ခး Iraq အဂး ၦၡၩရွံထၪ့ ၥၫ့ဎွၩဒိၪ အၥီၫ့ ၥၫ့ခိၪဒိၪအၥၫ့အဂဲး

လၩအီၭတိၫဘၧၫ ၂၆ ၥၫ့ဒၪအိၩ ၥၫ့ခၫ Mirostaw Stanistaw Wachowski နီၪၦၡၩရွံထၪ့ ၥၫ့ဎွၩဒိၪ အၥီၫ့ ၥၫ့ခိၪဒိၪအၥၫ့နီၪလီၫႉ ၥၫ့ခိၪဒိၪအၥၫ့ ဆၧထိထၧၫ့နီၪ မွဲဝ့ၫဒၪ ‘Gloria Deo Pax Hominibus’ နီၪလီၫႉ ၥၫ့ခိၪဒိၪအၥၫ့ Mirostaw Stanistaw Wachowski လီၩထၬဆၧချဲၩ့အရ့ၩဎိၩထုၬ ကမံၩ့နီၪ ဆၧလၩ့ဆၫ့နီၪ ၥၫ့ခိၪဒိၪထီးလူၬအဂး မွဲဝ့ၫပၩရမံၫအဆၫ့လၧၫ့ထုၬနီၪလီၫႉ အဘိၫယီၩၦလၧကဲၪထၪ့ ၥၫ့ခိၪဒိၪအၥၫ့နီၪ နံၪ့ (၁၉၇၀)နံၪ့ အီၪဖျဲၪလၧ ခး Poland ဂီၩ့ နံၪ့ (၁၉၉၆) နီၪ ကဲၪထၪ့ၥၫ့ခၫနီၪလီၫႉ နံၪ့ (၂၀၀၄) နံၪ့နီၪ ဂဲၫထီၩ့လၧ Vatican ၥီၪ့လိၪၥၭ ဆၧမၩလိၪဂီၩ့ နံၪ့ (၂၀၁၉) နံၪ့နီၪ ခးထီးလူၬအဂး ဘၪမၩၥၫထနၫဆၧမၩလၧရိၩ့နီၪလီၫႉ အဝ့ၫမၩၥၫထနၫဆၧမၩ ကန့ဂ့ၩဂ့ၩဘၪဘၪအဂး ပကဘၪဘၩဆိၪဖၪန့ကိၭဂၩအကၠီၩ့ အၪ့က့ၩထၬ ဆၧဘၩဆိၪ ဖၪလၧပအီၪကိၭဂၩနီၪလီၫႉ