လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪဘၩဆိၪဖၪန့ ဂံၪ့ဒီၪ့ဖိၪၥံၪကိၭဂၩအဂး အဂဲးအကၠီၩ့နီၪလီၫႉ ပအီၪၥၭမၧၫ့လၧ ဂၪ့ခိၪဖၧၩ့ယီၩ ဂံၪ့ဒီၪ့ဖိၪလနၩ့နၩ့နီၪ အီၪဘၪလၧ ဆၧမုၬဆၧလၩ လၧၫ့လၧၫ့ဎွ့ၩဎွ့ၩဂီၩ့ လနၩ့နၩ့နီၪ ဘၪအီၪၡၪ့ၡၪ့ယါယါအီၪအၪမၬဒ့ၭနီၪလီၫႉ အၡါမၪနီၪအဝ့ၫၥံၪ ကအီၪဘၪလၧ ဂံၪ့ဒီၪ့ဖိၪၥံၪ လၧၫ့လၧၫ့ဎွ့ၩဎွ့ၩအဂး ဆၧယိလါ အီၪကိၭဂၩလါနၫ့ႇ လကဲၪထၪ့ဘၪနီၪလီၫႉ
အဲၪကွံၩဘၪထၧၫ့ဖုဝဲ ထံၩၥိၭထီးအလူၬၥံၪဧ့ႇ နံၪ့ (၂၀၂၅) နံၪယီၩ ၥၫ့ဎွၩဖရၫ့စ့ၭ ဘၩဆိၪဖၪန့ ဂံၪ့ဒီၪ့ဖိၪၥံၪလၧလၩ့ဖၭႇ ဂံၪ့ဒီၪ့ဖိၪၥံၪလၧ ဘၪထိးမၩနၧၩ့မၩစၪၥၭႇ ဂံၪ့ဒီၪ့ဖိၪၥံၪလၧ ဘၪထိး ဆိၫ့ခွံၬအဖိၪမုၪဖိၪခွၫ ႇအမိအဖါၥံၪ အဂးနီၪလီၫႉ ဂံၪ့ဒီၪ့ဖၧၩ့ ပကဒၪဘၪ လၧခဲၫ့ ဆၧကၪဆၧဂဲၩကမံၩ့နီၪ လဂၩဘၪလဂၩ အဆၧအီၪက့ၪၥုၪ့အီၪက့ၪၥၭ ဘၪဆုးလိၬၥၭလအီၪဘၪနီၪလီၫႉ ဆၧအယီၩနီၪ ခီၫလၧ ပဂဲၫၥၭမၧၫ့အခံၫ့ဒၪအိၩ ဂဲၫပၫထၬနီၪလီၫႉ ဆၧနီၪအကၠီၩ့ အ့ၪပကဲၪထၪ့ ဂံၪ့ဒီၪ့ဖိၪၥံၪနီၪ ပကဘၪ နၫၥ့ၪလိၬၥၭနီၪလီၫႉ
အဲၪကွံၩဘၪထၧၫ့ဖုဝဲ ထံၩၥိၭထီးအလူၬၥံၪဧ့ႇ ပမၩဘၪထံၭဘၪဆၫလိၬၥၭ ဆၧကမံၩ့မံၩ့စွါဘဲၫ ပကဘၪဖျါဖျ့ၭခွံၬလိၬၥၭ အဆၧမၪနီၪလီၫႉ ဘၪမနီၪလဲၪစွါဘဲၫ ကဆါယွၩနီၪ အၥၭဆၧၩ့ပၧၩႇ ဖျါဖျ့ၭခွံၬပဆၧမၬဂီၩ့ ပကအီၪထဲၩ့ဘၪလၧ ၥၭမၧၫ့အၥၫ့အဂး ဖ့ၪအ့ၪပၧၩ အခွးအယါအမံၩ့မံၩ့နီၪလီၫႉ ဆၧနီၪအကၠီၩ့ ပကဲၪဂံၪ့ဒီၪ့ဖိၪၥံၪယီၩ လဂၩဘၪလဂၩ ပကဘၪ ဖျါဖျ့ၭခွံၬလိၬၥၭ ဆၧမၪနီၪလီၫႉ အဲၪကွံၩဘၪထၧၫ့ဖုဝဲ ထံၩၥိၭထီးအလူၬၥံၪဧ့ႇ ဂံၪ့ဒီၪ့ဖိၪၥံၪ လဂၩဘၪလဂၩ ဖျါဖျ့ၭခွံၬလိၬၥၭ ဆၧမၪန့စွါဘဲၫ အဝ့ၫၥံၪ ကအီၪၥၭမၧၫ့ဘၪလၧ ဆၧမုၬဆၧလၩႇ ကအီၪၥၭမၧၫ့ဘၪလၧ ဆၧယိလါကိၭနံၩနီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ