ကဆါယွၩအဆၧကိၪ့နီၪ ဂ့ၩနဲၪပဆၧကိၪ့ဒံၭလီၫ

မုကနံၩယီၩ လၧၥၭဘၪ့အနိၫ့ဖၧၩ့ ယၧၩနးအဲၪဖီၫဘွၩ ယအဲၪဒိၭရၩလၩ့စိၩအ့ၪဘၪနၥံၪ ဆၧအဂဲး ဖိၪနီၪ မွဲလၧပလမိကဲၪထၪ့ဘၪလဖၪ ဂဲၫကဲၪထၪ့ဂီၩ့ ပမိကဲၪဝ့ၫလဖၪ လကဲၪထၪ့ ဘၪနးမံၩ့အဂး လံၬဆံၫ့ ဎံၫလီၩထၬပၧၩ ပၥ့ၪလဲၪအဂဲးနီၪလီၫႉ  ၦၡၩကိၭဂၩဒ့ၭ ဆၧဘဲၫယီၩ ၥိၭနီၪ မွဲပကဒၪဆၧၫ့ယၫယံၫယါနီၪလီၫႉ လၧပဆၧၥၭမၧၫ့အဖၧၩ့ ပမိကဲၪဝ့ၫဒၪလဖၪ လကဲၪ ထၪ့ဘၪႇ ပလမိကဲၪဘၪလဖၪ ဂဲၫကဲၪထၪ့ဝ့ၫဒၪႇ ပတဲၩ့ဝဲၩထၬဆၧလဖၪနီၪ လကဲၪထၪ့လၧၩ့ ဘၪနးမံၩ့ႉ ပကဲၪထၪ့ဘဲၫယီၩၥိၭအခံၫ့အဂး  ကဆါယွၩနီၪ လၧပဂးလီၩထၬအ့ၪပၧၩလံၬ ဆံၫ့ဎံၪအီၪဝ့ၫဒၪ ကဆၧၫ့နီၪလီၫႉ လံၬဆံၫ့ဎံၪနီၪ မန့လဲၪစွါဘဲၫ ယ့ၫရမဲအၫ ၁၉:၁၁နီၪလီၫႉ ကဆါယွၩစံၭဝ့ၫဒၪ အဂဲးဘဲၫယီၩ ယၥ့ၪယၫဆၧကိၪ့လၧယကိၪ့ထၪ့လၧနၥံၪအဂးႇ ဆၧကိၪ့ ဘၪဆဲၫ့လၧဆၧဘၪလိၬအိၭလိၬ ဘၪဆဲၫ့လၧဆၧအၧၩ့မွဲအ့ၬႉ ဘဲၫၥိၭယမိဖ့ၪလၫ့နၥံၪ အဆၧ အီၪလၧဆၧယိလါလီၫႉ

          ဘၪကကၠၪကၠၪ ပဆၧကိၪ့လဖၪနီၪ လဂ့ၩနၭဘၪဒဲ ကဆါယွၩ တဲၩ့ဝဲၩထၬန့အ့ၪပၧၩ ဆၧကိၪ့လဖၪနီၪ ဂ့ၩအၪနဲၪ့ဒံၭ ပဆၧကိၪ့လဖၪ အၪမၬဒံၭအဂဲးနီၪ ထီးၥၭနၪ့ကၠၭဘၪလဂ့ၩႉ အ့ၪမွဲ နၥံၪကဲၪထၪ့ ဘဲၫနီၪအၥိၭအခံၫ့ ထဲၩ့ဖီယိလံၬဆံၫ့ဎံၪယီၩဂီၩ့ အၪ့န့ထၪ့ထဲၩ့ နၥံၪအဂဲး အဘၭလါဆံၭႉ စံၭခိးစံၭတၩလီၫႉ