ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ  အဆၧၥီၪ့ဆၧၥၫ့နီၪမွဲဝ့ၫဒၪ ဂံၪ့ဒီၪ့ဖိၪၥံၪအဂး ပကဘၪကဲၪ ၦမၩယၪဖိၪအဂဲး အကၠီၩ့နီၪလီၫႉ ဂံၪ့ဒီၪ့ဖီၪၥံၪကိၭဂၩ ကဒၪခီၩ့ဘၪလၧ ကဆါဎြံၬအဂး ၥၫ့ဎွၩလ့ၫအိၫ ကိၭဖံၭၥိၭဆၧနီၪလီၫႉ ကၠဲၬနီၪအီၪကိၭဒီၪ့ ပၥၭခံဖၧၩ့ ပစီၪထၬစွါဘဲၫ ပဆၧဆူၩနဲၩနီၪ ကကဲၪထၪ့ဒၪ ပနၫ့ဆါနီၪလီၫႉ ဆၧမုၬဆၧလၩ အၡါမၪနီၪ ပကန့ထၪ့ဘၪလၧ ဆၧဆူနဲၩ့ဖၧၩ့နီၪလီၫႉ နၥံၪကဘၪၥ့ၪယၫ ကဆါဎြံၬ အဆၧအဲၪဆၧကွံၩဂီၩ့ နၥံၪကဖံၭၥိၭလိၬၥၭလၧ ၦဂူၫဂၩစွါဘဲၫ ဆၧအယီၩနီၪ မွဲဝ့ၫဒၪ ဆၧဆူၩနဲၩနီၪလီၫႉ

ဂံၪ့ဒီၪ့ဖိၪၥံၪ ကဘၪမၩဆၧမၩလၧ ၥၫထနၫဖိၪၥံၪကၠၧၫ့ကၠၧၫ့နီၪလီၫႉ အနီၪမၬ ဂံၪ့ဒီၪ့ဖိၪၥံၪအဂး ကကဲၪထၪ့ဘၪ ၦမၩယၪဖိၪ နီၪလီၫႉ အရ့ၩဎိၩထုၬနီၪ ဂံၪ့ဒီၪ့ဖိၪၥံၪႇ ၥၭဘၪ့ဖိၪၥံၪ ထီးလူၬနီၪ ကဘၪကဲၪထၪ့ ဘုၭထဲးလၧ ကဆါယွၩနီၪလီၫႉ ၦလၧစဲၪဖၬခွံၬဝ့ၫဒၪလၧ ပၥၫထနၫဖၧၩ့ယီၩအီၪအၪမၬဒ့ၭ အကၠီၩ့ ပကဘၪလၩ့ဎွါအဝ့ၫၥံၪ ပတၩလၫ့အီၪနီၪလီၫႉ အဝ့ၫၥံၪ အဆၧကၪဆၧဂဲၩႇ အဝ့ၫၥံၪအၥၭခံဖၧၩ့ ဘၪမနီၪလဲၪနီၪ ယကယိဂ့ၩယိဘၪဂီၩ့ ပကဘၪဂဲၫထဲၩ့ကိၭန့လၧ ၥၫထနၫဂံၪ့ဒီၪ့ဖၧၩ့နီၪလီၫႉ

ပကဘၪဖ့ၪအ့ၪအဝ့ၫၥံၪ ဆၧဆူၩနဲၩနီၪလီၫႉ ဆၧအယီၩနီၪ ဂံၪ့ဒီၪ့ဖိၪၥံၪအဂး မွဲဝ့ၫဒၪ ၦဖီၪ့ယၪဆၧဖိၪၥံၪနီၪ အကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩထၬဝ့ၫဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ  ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ