ကနံၩနီၪတၭယဝဲထၪ့facebookဂီၩ့ယယိမိအခၪယဒၪလံၬအဘျံၪ့တၭယဖီႉလံၬဖၧၩ့ကွံၩထၬဝံၫနီၪမန့လဲၪအဂဲးနီၪယကလီၩ့ဖ့ၪနဲၪအ့ၪဘၪနၥံၪကနံၩယီၩနီၪလီၫႉလံၬဖၧၩ့နီၪကွံၩထၬဝ့ၫနီၪမွဲဝ့ၫဒၪလၧ ဂံၪ့ဒီၪ့အခိၪအနါဝၩကဂၩနီၪကမိလၩ့ဖၭလၧအဝ့ၫအမၫနီၪလီၫႉ ကနံၩတၭလီၩအမၫလီၫယမိအီၪဎုၬကၠၧၫ့ကၠၧၫ့လၧနၩလၩ့အ့ၬ ယမိလၩ့ဖၭလၧနၩယူၭႉအမၩကဂၩနါဂၪ့ဆၧချဲၩ့ဂီၩ့ လီၩထဲၩ အဝၩ နးမံၩ့အ့ၬႉလါနၫ့အမၫနီၪထဲၩ့ထီးလၧ အလးမံၪအခံၪ့ စၭထၪ့ဂၪ့နီၪလီၫႉ လခဲၪ့ကနံၩ့ အမၫနီၪ အၪ့ကံၩအဝၩဆၧကမံၩ့နီၪလီၫႉ အဝၩနီၪ ဆီၫ့မီၪ့ဝ့ၫ အမၫနီၪ ကအၪ့ကံၩအဝ့ၫ ကျိၪစံၩၥံၪလဖၪနီၪလီၫႉ လါနၫ့အမၫနီၪ လီၩအဝၩအ့ၪနမိလၩ့ဖၭစွါဘဲၫခိၭလၩနးဘျံၪ့ႉဘဲၫနီၪလဲၪစွဲဘဲၫ နးဖိၪခွၫ အဆၧမၩလိၪကဂီၩ့လီၫအ့ၪပဂံၪ့ဒီၪ့လၩ့ဖၭဂီၩ့ ပလအီၪလၧဧၪကၠၧၫ့ကၠၧၫ့ အခံၪ့ပဖိၪခွၫအ့ၪၥ့ၪယၪစွါဘဲၫပဖိၪခွၫအၥၭဘၪထံၭဂီၩ့ကလၩ့ထ့ၭဆၧမၩလိၪအကၠီၩ့နီၪလီၫႉ အဝၩအၪ့စၧၫ့ထဲၪ အနီလီၫဧၪႇ အီၪထးကမံၩ့ဒံၭ အနီၪမန့လဲၪစွါဘဲၫ လၩကဘျံၪ့အဖၧၩ့ နကဘၪယိဂ့ၩယိဘၪယၪႇ နဖိၪခွၫအမ့ၬယၪကဘၪကျဲၩ့အဲၪယၩနီၪလီၫႉ အမၫနီၪချဲၩ့ဂီၩ့ ထဲၩ့လီၫႉ အဝၩနီၪ ခိၭနၪအမၫအဆၧချဲၩ့ဂီၩ့ အီၪဝ့ၫဘဲၫအမၪအဆၧချဲၩ့အၥိၭနီၪလီၫႉ ကနံၩနီၪတၭအဖိၪခွၫနီၪဒၪအမိအဖါအဲၪကွံၩလိၭၥၭအကၠီၩ့အၥၭဎွံၪအၪမၬ နီၪလီၫႉ ယံၭလၧကကၠၪ အဝၩနီၪ အၥၭဖၧၩ့ အဲၪထဲၩ့အမၫနီၪလီၫႉ လယံၭဘၪအထီး အမၩလီၩထၬလၩကဘျံၪ့နီၪ ထၪ့ဘၭယူၭနီၪလီၫႉ ဘၪယိဂ့ၩယိဘၪအမၫကိၭနံၩအကၠီၩ့ ၥံၪယၪအဲၪထဲၩ့အမၫနီၫလီၫႉ ကနံၩတၭဝၩလဂၩ အဆၧမၩဆဲၫလၩ့ဂီၩ့ ထဲၩ့ထီၩလၧ အဂံၪ့အခံၪ့ ကထဲၩအၪ့ယၪထဲၩအမၫ ကအီၪဎုၬထဲၩ့လၧအမၫထၧၩ့ အဝ့ၫၥံၫ မိလၩ့ဖၭလၧအမၫလၫ့အ့ၬအကၠီၩ့ အၪ့ဎၬဝံၫဂီၩ့ထဲၩ့ထီၩလၧ အဂံၪ့အခံၪ့အမၫနီၪအၥၭအီၪလၩ့အ့ၬႉ အနီၪအခၪ အဝၩနီၪ အၥၭဘၪထံၭအၪမၬနီၪလီၫႉ ဆၧနီၪအကၠီၩ့ ပအဲၪအကၠီၩ့ ပမၩန့ထၬပမၫယီၩ ပကဘၪအဲၪထၧးပၥံၫအကၠီၩ့ ကဆါယွၩအဆၧမၪလူၬအီၪနီၪပကဘၪၥံၪယၪနီၪလီၫႉ အ့ၪၥံၪဒၪပၧၩကနံၩမၬ ပန့ဘၪဆၧနီၫရါနီၪ ဆၧဂံၩနးမံၩ့အ့ၬႉ အ့ၪပၥၭမၧၫ့ပၥၭအီၪဒံၭအထီ ထၧၫ့မၫဝၩၥံၪယီၩ ကဘၪအဲၪကွံၩလိၭၥၭ ကဘၪယိခွါလိၭၥၭ ကဘၪနၪၥံၪလိၭၥၭနီၪလီၫႉ