ဆၧချဲၩ့ဒီၩ့လၩ့ဘၪဆဲၫ့ၦမၩဆၧလၧ စဘံၭမုလး. (စမၫကၨၭ (၁၂:၁-၁၂) )
ဆၧချဲၩ့ဒီၩ့လၩ့ဘၪဆဲၫ့ၦမၩဆၧလၧ စဘံၭမုလး. (စမၫကၨၭ (၁၂:၁-၁၂) )
အဝ့ၫဒၪလီၩဘၪအဝ့ၫၥံၪ လၧဆၧချဲၩ့အဒီၩ့တၭ ၦလဂၩၥုၪ့လၩ့စဘံၭမု အလးလလး, မၩဖီၩ့ထၬဝ့ၫတၭ, ခုၪ့လၩ့ဆၧဖၧၩ့လၧစဘံၭထံၫအဂးတၭ, မၩထၪ့ တၨၭခိၭဆၧလဖျိၪ့တၭ, ဖ့ၪလၫ့ဝ့ၫလၧၦမၩကၩအစူၪဖၧၩ့နီၪ,စဲၪ့ထၪ့ဝ့ၫလၧထံၫယဲၩ့ခးယဲၩ့လီၫ. ထီးအဆၧၫ့အထီဘၪတၭ, ဘဲၫၥိၭအမိန့ဘၪစဘံၭအၥၪလၧ ၦမၩကၩအစူၪဖၧၩ့နီၪ, အၪ့မၧၫ့အဎီးအၡၩလဂၩ လ့ၩလၧၦမၩကၩအအီၪလီၫ. အဝ့ၫၥံၪဖီၪ့န့ဝ့ၫ,ဒိၪဝ့ၫတၭ,ကွဲၪဖျါထဲၩ့ဝ့ၫန့ၫအနၫ့ဆါပျီၩပျီၩလီၫ. အဝ့ၫဒၪအၪ့မၧၫ့လၩ့ဒီၭ အဎီးအၡၩလၧအဂူၫဂၩလဂၩ လၧအဝ့ၫၥံၪအအီၪတၭ, အဝ့ၫၥံၪခွံၬဝ့ၫလၧလိးထီးအနုၬလၩ့ လၧအခိၪဎွံၪတၭ, မၩကြၩ့ထမးဝ့ၫနီၪ, ကွဲၪဖျါထဲၩ့ဝ့ၫလီၫ.- အဝ့ၫဒၪအၪ့မၧၫ့လၩ့ဒီၭ လၧအဂူၫဂၩလဂၩ တၭ,အဝ့ၫၥံၪမၩၥံၫအဝ့ၫနီၪ, ဒဲအဂူၫဂၩအၪဂၩ,ဒိၪဝ့ၫထးဝ့ၫလနၩ့, မၩၥံၫဝ့ၫလနၩ့လီၫ. မၩအၥၭဘဲၫနီၪတၭ,အဖိၪခွၫၥၭဘီၩ့လဂၩဎးအီၪဒံၭတၭ, အၪ့မၧၫ့လၩ့အဝ့ၫနီၪ လၧခဲၫ့ထုၬလဖၧၫ့ လၧအဝ့ၫၥံၪအအီၪတၭ,စံၭဝ့ၫဒၪ, အဝ့ၫၥံၪမိယူၭမိယၪ့ယဖိၪခွၫလီၫ. မွဲလါနၫ့တၭ, ၦမၩကၩလဖၪနီၪ စံၭလိၬအၥၭ,အယီၩ မွဲၦလၧအမိန့ၥၫဆၧလဂၩနီၪ, ဂဲၫမၩၥံၫၡီၩ့အဝ့ၫနီၪဘီၪ.ဆၧဖ့ၪၥၫနီၪမိကဲၪထဲၩ့ပဆၧလီၫ. အဝ့ၫၥံၪဖီၪ့ထၬမၩၥံၫအဝ့ၫနီၪတၭ, ခွံၬၡိၭခွံၬဝ့ၫလၧစဘံၭလးအချိၫ့လီၫ. မၩအၥၭဘဲၫနီၪတၭ, စဘံၭလးအကဆါ မိမၩဝ့ၫဘဲၫၥ့ၪလဲၪ. မွဲအမိဂဲၫမၩဂၭဂီၩ့ခွံၬ ၦမၩကၩလဖၪနီၪတၭ, မိဖ့ၪလၫ့စဘံၭအလးလၧၦဂူၫဂၩလီၫ. ဆၧကွ့ၭအၥၭယီၩ မွဲနၥံၪလဖီဘၪဒံၭဘၪဧၪ. လိးလၧၦမၩထၪ့ဂံၪ့လဖၪခွံၬၡိၭဝ့ၫလဖျိၪ့နီၪ, ကဲၪထၪ့ယူၭဝ့ၫဆၧအနိၪ့အခိၪစီၪ့ယူၭ.
ဆၧယီၩကဲၪထၪ့ဝ့ၫမွဲလၧယွၩ ဒဲလၩ့လၭလၧပမ့ၬယၫလီၫ.
အဝ့ၫၥံၪအၪ့ဎၬဖီၪ့ထၬဝ့ၫတၭ, ၥၭမဲၪၦခမျၧးလီၫ. အဂဲးဘဲၫယီၩ မွဲအၥ့ၪယၫဝ့ၫ လၧအချဲၩ့ဒီၩ့လၩ့ဆၧယီၩ ထၫ့ဒုၪဒၩအဝ့ၫၥံၪတၭ, မွဲအစဲၪ့ထၪ့ခွံၬဝ့ၫ လၧအအီၪတၭ, အဝ့ၫၥံၪထဲၩ့ထဲၩ့ဝ့ၫလီၫ.
