ၦလၧဘၪထိး န့ၩခၠၧၫ့ဆၧလၩ့အၪ့ယိၪမံၩ့မံၩ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪမွဲဝ့ၫဒၪ ၦလၧဘၪထိး န့ၩခၠၧၫ့ဆၧလၩ့အၪ့ယိၪမံၩ့မံၩ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး အကၠီၩ့နီၪလီၫႉ န့ၩခၠၧၫ့ဆၧလၩ့အၪ့ယိၪဖၧၩ့ ၦလၧဘၪဆိၪခွံၬအဂံၪ့ဒီၪ့ဖိၪၥံၪလဖၪအဂး အဆၫ့လၧၫ့ထုၬ ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ လကၭဒ့ၭဘၪ ၦလၧၥံၫဖီၩ့ခွံၬလၧ န့ၩခၠၧၫ့ဆၧလၩ့အၪ့ယိၪဖၧၩ့ အဝ့ၫၥံၪအနးၥၭအဂး ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ ၦလၧလီၩပြံၭထဲၩၦၡၩအၥၭၥံၪလဖၪယီၩ ကဘၪဖီၪ့ထၪ့ဖံၭထၪ့ဆၧလၧ ဆၧယံၩၡီၩ့အကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ဝ့ၫနီၪလီၫႉ
န့ၩခၠၧၫ့ဆၧလၩ့အၪ့ယိၪကဲၪထၪ့ဂီၩ့အခံၫ့နီၪ အဝ့ၫၥံၪကအီၪအဂးႇ အဂံၪ့အီၪလၧအ့ၬႇ ကအၪ့အဂး ဆၧအီၪနးမံၩ့လၧအ့ၬႇ အဝ့ၫၥံၪဘၪဒၪဆၧၫ့ယၫ ထံၫတတုၬတနၭႇ မ့ၩတတုၬတနၭ အၪမၬဒ့ၭနီၪလီၫႉ လကၭဒ့ၭဘၪ ဆၧအအၧၩ့ထုၬနီၪ အဝ့ၫၥံၪအီၪဘၪလၧအဂံၪ့ဒီၪ့ဖိၪၥံၪလၧအ့ၬနီၪလီၫႉ ဆၧနီၪအကၠီၩ့ ၦလၧၥံၪဖီၩ့ခွံၬလၧ န့ၩခၠၧၫ့ဆၧလၩ့အၪ့ယိၪဖၧၩ့အဂးဒဲ ၦလၧဘၪဆိၪခွံၬဂံၪ့ဒီၪ့ဖိၪၥံၪလဖၪအဂး ၥၫ့ဎွၩလ့ၫအိၫ ဘၩဆိၪဖၪန့ဝ့ၫနီၪလီၫႉ အဲၪကွံၩဘၪထၧၫ့ဖုဝဲ ထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ
