ၥၫ့ဎွၩဒိၪ Leo XIV အလံၬဆိၫ့ဂ့ၩဆိၫ့ဘွၩ

လၧ၂၀၂၅နံၪ့ လၩအီတိၫဘၧၫ ၁၉ၥၫ့ ၦမၩလၩမၩဖၩ့ ဂၪ့ခိၪထၧၫ့ဘံၪ့ယၫ ၦဆိၬၥၫထနၫ လဖၪအဘိၪ့မုနံၩဖၧၩ့ၥၫ့ဎွၩဒိၪ Leo XIV လီၩလၩ့လၬလၩ့ဝ့ၫဒၪ အခိၪတၩ့ဘၪထွ့ၫလၧ “ဆၨၩခ မျၧးလဖၪအကျၩ ဆၧယိလါလၧၦဆိၬၥၫထနၫ”အဂဲးနီၪလီၫႉ လၧဆၧထံၪလၩ့ဒီၪလၩ့ဖၧၩ့ယီၩ ဂၪ့ခိၪထၧၫ့ဘံၪ့ယၫ ကၭၥလံၬၥရိၬလဖၪ ကပၪကၠၭဝ့ၫဒၪအဂး ၥၫ့ဎွၩဆၫ့ထွ့ၫဘၪနီၪလီၫႉ

လၧၥၫ့ဎွၩအဆၧဂၩ့မၧၫ့ဖၧၩ့ ၥၫ့ဎွၩယီၩစံၭဝ့ၫဒၪနီၪဘိၭ လၧအဝ့ၫအလးလၩ့ဒၪလၧ ပီရူး ထံၪခးဒၪအိၩ အဝ့ၫကဲၪဘိၪ့ခိၪၥၫ့ခၫဒဲ ၥၫ့ခိၪဒိၪအခံၫ့ ဖီၪ့ထၪ့ဖံၭထၪ့ယွၩအဆၧဖံၭဆၧမၩအထီ အဝ့ၫဂဲၫထဲၩ့န့ဘၪထၬ ဆၧမၩဆၧၩ့ အဂဲးအဖးလဖၪႇ ၦဆိၬၥၫထနၫလဖၪဒဲ အဝ့ၫၥံၪအဆၧ ဖံၭဆၧမၩလဖၪအဂး ကၭၥလံၬဆၧအီၪကီၪ့ထၧၫ့ဘံၪ့ယၫယီၩ အၪ့ကံၩ့ဘၩဆိၪဖၪအ့ၪဝ့ၫဒၪ အဂဲး ၥၫ့ဎွၩစံၭဝ့ၫဒၪ ဘဲၫယီၩအၥိၭနီၪလီၫႉ