ဟၫ့နၫအဆၧၥ့ၪယၫ
ဟၫ့နၫနီၪ ဘဲၫအထံၩၥိၭလဖၪအၥိၭ မိမၩလဲၪ့ယဲးခၪ့အၥၫ့ကခိၪနီၪလီၫႉ ကနံၩအဝ့ၫ ထဲၩ့ထီၩ့လၧအဂံၪ့ကကၠၪ ဒၪဘၪအဖါအၪ့ထံၩ့အၪ့ဖီၪ့ဆၧ လၧဖၫခွၭဒူၭဖၧၩ့နီၪလီၫႉ အဖါနီၪ ဂဲၫထဲၩ့လၧအဆၧမၩလးဂီၩ့ လၧဆၧပွံၩဆၧထၩ့ၥၭဖၧၩ့ အၪ့ထံၩ့အၪ့ဖီၪ့ မုဂၫဆၧအၪ့အဂးနီၪ လီၫႉ
ဟၫ့နၫအမိမိနီၪဆ့ ကနံၩကနံၩ ဘၪဆၭဆၧဂီၩ့ ဘၪလီၩ့ဎွါကျိၪစ့ၩနီၪလီၫႉ အမိအဖါ နံၫဂၩယီၩ လၧအဝ့ၫၥံၪအဂံၪ့ဒီၪ့အဂး ဘၪထိးၡၪ့အၥၭနီၪ ဟၫ့နၫယီၩ ထဲၩ့ဒၪဝ့ၫဂီၩ့ကကၠၪ နၪၥ့ၪထဲၩ့ဝ့ၫလၧ အမိအဖါနံၫဂၩယီၩ ဘၪၡၪ့ဝ့ၫအကၠီၩ့ ၥၭနၪ့ခွံၬကမိၩမၩဘၪ လဲၪ့ယဲးခၪ့အ ၥၫ့ကခိၪအဂဲးနီၪလီၫႉ
ဂီၩ့နီၪအဝ့ၫယီၩ ယိထၪ့အလဲၪ့ယဲးခၪ့အလံၩနီၪဂီၩ့ နၪ့ထၪ့ထဲၩ့ဘၪ အလဲၪ့ယဲးခၪ့နီၪ လ့ၩၥိၫ့စိၩအဝ့ၫလၧ ဆၧမၩလိၪလးအဂဲးႇ မွဲလၧလဲၪ့ယဲးခၪ့ယီၩအကၠီၩ့ အဝ့ၫဂဲၫထဲၩ့မုၬလၩ ထၬဘၪအဂဲးလဖၪနီၪလီၫႉ ဂီၩ့အဝ့ၫယီၩ လ့ၩဖၧၫ့လ့ၬလၫ့ အလဲၪ့ယဲးခၪ့နီၪဂီၩ့ ယဲးလၪ့ဝ့ၫဒဲ လ့ၩဂၭကွ့ၩစိၩလၧ အထံၩအၥိၭလဖၪအအီၪနီၪလီၫႉ
ဟၫ့နၫယီၩနီၪ မွဲဖိၪလၧအၥ့ၪယၫဆၧကဂၩနီၪလီၫႉ လၧအဝ့ၫမိမၩဝ့ၫဆၧ ကမံၩ့မံၩ့ အဂး ထဲၩ့မၩခိမၩဝီၩအမိအဖါအ့ၬႉ ၥ့ၪယၫယူၭယၪ့အဲၪကွံၩမိဖါ ဖိၪၥၪမုၪဖိၪ လၧအၥ့ၪယၫ ဆၧကဂၩနီၪလီၫႉ
အ့ဖစၧၭ ၆:၁-၃
ဖိၪၥၪၥံၪဧ့ ခိၭနၪနၥံၪအမိအဖါအလူ လၧကဆါအဖၧၩ့ဆံၭႉ အဂဲးဘဲၫယီၩ ဆၧနီၪမွဲအတီၩ အလီၩ့လီၫႉ ယူၭယၪ့ နမိဒဲ နဖါဆံၭႉ ဆၧနီၪ မွဲဆၧမၪလူၬအခၪ့ထံၭလထံၪ လၧအအီၪလၧ ဆၧစံၭဝဲၩ့ ဘဲၫၥိၭနမိဘီၪထၪ့ ယီၫထၪ့ဒဲ နၥံၪအၥၭမိအီၪကိၩ့အီၪခိၭလၧဂၪ့ခိၪချိၫ့လီၫႉ
