ဆၧၥၭမဲဆၧဒဲ ဆၧလၩ့ဆၫ့ အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪ  မွဲဝ့ၫဒၪ  ဆၧၥၭမဲၫဆၧဒဲ ဆၧလၩ့ဆၫ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး အကၠီၩ့နီၪလီၫႉ ၥၫ့ဎွၩလ့ၫအိၫ ဘၩဆိၪဖၪန့ ဆၧအဂဲးနီၪ မွဲဝ့ၧဒၪ ကဆါယွၩဧၪႇ နၩယီၩမွဲဝ့ၫဒၪ ပၥၭမၧၫ့ႇ မွဲဝ့ၫဒၪ ပၥိၭႇ နကဒၪခီၩ့လၧ နဖိၪနလံၩၥံၪအဂး ဆၧပွံၩနၥၭအီၪနးကၠၪအ့ၬႇ ပယိလါ နဆၧမုၬဆၧၡူၪ အၪမၬဒ့ၭနီၪလီၫႉ

ဂၪ့ခိၪဖိၪၥံၪကိၭဂၩနီၪ ကဂၩဒဲကဂၩ မွဲဝ့ၫဒၪ ထၧၫ့ဖုထၧၫ့ဝဲထီးအလူၬနီၪ ၥၭနၫ့ဝ့ၫဒၪနီၪလီၫႉ ဆၧနီၪအကၠီၩ့ ဖ့ၪလၫ့အ့ၪပၧၩ ၥၭမုဆ့ၫ့ဎံၫဂီၩ့ အၪ့လဲၩထၪ့အ့ၪပၧၩ ပၥၭခံဖၧၩ့ႇ လဂၩဘၪလဂၩ ခိၭနၫလိၬၥၭႇ နၫၥ့ၪလိၬၥၭႇ ယူၭယၪ့လိၬၥၭ ကအီၪအဂး ပအၪ့က့ၩဘၩဆိၪဖၪလၧ နအီၪနီၪလီၫႉ လကၭဒ့ၭဘၪ လဂၩဘၪလဂၩ လူအၪချဲၩ့အၪလိၬၥၭဒဲ လၩ့ဆၫ့လိၬၥၭအီၪထီးလူၬနီၪ ပဝဲထၪ့ပၥၭခံဖၧၩ့ဂီၩ့ ပကၧၩကၩဎိၭလၩ့လိၬၥၭကန့အဂး ဖ့ၪအ့ၪပၧၩ အခိးအတၩလါဆံၭႉ

လဂၩဘၪလဂၩ ဆၧယၫ့ၥုၪယၫ့ၥၭကအီၪအဂးမွဲဂ့ၩႇ ဂၪ့ခိၪဖိၪၥံၪအဂး ဆၧၡူၪဆၧမုၬကန့အဂးမွဲဂ့ၩ မၩဆၧၩ့ပၧၩလါဆံၭႉ ဆၧအယီၩနီၪ မွဲဝ့ၫဒၪ ၥၫ့ဎွၩလ့ၫအိၫ ၁၄ ဂၩလဂၩ အဆၧဘၩဆိၪဖၪနီၪအကၠီၩ့ ယရၩလၩ့န့အ့ၪဘၪ နၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ