၁ႉ ဘဲၫဆၧဆုးကျိၭလိၭၥၭအဂ့ၩကကဲၪထၪ့အဂး အဆိၪထုၬလိၪဝ့ၫဒၪနီၪ မွဲလၧ ပကဘၪဆုးကျိၭလိၭၥၭ ပျၩ့ပျၩ့နီၪလီၫႉ ဆၧဘံၪၥူၫလအီၪဘၪနးမံၩ့ ဆၧဆုးကျိၭနီၪ မွဲအရ့ၩဒိၪဝ့ၫဒၪဆၧအဂဲး ကမံၩ့နီၪလီၫႉ
၂ႉ ဆၧခိၭနၪဒဲ ဆၧထိးဘၪၥၭ
ဆၧဆုးကျိၭလိၭၥၭကမံၩ့အဖၧၩ့ ၦနံၫဂၩယီၩ ကဂၩဘၪကဂၩအဝ့ၫၥံၪဘၪဒၪဆၧၫ့ယၫ ဆၧကၪဆၧဂဲၩလဖၪနီၪ လီၩၥ့ၪယၫအ့ၪ လိၭၥၭလါခီၫလါဘၩဒဲ ခိၭနၪအ့ၪလိၭၥၭနီၪ ဆၧဆုးကျိၭအဂးအဂ့ၩထုၬဆ့နီၪလီၫႉ ကဂၩဘၪကဂၩ အဆၧထိးဘၪၥၭလဖၪႇ အဆၧလိၪလဖၪနီၪ အ့ၪမွဲပကယိဖၬခွံၭလိၭၥၭစွါဘဲၫ ကဲၪထၪ့ဘဲၫ ဆၧယူၭယၪ့လိၭၥၭလအီၪဘၪဒဲ ပဆၧဆုးကျိၭယီၩဆ့ မွဲကဂဲၫအၧၩ့နၭထၪ့နီၪလီၫႉ
၃ႉ မၩပျၩ့ခွံၬဆၧကၪဆၧဂဲၩလဖၪကၠၧၫ့ကၠၧၫ့
လၧဆၧအဲၪတၩ့လဖၪအကျၩ အ့ၪမွဲဆၧကၪဆၧဂဲၩအီၪထၪ့ကမံၩ့မံၩ့အထီ လမၩပျၩ့ခွံၬဘၪဝ့ၫကၠၧၫ့ကၠၧၫ့ဒဲ အကဂၩနီၪအ့ၪမွဲ ကဎဲၫဒၪခွံၬပၧၩစွါဘဲၫ ဆၧဆုးကျိၭလိၭၥၭအယီၩနီၪ မွဲကဆၧၫ့ထၪ့နီၪလီၫႉ ၥၭလဘၪလၩ့ဎိၭဘၪဆၧအဂဲးလဖၪနီၪ ပၥိၭနံၫဂၩ ယီၩ ပကလီၩပျၩ့ဖ့ၪနဲၪလိၭၥၭဂ့ၩဂ့ၩဘၪဘၪနီၪ မွဲလၧအဂ့ၩထုၬနီၪလီၫႉ
၄ႉ ကဂၩဒဲကဂၩကဘၪအီၪ လၧၥုၪ့ထံးၥၭထံးအဖၧၩ့
ကဂၩဘၪကဂၩ ပဘၪပၥၭလဖၪႇ ပလဘၪဘၪပၥၭလဖၪနီၪ ပကဘၪလီၩအ့ၪလိၭၥၭပျၩ့ပျၩ့ဂီၩ့ ပကဘၪခိၭနၪလိၭၥၭဒဲ ပက ဘၪအီၪ ၥုၪ့ထံးၥၭထံးနီၪလီၫႉ
၅ႉ အီၪက့ၪထၬ ဆၧဆူၩနဲၩ
အယီၩနီၪ ယဆၧအဲၪတၩ့လီၫအဂဲး ကဂၩဘၪကဂၩ ပလီၩၥ့ၪယၫထၬအ့ၪ ပမိဖါဘူၭထံးလဖၪဂီၩ့ ပဖ့ၪအီၪအဝ့ၫၥံၪဘူၭဘူၭ ထံးထံးနီၪဆ့ မွဲလၧပၥုၪ့ထၪ့ဆၧဆူၩနဲၩကမံၩ့နီၪလီၫႉ ပကလီၩ့ပဒၩ့လိၭၥၭ မၩထံၩမၩၥိၭလိၭၥၭလၧ ၦအနီၪလဂ့ၩ ၦအယီၩလဂ့ၩ နီၪ မွဲကမၩကဲၪထၪ့ဒၪ ဆၧအအၧၩ့လဖၪလီၫႉ
ကဲ မွဲယူၭ ၥၭဘၪ့ဖိၪကိၭဂၩဒ့ၭ မွဲဒၪခီၩ့ဘၪလၧ ၦအအီၪက့ၪပလူဒိၪဎွ့ၩဒိၪလဖၪဂီၩ့ ဆၧအဲၪဆၧကွံၩလဖၪ မွဲအီၪဘၪဒၪဝ့ၫ ကိၭဂၩဒ့ၭလါဆံၭႉ