လၧပဆၧၥၭမၧၫ့ဖၧၩ့ ပကဒၪဘၪၦလၧအဂဲၫဆိၬန့ဆၧဘံၪၥိၭလဖၪနီၪလီၫႉ ၦလၧအဂဲၫဆိၬန့ဆၧဘံၪၥိၭဂီၩ့ ဂဲၫဂါလၩ့ဆၧဘံၪၥိၭလၧပအီၪလဖၪနီၪ မွဲပၧၩဘဲၫၥ့ၪလဲၪႉ

ၦၡၩဘဲၫနီၪလဖၪနီၪ မွဲဝ့ၫ ၦၡၩလၧအလီၩ့ကီၪၦၡၩအလၩလဖၪႇ ၦၡၩလၧအလီၩ့ချဲၩ့လၧဆၧန့ခိးန့တၩ လအီၪဘၪလဖၪနီၪလီၫႉ အဝ့ၫၥံၪနီၪ ကဂဲၫလၧပအီၪဂီၩ့ ကဂဲၫကီၪၦၡၩအလၩ လကၭဘၪကလီၩ့ချဲၩ့ထီးဎံၩ့ဒံၭလီၫႉ ပၧၩဝ့ၫပကခိၭနၪ ပကချဲၩ့ဂၧၩ့ထဲၩ့အဝ့ၫၥံၪဆ့နီၪလီၫႉ အဝ့ၫၥံၪယီၩ ဂဲၫလီၩအ့ၪပၧၩၦၡၩအဂဲးလဖၪဂီၩ့ ကထဲၩ့ထဲၩ့လၧ အဂံၪ့အဎၪ့လီၫႉ အနီၪဂီၩ့ယူၭဧၪႉ

မွဲလဂီၩ့ဒံၭဘၪလီၫႉ အဝ့ၫနီၪ ဂဲၫလီၩ့အ့ၪပၧၩၦၡၩအဂဲးဘဲၫနီၪဘဲၫယီၩ ဂီၩ့ယူၭအကၠီၩ့ မီၪ့ဎီၩ့ဒၪလၧ ဂဲၫဂါလၩ့ စိၩဆၧဘံၪၥိၭ လၧပအီၪနီၪလီၫႉ အဝ့ၫယီၩနီၪဂဲၫဂါလၩ့ဝ့ၫဂီၩ့ ထဲၩ့ယူၭႉ လါနၫ့ပၧၩဝ့ၫ အဝ့ၫဂဲၫလီၩထၬအ့ၪပၧၩ ဆၧအ ဂဲးလဖၪ အဝ့ၫဂဲၫဂါလၩ့ထၬ ဆၧဘံၪၥိၭလဖၪနီၪ ကအီၪထးလၧပခိၪနူၬဖၧၩ့ ပၥၭဖၧၩ့နီၪလီၫႉ အနီၪအခၫ ပခိၪနူၬဖၧၩ့ နီၪ အ့ၪယံၭထၪ့စွါဘဲၫ ၦအနီၪဂဲၫဂါလၩ့စိၩဆၧဘံၪၥိၭကဆံၭ ၦအယီၩဂဲၫဂါလၩ့စိၩဆၧဘံၪၥိၭကဆံၭအခၫ ပခိၪနူၬ ယီၩ ပဎွ့ၩလၩ့ဒၪလၧ ဆၧဘံၪၥိၭလဖၪနီၪလီၫႉ

ပခိၪနူၬယီၩအ့ၪဎွ့ၩလၩ့လၧ ဆၧဘံၪၥိၭစွါဘဲၫ မွဲကဆံၫ့ဖျ့ၪလၧၩ့အ့ၬႉ လဆံၫ့ဖျ့ၪလၧၩ့ဘၪအကၠီၩ့  ကိၪ့ထၪ့ တဲၩ့ထၪ့ ဆၧအဂ့ၩဒိၪထုၬလဖၪ မွဲကန့လၧၩ့ဧၪအ့ၬႉ ဆၧနီၪအကၠီၩ့ ဘဲၫလကဲၪဘၪဘဲၫယီၩအဂးနီၪ ထိးဆၧၫ့ဘၪ ၦလၧအဂဲၫဂါလၩ့ဆၧဘံၪၥိၭလဖၪနီၪလဂ့ၩအဂဲး မုကနံၩယီၩ ယရၩလၩ့စိၩအ့ၪဘၪနၥံၪဆၧအဂဲးယီၩနီၪလီၫႉ