SFX မံၭထၭမုၪလဖၪ ဒိၭန့ ဆၧအုၩ့လၩ့ လဆိလလးဒဲ လဆိၩၡၩအဂဲး

၂၀၂၆နံၪ့ လၩဖ့ၫဘြူၫအ့ၫရံၫ ၁ၥၫ့ လဂီၩ ၆:၃၀အခံၫ့နီၪ ဆၧမၩလၩမၩဖၩ့ SFX မံၭထၭမုၪလဖၪ ဒိၭန့ဆၧအုၩ့လၩ့ လဆိလလးဒဲ လဆိၩၡၩ မံဆၩဆၧလုထၪ့အီၪဝ့ၫဒၪလၧ စံၫ့ပံၫတၧၫ ကၥံၫဒရဲၫၥရိၬလးဝၩ့ဖၧၩ့နီၪလီၫႉ မံၭထၭမုၪလဖၪယီၩ ဒိၭန့ဆၧအုၩ့လၩ့လဖၪ လၧၥၫ့ခိၪဒိၪ Henryမၩ့အဲၪချဲၫ့အစူၪဖၧၩ့နီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ ၥၫ့ခိၪဒိၪ Henryမၩ့အဲၪချဲၫ့နီၪလီၫႉ

ၦလၧအလီၩလၩ့ဆၧၥၭထိၬပရၧၫ့နီၪ မွဲဝ့ၫဒၪ ကၫဒံၫနဲၫခၠၩစဘိၫနီၪလီၫႉ

“ကနံၩယီၩ ၦအဒိၭန့ဆၧအုၩ့လၩ့အဆိၫထုၬလဖၪ လၧဆၧအထၧးအလၧး လဂ့ၩဘၪအဖၧၩ့ မွဲကဆါယွၩကိၭနၥံၪနီၪလီၫႉ ၦဘၪစဲၪ့မံၩ့ဂၭဖျိၭအခံၫ့ႇ ပထံၪခးလၩ့လၧရၬဖၧၩ့အခံၫ့ နၥံၪဘၪထိးကိၭနၥံၪအၥၭ နၥံၪဘၪထိးရွံနၥံၪအၥၭနီၪလီၫႉ ဖိၪမုၪလၧကဒိၭန့ ဆၧအုၩ့လၩ့အဆိၪထုၬလဖၪဧ့ႇ နၥံၪအဆၧအုၩ့လၩ့ယီၩမွဲတၡါလီၫႉ ဆၧအုၩ့လၩ့ယီၩ ကဘၪကဲၪခိၭ ၥံၪ့ထံၭအၥိၭလီၫႉ ကဘၪဎိၩ့ထၪ့ဒိၪထၪ့ႇ ကဎိၩထၪ့ဒိၪထၪ့အဂး အခံၫ့ကလိၪဝ့ၫဒၪႇ ကဘၪထိးဆၧဆၧၩ့ဆၧခိႇ ကဘၪမၩလိၪဆၧၡၪ့ဆၧယၬအဂဲးလီၫႉ ထီလၧယၫကကဲၪဘဲၫၥ့ၪလဲၪအဂဲး နၥံၪလၥ့ၪယၫဘၪလါနၫ့ နၥံၪဆူနဲၩယွၩဂီၩ့ နၥံၪဖုၫလၩ့လၧဆၧအလးဖၧၩ့ယီၩလီၫႉ ထီမုဆၫကနံၩယီၩ ၦၡၩလဖၪ ၥၭမဲၪကၠၭဝ့ၫနီၪ မွဲလၧ ဆၧအုၩ့လၩ့လဂုးခၧၫ့ဘၪလီၫႉ လါနၫ့ ပဆူနဲၩဝ့ၫဒၪ ပယွၩနီၪ အဆၧအုၩ့လၩ့ ဂုးခၧၫ့ဝ့ၫဒၪ လဆိၩၡၩလီၫႉ နၥံၪအဆၧအုၩ့လၩ့လဖၪယီၩ ပဘၪနိၫ့ဘၪနၭလဖၪ မွဲနၪၥ့ၪထၪ့ဒၪဝ့ၫလါဆံၭႉ”

#rvapwokaren

#1.2.2026