ထၧၫ့ဖုဝဲထံၩၥိၭထီးလူၬၥံၪဧ့ ပကဲၪၦၡၩကမံၩ့နီၪ အ့ၪမွဲပၥုၪ့ၥၭဂ့ၩဘွၩမၬ ပမ့ၬကဎံၫလၩဂီၩ့ အ့ၪမွဲပၥုၪ့အုၪၥၭအုၪနီၪ ပဆၧဎံၫလၩလဖၪကလၩ့မါဒၪခွံၬပၧၩနီၪ ပကိၭဂၩဒ့ၭပၥ့ၪယၫဝ့ၫလီၫႉ ဆၧနီၪအကၠီၩ့ ပဆၧဎံၫဆၧလၩဆၧဎံၫဖံၫ့လဖၪ ဘဲၫလလၩ့မါဘၪအဂး
အဆိၪထုၬ ပကဘၪဂၭဎ့ၬဝ့ၫဒၪကမံၩ့နီၪ ၦလၧလအဲၪဒိၭဘၪ ပဆၧလ့ၩထၪ့လ့ၩထီၫ လဖၪအဂး မၩၡၪ့ဘၪပၥုၪ့ပၥၭဒဲ ပနးခီၫ့မိၡါနီၪလဂ့ၩနဲၪႉ
၂ႉ လၧပဖၫ့ခိၪ ၦၡၩဒၪပၧၩ စီၪပၧၩပၥ့ၪလဲၪနီၪ လီၩ့အၪ့ဎၬထၪ့ဂီၩ့ မၩၡၪ့ဘၪပၥၭလဂ့ၩႉ ယိဖၬခွံၬ နဲၩ့ဎီၩ့အဆၧဒၪလဖၪနီၪလါဆံၭႉ
၃ႉ ပဘၪခိၭဖ့ၪဆၧၫ့ကၠၧၩ့ပၧၩလီၫဂီၩ့ ဆၧဂဲၫထဲၩ့ထဲၩ့လအီၪဘၪ ဆၧဆုးကျိၭလဖၪအဂး မၩၡၪ့ဘၪ နၥၭလဂ့ၩႉ
၄ႉ အဝ့ၫၥံၪအ့ၪအလိၫအီၪမၬ ဂဲၫၥိၩ့ပၧၩ ၦလဖၪအဂး မၩပွံၩဘၪနၥၭလဂ့ၩႉ
၅ႉ လီၩ့မၩပျၩ့ခွံၬအ့ၪၦၡၩအဆၧကၪဆၧဂဲၩလဖၪဂီၩ့ မၩလူၬခွံၬနအခံၫ့လဖၪနီၪလဂ့ၩႉ ထိးဘၪဂါ ၦဂူၫဂၩအဆၧခိလဖၪနီၪလဂ့ၩႉ
၆ႉ ၦလၧလၥၭအုၭဘၪပၧၩလဂၩ ဘဲၫအၥၭဆုးလီၩ့ကအီၪလၧပၧၩအဂး ကျ့ၭစၨၭမၩလူၬဂီၩ့ နဂဲးဘၭလဖၪနီၪလဂ့ၩႉ
၇ႉ လီၩ့မၩဝံၩ့မၩဝၩ့ဆၧလၧအိၩလၧယီၩလဂ့ၩဂီၩ့ လၧဆၧကမံၩ့အဖၫ့ခိၪအီၪက့ၪထၬ ဖီၫထုၪ့ဂီၩ့ ထဲၩ့ကျ့ၭစၨၭထၪ့လၧနဆၧၥၭမၧၫ့ဖၧၩ့လါဆံၭႉ