ဆၧမၪလူၬဖၭဒိၪ (မၫကၨၭ ၁၂:၂၈-၃၄)

အဝ့ၫၥံၪချဲၩ့လိၬအၥၭနီၪ, ၦကွ့ၭလံၬလဂၩ နါဂၧၫ့အဝ့ၫၥံၪ ကၩ့ကၩလိၬအၥၭတၭ, ၥ့ၪယၫဝ့ၫလၧအချဲၩ့ဆၧၫ့ဆၧလၧအဘၪတၭ, လ့ၩစိၩဝ့ၫလၧအအီၪနီၪ, အၪ့စၪ့ဝ့ၫ, လၧဆၧမၪလူၬ ထီးအလူၬအကျၩနီၪအခၪ့ထံၭမွဲထံၪထံၪလဲၪ. ယ့ၫၡုၬချဲၩ့ဆၧၫ့ဝ့ၫ, လၧဆၧမၪလူၬ ထီးအလူၬအကျၩနီၪ, အခၪ့ထံၭ စံၭဝ့ၫဒၪ, ၦ အံၫ စ ရ့ လၭ ဖိၪ ၥံၪ ဧ့, ခိၭ နၪ ဆံၭ. ယွၩပကဆါနီၪ, မွဲကဆါလဂၩဎးလီၫ. အဲၪယွၩနကဆါလၧ နၥၭထၧၫ့ဖျိၪ့ယၫ, ဒဲလၧနၥၭၡီၩ့ထီးအလူၬ,ဒဲလၧနၥၭကိၪ့ၥ့ၪထီးအလူၬ, ဒဲလၧနဂဲးနဘၭထီးအလူၬဆံၭ. ဆၧယီၩ မွဲဆၧမၪလူၬအခၪ့ထံၭလထံၪလီၫ. နံၫထံၪလထံၪနီၪ, မွဲအလၩ့ဂၬအဝ့ၫနီၪလီၫ. အဲၪ ၦ လၧ န နဲၩ့ထံၭ ဘဲၫ န နၫ့ ဆါ ဒၪ န ဝ့ၫ အ ၥိၭ ဆံၭ. ဆၧမၪလူၬအဂူၫဂၩ ဒိၪနဲၪ့အဝ့ၫၥံၪနီၪ, အီၪအ့ၬ.
ၦကွ့ၭလံၬလဂၩ, စံၭဝ့ၫ, ဂ့ၩမၬလီၫ. ဆရၫဧ့, နစံၭ ယူၭဆၧမွဲဆၧတီၩယူၭလီၫ. အဂဲးဘဲၫယီၩ ယွၩအီၪလဂၩဎးလီၫ. လၧအဝ့ၫနီၪအမ့ၬယၫ အဂူၫဂၩအီၪအ့ၬ. ဆၧအဲၪဝ့ၫလၧၥၭထၧၫ့ဖျိၪ့ယၫ, ဒဲလၧၥၭကိၪ့ ၥ့ၪထီးအလူၬ,ဒဲလၧၥၭၡီၩ့ထီးအလူၬ, ဒဲလၧအဂဲးအဘၭထီးအလူၬတၭ, ဆၧအဲၪၦလၧအနဲၩ့ထံၭနီၪ ဘဲၫအ နၫ့ဆါဒၪဝ့ၫအၥိၭ, မွဲဂ့ၩနဲၪ့ဒံၭ အဆၧလုဆူၭခဲၩ, ဒဲဆၧလုထီးအလူၬဒံၭလီၫ. ယ့ၫၡုၬၥ့ၪယၫလၧအဝ့ၫနီၪ ချဲၩ့ဆၧလၧအကိၪ့ၥ့ၪကိၪ့ဘၪတၭ, လီၩဘၪဝ့ၫ, နဝ့ၫဒၪယီၩ, နယဲၩ့လၧယွၩအဘၩ့အမုးအ့ၬ. လၧခဲၫ့ ထဲၩ့တၭ, ၦအၪ့စၪ့အဆၧဘုၪ့လၧၩ့နးဂၩအ့ၬ.