ဘၪဆၧမၩလၩမၩဖၩ့ နံၪ့ ၆၀ လိးဘွၩ ယူၩဘလံၫဆါ မံၭထၬမုၪလဖၪ

လၩစဲၭစံၫ့ဘၧၫ ၁၇ၥၫ့ ၂၀၂၆နံၪ့ စိန့်ဖရန်စစ်ဇေးဗီးယား မံၭထၭမုၪလဖၪမွဲဝ့ၫဒၪ Sr. Mary Raymond Sr. Mary Denis Sr. Mary Hilary Sr. Mary Florence လဖၪနီၪ ကနံၩယီၩ ဒိၭန့ ဂဲၫထဲၩ့ကဲၪထၪ့မံၭထၬမုၪ ဎွ့ၩထၪ့ အနံၪ့ ၆၀ ယူၩဘလံၫနီၪလီၫႉ ဘၪဆၧမၩလၩမၩဖၩ့ဝ့ၫဒၪအလးနီၪ မွဲလၧ ဝံးပၥံၫ့ဖၧၩ့ မံၭထၭမုၪအၥုၪ့ၥၭၡါလဖၪ အီၪဒုၩၥၭလး (Bethany Retired House) လးဝၩ့ဖၧၩ့နီၪလီၫႉ “မံၭထၭမုၪလဖၪယီၩ မိဆၧအီၪကီၪ့အဂးဒဲ ကဆါယွၩအဂး ဂဲၫထဲၩ့ဖ့ၪဆၧၫ့လၩ့ၥၭအနံၪ့အီၪအၪလ့ၬယူၭအဂဲးႇ မွဲလၧကဆါယွၩအဆၧဆိၪဂ့ၩဆိၪဘွၩဖၭဒိၪအကၠီၩ့ အဝ့ၫၥံၪယီၩ ဂဲၫထဲၩ့ဖီၪ့ထၪ့ဖံၭထၪ့ ယွၩအဆၧဖံၭဆၧမၩန့ဝ့ၫဒၪ ထၧၩ့ထီၩ့စိၩလၧ အနံၪ့၆၀ဒ့ၭအဂဲး” ဒိၩ့ပၥံၫ့ဆၧအီၪကီၪ့ St. Peter Cathedral ၥရိၬ ၥၫ့ခၫဖၭဒိၪ Fr. Raphael Phone Naing Oo လီၩလၩ့လၬလၩ့ဝ့ၫဒၪ ဘဲၫနီၪအၥိၭနီၪလီၫႉ “လကၭဘၪ ဆၧလၧယွၩအဆၧအၪ့မၧၫ့ဖိၪ ဆၧၥၭမၧၫ့ကမံၩ့နီၪ လမွဲဘၪ ဆၧၥၭမၫ့အဆံၫ့ဖျ့ၪလၧဆၧဒဲၩဘၭ ဒဲ ဆၧၥၭမၧၫ့အလၧၫ့အဎွ့ၩနီၪတၭ မွဲဒၪ ဒိၭန့ထၪ့ဘၪ ကဆါယွၩအခိးအတၩ ကိဆၧၫ့ထီဂီၩ့ မွဲလၧဆၧအခိးအတၩနီၪအကၠီၩ့ ဆုးထဲၩ့လ့ၩဝ့ၫလၧအမ့ၬယၫလီၫအဂဲး ၥၫ့ခၫယီၩ ဆုးထဲၩ့လီၩလၩ့လၬလၩ့ဝ့ၫဒံၭနီၪလီၫႉ #rva#rvapwokaren#jubilee#DiamondJubileeCelebrations#sfxsisters#sisters