ပကဲၪၦၡၩအၪဒၪဆၧနီၪ ပလီၩယံၩယါဆၧ ဆၧၥၭအီၪနီၪ ကြၨၭလၧၦၡၩကိၭဂၩအ့ၬ ဆၧချဲၩ့အယီၩ ပချဲၩ့ခိၭမၬခိၭမၬမွဲအ့ၬဧၪႉ ပမၩဆၧၩ့စိၩၦၡၩကမံၩ့မံၩ့ဂီၩ့ ၦၡၩနီၪအ့ၪမွဲလလီၩ ဂ့ၩဘၪပၧၩမွဲဂ့ၩႉ ပဆၧမၩဆၧၩ့လိၪထဲၩ့ကကၠၪမွဲဂ့ၩ ဘဲၫပယိလါထၬအၥိၭ အဝ့ၫအအီၪ အ့ၪမွဲပလန့ထဲၩ့ ဘၪဆၧမၩ ဆၧၩ့စွါဘဲၫ ပစီၪဘၪမၪအဝ့ၫၥံၪယူၭႉ အဝ့ၫဒၪအိၩခီၫ ယဘၪဂဲၫ ထဲၩ့မၩဆၧၩ့ထၬ လၩ့လၧယၧၩခီၫ ယအၪ့ကံၩ့အဝ့ၫ ဆၧမၩဆၧၩ့န့အ့ၬႉ အဝ့ၫမၩၥ့ၪယၫအၥၭ အ့ၬႉ ပစီၪဘိၩနီၪဂီၩ့ ပၥၭဖၧၩ့ကဲၩ့လၫ့ဒၪပၧၩဂီၩ့ ပၥၭဘၪထံၭဆၫမွဲအ့ၬဧၪႉ အနီၪဘိၭ ဘိၩ ယီၩ ယကဖီန့အ့ၪနၥံၪ လံၬဖုၫခိၭဖိၪကဆံၭႉ ၦလၧအကွ့ၩထၬလံၬယီၩနီၪမွဲလၧ (ဟမ်စိုင်း (ဆေး-မန်း)နီၪလီၫႉ
အဝ့ၫယီၩကွ့ၭထၬဝ့ၫဘဲၫၥီၪ့ၥၫ့အဖုမုၪအၥိၭဘီၪနဲၪႉ ကဲဘဲၫယီၩယကဖီလၩ့န့အ့ၪ ဘၪနၥံၪနဲၪႉ
“ဆၧၥၭအီၪလၧအကြၨၭၦထီးလူၬ”
“ဆၧၥၭအီၪနီၪ ကြၨၭလၧၦၡၩကိၭဂၩအ့ၬဘိၩဧၪ ဖုဒ့ၩမုၪဧ့ႉ စီၩနီၪ စီၪဝ့ၫဘနီၪအ့ၬႉ နဖ့ၪလၫ့အဝ့ၫ ဆၧၥၭအီၪလဖၪအထီ အဝ့ၫအီၪ ကဂဲၫထဲၩ့ထဲၩ့ ဆၧအဂ့ၩ ဆၧအအၧၩ့ လဖၪနီၪ နကဘၪယိဖၭခွံၬဘီၪႉ အ့ၪပဖီၪ့ထၬ ဆၧယိဖၭခွံၬဂီၩ့ ဆၧယိလါလအီၪဘၪနးမံၩ့ ဆၧၥၭအီၪနီၪ ကကြၨၭလၧၦၡၩကိၭဂၩလီၫ ဖုဒ့ၩမုၪဧ့ႉ”
အဝ့ၫယီၩ မိလီၩဝ့ၫဒၪနီၪ အ့ၪပမၩဆၧၩ့ ၦၡၩကမံၩ့မံၩ့ဂီၩ့စွါဘဲၫ အဝ့ၫအအီၪ ဆၧအဂ့ၩမွဲဂ့ၩ ဆၧအအၧၩ့မွဲဂ့ၩ ပယိလါထဲၩ့ဘၪနးမံၩ့အ့ၬႉ ပမၩဆၧၩ့ဂီၩ့နီၪ ပကဘၪယိဖၭ ခွံၬလီၫႉ အနီၪစွါဘဲၫ ပဆၧၥၭအီၪနီၪ ကကြၨၭလၧၦၡၩကိၭဂၩဒ့ၭလီၫႉ အ့ၪပကအီၪက့ၪထၬ ဆၧယိလါကမံၩ့မံၩ့နီၪဘိၭ ပဆၧၥၭအီၪယီၩ မွဲကကဲၪထၪ့ အကြၨၭလၧၦၡၩကိၭဂၩအ့ၬႉ