲမၬကမွဲ လါနၫ့လၧပဂး မွဲအကြၨၭထုၬလီၫႉ စံၭမၬချၭ ပဖီၪ့ထၬခွ့ၩဒီၪနါဘဲၫယီၩနီၪ အနံၪ့အခၩထုၬ အဂ့ၩထုၬ မွဲမၬကမွဲ လါနၫ့လၧပဂး ပဆၧဖံၭဆၧမၩ အဂး လိၪဝ့ၫဒၪနီၪ ပၥိၩ့ကန့ဂ့ၩဂ့ၩဘၪဘၪအဂး မွဲပရွံအၪ့ဎွ့ၩထၬနီၪလီၫႉ
ပၥိၭထၬခၪ့ဖံၭနီၪ အနံၪ့အီၪ ၅ကုၬမၬကအီၪ လါနၫ့ခၪ့ဖံၭအဎွ့ၩအီၪဒၪ၅၀၀၀လီၫနီၪဆ့ လၧပမိလ့ၩအလးနီၪ မွဲပလ့ၩ ထီၩ့ဆ့လီၫႉ
နဆၧအဲၪတၩ့ (ခ) နမၫ နဝၩနီၪ အ့ၪဎိၪဎါမွဲကဎိၪဎါ အ့ၪဘီၪ့ဘိၭမွဲကဘီၪ့ အ့ၪဎွဲဘိၭကဎွဲ အ့ၪဎံၪလၩဘိၭ ကဎံၪလၩ အခိၪနုၬဂ့ၩဘိၭကဂ့ၩ အ့ၪဆၨၫဘိၭကဆၨၫ ဆၧလၧၫ့ဆၧဎွ့ၩအီၪမၬကအီၪ လါနၫ့ အဝ့ၫနီၪ ကမွဲၦလၧ အနၪအ့ၪနၧၩၥ့ၪ ဆၧကိၭ အမံၩ့ နဆၧဂဲးဆါဘၭဆါလဖၪနီၪ မွဲအဝ့ၫနၪအ့ၪနၧၩၥ့ၪထီးလူၬနီၪ မွဲဒၪလၧနဆၧၥၭမၧၫ့ဆၧအဲၪတၩ့နီၪလီၫႉ အဝ့ၫနီၪ ၦ အဂ့ၩဒိၪထုၬလဂၩမွဲမၬကမွဲ လါနၫ့လၧပဂး မွဲၦလၧအကြၨၭအဘၪထုၬနီၪလီၫႉ
လၧပဆၧၥၭမၧၫ့ဖၧၩ့ ပကဘၪဒၪဆၧၫ့ယၫလၧၦၡၩနီၪ အီၪနံၫမံၩ့လီၫႉ ကမံၩ့နီၪ ၦလၧကယိဖၬခွံၬပဆၧနိၫ့ဆၧနၬ လဖၪဒဲ လခဲၫ့ကမံၩ့နီၪ မွဲၦလၧကယိၭဆၧၩ့အ့ၪပၧၩ ပဆၧနိၫ့ဆၧနၬလဖၪနီၪလီၫႉ လၧၦၡၩနံၫမံၩ့ယီၩအကျၩ နဆၧၥၭမၧၫ့ထၧၫ့ ဖျီၩ့ယၫအဂး နကရွံထၪ့ၦၡၩထမံၩ့မံၩ့လဲၪနီၪဘိၭ အၪ့ဎၬထၪ့ဒၪနၧၩလါဆံၭႉ