ဘၪထွ့ၫလၧ ခိဆၧၩ့ချံၪ့အၪ့လဲၩ့ထၪ့ၥၭ ဆၧကၪဆၧဂဲၩလဖၪ – ၁
ဂၪ့ခိၪချိၫ့ဂဲၫခိထၪ့အခံၪ့ဂဲၫယံၬထၪ့အၥိၭ ခိဆၧၩ့ချံၪ့အၪ့လဲၩ့ထၪ့အၥၭဂီၩ့ ဂဲၫကဲၪထၪ့နဲၩ့ဎီၩ့အဆၧကၪဆၧဂဲၩတၭ ၦခမျၧးၥံၪ ဒဲ ဆၧဖိၪဆၧဎါၥံၪလၧ အအီၪလၧဂၪ့ခိၪချိၫ့ယီၩလဖၪထီးလူၬ ကဲၪထၪ့ ဆၧလၩ့အၪ့ယိၫအၪမၬနီၪလီၫ. Intergovernmental Panel on Climate Change (IPCC) အဆၧထုၭထၪ့အဖၧၩ့ ၡၩခမျၧးၥံၪအကၠီၩ့ ဂဲၫကဲၪထၪ့ဝ့ၫဒၪ ဂၪ့ခိၪချိၫ့ဂဲၫခိထၪ့နီၪ ဆုးကျိၭအၥၭလၧ လံၩအထုၪ့ႇ မၫဆမံၭႇ ထံၫခိလီၫ့လဖၪဒဲ ဆၧဖိၪဆၧဎါၥံၪလၧအအီၪၥၭမၧၫ့ၡိၬကျၩလဖၪဂီၩ့ ဂၪ့ခိၪထၧၫ့ဘံၪ့ ယၫ လးကျဲၩ့ဆုးဆုး ဘၪဒၪဎီၩ့ဆၧၫ့ယၫ ခိဆၧၩ့ချံၪ့ အၪ့လဲၩ့ထၪ့အၥၭအၪ့မၬနီၪလီၫႉနံၪ့ ၂၀၂၃ IPCC အဆၧထုၭထၪ့အဖၧၩ့ အရ့ၩဒိၪထုၬနီၪ ၡၩခမျၧးၥံၪ အဆၧဖီၪ့ထၪ့ဖံၭထၪ့အကၠီၩ့ ကဲၪထၪ့ ဖၫ့လိၫ့အံၫ့စီၩ့ဂဲးအဆၧထုၭထၪ့တၭ ဂဲၫထၪ့ ဂၪ့ခိၪချိၫ့ဂဲၫခိဆီၪ့ထၪ့ဂီၩ့ အ့ၪပထိၪထၧၫ့ဎီၩ့ထဲၩ့လၧ နံၪ့ ၁၈၅၀-၁၉၀၀ အထီဒၪအိၩ စွါဘဲၫ နံၪ့ ၂၀၁၁ – ၂၀၂၀အထီ ဂၪ့ခိၪမ့ၬပၫဆၧအခိနီၪ ပကဒၪဘၪ ခိဆီၪ့ထၪ့ ထီးထီၩ့ 1.1 ဒံၫဂရံၫ စံၫတံၫဂရံၭ နီၪလီၫႉ အနၭထုၬနီၪ နံၪ့ ၂၀၂၄ ဂၪ့ခိၪမ့ၬပၫ ကိၭနံၪ့ဒ့ၭဆၧအခိနီၪ နံၪ့ ၁၇၅နံၪ့အဖၧၩ့ ဂၪ့ခိၪယီၩ ကဲၪထၪ့ ဆၧခိအဆီၪ့ ထုၬနံၪ့နီၪလီၫႉ
