စမၭၥုၫ (၂၄:၃၇-၄၄)
ဘဲၫစနိအၫအမုနံၩလဖၪအၥိၭနီၪ ၦၡၩအဖိၪခွၫအ့ၪဂဲၫလၩ့ခိၬတၭ,ဆၧမိမၩအၥၭဘဲၫနီၪအၥိၭလီၫ.- အဂဲးဘဲၫယီၩဘဲၫမုနံၩမုနၩလၧထံၫလချႃၭထၪ့ မၩလၩ့ဘံၭခွံၬဒံၭဘၪဆၧလဖၪအၥိၭနီၪ, ၦအၪ့ဆၧအီၩဆၧ,အီၪဎုၬလိၬအၥၭ, ဒုၭအီၪဎုၬလိၬအၥၭ ထီၩ့လၩ့လၧမုလနံၩ လၧစနိအၫလ့ၩနုၬလၧတလၫဖၭဒိၪအဖၧၩ့တၭ, လၥ့ၪယၫဘၪဝ့ၫ ထီးထံၫမၩလၩ့ဘံၭဆၧ ဂဲၫထၪ့ဝ့ၫနီၪ မၩဂၭဂီၩ့ခွံၬဆၧထီးအလူၬအၥိၭနီၪတၭ ၦၡၩအဖိၪခွၫ အဆၧဂဲၫလၩ့မိမၩအၥၭဘဲၫနီၪအၥိၭလီၫ. ထီးနီၪလဖၧၫ့ ၦခွၫအီၪဝ့ၫလၧဆံၬဖၧၩ့နံၫဂၩနီၪ, ဆၧမိမၩန့ဝ့ၫနးဂၩတၭ,အဝ့ၫလဂၩမိအီၪလၩ့ထးလီၫ.ၦမုၪဂူၬ ဆုၪ့ဂူၬနံၫဂၩနီၪ ဆၧမိမၩန့ဝ့ၫနးဂၩတၭ, အဝ့ၫလဂၩ မိအီၪလၩ့ထးဝ့ၫလီၫ.
မၩအၥၭဘဲၫနီၪတၭ, အီၪခိၭဆၧဆံၭ. အဂဲးဘဲၫယီၩ နၥံၪအကဆါ မိဂဲၫဝ့ၫနၩရံၩဘဲၫၥ့ၪလဲၪဘဲၫၥ့ၪလဲၪနီၪ,နၥံၪၥ့ၪယၫအ့ၬ. မွဲလါနၫ့ဘိၩ ၥ့ၪယၫအယီၩဆံၭ, ဂံၪ့ကဆါအ့ၪၥ့ၪယၫလၧ ဆၧအၪ့ဂူၪမိဂဲၫလၧၦခိၭဆၧ အဆၧၫ့အထီ နီၫလဲၪနီၫလဲၪနီၪ, မိအီၪခိၭဝ့ၫတၭ,မိဖ့ၪလၫ့ ဆၧဘုၪ့ဖိးအဂံၪ့အ့ၬ. မၩအၥၭဘဲၫနီၪတၭ, အီၪတဲၩ့ဝဲၩ့နၥံၪအၥၭဆံၭ. အဂဲးဘဲၫယီၩ, နၩရံၩလၧ နၥံၪလဆီၫ့မီၪ့ဘၪနီၪ, ၦၡၩအဖိၪခွၫမိဂဲၫဝ့ၫလီၫ.
