ဆၧလၧ ဆၧဆူၩနဲၩနီၪ မၩဆၧၩ့ ပဒၩ့ထၬအ့ၪ ၥၭမၧၫ့ဒဲ နဲၩဎီၩ့အဂးန့ဝ့ၫအဂဲး
လၧဎြံၬဆၧအဲၪဆၧကွံၩဖၧၩ့ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧလၧ ဆၧဆူၩနဲၩနီၪ မၩဆၧၩ့ ပဒၩ့ထၬအ့ၪ ၥၭမၧၫ့ဒဲ နဲၩဎီၩ့အဂးန့ဝ့ၫ အဂဲးအကၠီၩ့နီၪလီၫႉ
(၁) ပကယိလၧ ဆၧဆူၩနဲၩနီၪစွါဘဲၫ ပအီၪၥၭမၧၫ့ဂၪ့ခိၪယီၩ မွဲဝ့ၫ ကဆါယွၩ တဲၩလၩ့ထၬနီၪလီၫႉ ဆၧနီၪကၠီၩ့ ပကဘၪယိဂ့ၩယိဘၪ လိၪဝ့ၫဒၪနီၪလီၫႉ
(၂) ကၧၩ့ထၪ့ ဆၧအဲၪဆၧကွံၩ အဂဲး
ပယိဂ့ၩယိဘၪ ဆၧဆၧးဎံၫဆၧးလၩ နဲၩဎီၩ့ကၥ့ၪအဂး ပကဘၪအၪ့လုထၪ့ ၥၭဆီၪ့ ကိၭဂၩနီၪလီၫႉ
အထီၫထုၬနီၪ ဘၪထွ့ၫလၧ ထံၫခးအဂးႇ ခီၫၡၩဂးအဂးဒဲ လၧဆၧဆၧးဎံၫဆၧးလၩဖၧၩ့ ပကဘၪမၩထၪ့ ဆၧအဲၪဆၧကွံၩ လိၪအၪမၬဒ့ၭအကၠီၩ့ နီၪလီၫႉ
(၃) အလးခဲၫ့ထုၬနီၪ ပယိဂ့ၩယိဘၪ ဆၧအယီၩၥံၪယီၩ ထီးအလူၬစွါဘဲၫ ပကၧၩ့ထၪ့ ဆၧအဲၪဆၧကွံၩအဂး မၩဆၧၩ့အ့ၪပၧၩ ကန့ဝ့ၫအၪမၬဒ့ၭအကၠီၩ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ လၧၥၫ့ဎွၩလ့ၫအိၫ အဆၧၥီၪ့ဆၧၥၫ့ဖၧၩ့ နၥံၪ ထီးန့ထၬဆၧ ကမံၩ့မံၩ့ကန့အဂး ယရၩလၩ့န့အ့ၪဘၪ နၥံၪနီၪလီၫႉ မွဲနၥံၪလၧၫ့ဎွ့ၩဝ့ၫ ဒၪလၧကဆါဎြံၬအဆၧအဲၪဆၧကွံၩ လါဆံၭႉ
