Fr.ဂျော်ကင်းနိုင်မိုးမံၫမၪထဲၩ့လၧ ကဆါဎြံၬ အီၪထၪ့ဘၭ ၅နံၪ့ ဆၧနၪ့ထၪ့

၂၀၂၆ နံၪ့ လၩမ့ၫ ၂၀ၥၫ့ လဂီၩ ၁၀နၩရံၫအခံၫ့ Fr.ဂျော်ကင်းနိုင်မိုး အနးၥၭအဂး ဆၧနၪ့ထၪ့ မံဆၩဆၧလုထၪ့နီၪ ပမၩဝ့ၫဒၪလၧ ဒိၩ့ပၥံၫ့ ပယၩ့ခၠီၩ့ ယ့ၫၡူၬအၥၭဆံၫ့ဎံၪ ၥရိၬ လးဝၩ့ဖၧၩ့နီၪလီၫႉ ၦအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ မွန်ဆီညှော် Pius Win Than နီၪလီၫႉ

မွန်ဆီညှော်စံၭဝ့ၫ ”ဖာသာရ်ဂျော်ကင်းယီၩ လ့ၩဖီၪ့ထၪ့ဖံၭထၪ့ ယွၩအဆၧဖံၭဆၧမၩလၧ ခးအံၫတလံၫအိၩဂီၩ့ အီၪလၧခးပယၩ့ႇ ဒိၩ့ပၥံၫ့ဆၧအီၪကီၪ့ဖၧၩ့ အလးကနၩ့နၩ့အဂး လိၪဝ့ၫဒၪ တၩ့ဆိၫဆၧမၩလိၪလးကနၩ့နၩ့နီၪ အဝ့ၫယီၩဂဲၫထဲၩ့မၩကဲၪထၪ့ဝ့ၫဒၪႇ ၦအၡၪ့အယၬဖိၪၥံၪအဂး အဝ့ၫယီၩလီၩ့မၩဆၧၩ့ဝ့ၫဒၪႇ အဆၧမုလါလၧ ကမိမၩဒိၪထၪ့ထီၫထၪ့ ဆၧကိၪ့ၥ့ၪကိၪ့ဘၪအနိၪ့နီၪ မိဆၧအီၪကီၪ့ယီၩ ဆုးထဲၩ့မၩဖျီၪထၪ့အ့ၪအဝ့ၫဒၪနီၪလီၫႉ လၧ၂၀၂၆နံၪ့ယီၩအထးဖၧၩ့ ဆၧမၩဆၧၩ့လိၪဝ့ၫဒၪ ဆၧမၩလိၪဖိၪၥံၪအၪမၬအဂးဆ့ မၩဆၧၩ့ဝ့ၫဒၪဒံၭဆ့လီၫႉ အဝ့ၫနီၪ ဘဲၫယီၩလအီၪလၧၩ့ဘၪလါနၫ့ မွဲဆုးထဲၩ့မၩဆၧၩ့ထၪ့ မိဆၧအီၪကီၪ့ၥၫ့ခၫကဂၩနီၪလီၫႉ ပဝ့ၫၥံၪ ပကအၪ့ကံၩ့ဘၩဆိၪဖၪအ့ၪအဝ့ၫအဂးလါဆံၭႉ မွဲလၧအဝ့ၫအကၠီၩ့ ဒိၩ့ပၥံၫ့ဆၧအီၪကီၪ့ဖၧၩ့ ၦမၩဆၧၩ့ထၪ့ ၦၡၪ့ၦယၬ Gioacchino foundation ယီၩ ဂဲၫအီၪထၪ့ဝ့ၫလီၫႉ” အဂဲး မွန်ဆီညှော်စံၭဝ့ၫဒၪ ဘဲၫနီၪအၥိၭလီၫႉ