လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ကဆါယွၩအလူၬအထၫနီၪ ပကဘၪ မၩဖျီၪထၪ့လၧ ပၥၭခံဖၧၩ့ အဂဲးအကၠီၩ့နီၪလီၫႉ ပဖီလံၬဆံၫ့ဎံၪဂီၩ့ ပဆီၫ့မီၪအၪ့ဎၬဆၧႇ ပမၩထၪ့ ဆၧဘၩဆိၪဖၪစွါဘဲၫ ဆၧအယီၩၥံၪ ထီးအလူၬနီၪ ကအီၪလၧ ဎရံၬဖိၪၥံၪ အၥၭခံဖၧၩ့နီၪလီၫႉ လကၭဒ့ၭဘၪႇ ဆၧဖံၭထံၩဖံၭၥိၭကအီၪလၧ ကဆါယွၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧဆၧဘၩဆဲၪဖၪနီၪ အီၪလၧဎရံၬဖိၪၥံၪအၥၭခံဖၧၩ့ဂီၩ့ လ့ၩထဲၩ့လၧ ဎရံၬဖိၪၥံၪကၠၧၫ့ကၠၧၫ့နီၪလီၫႉ ဆၧလၧပကဲၪဎရံၬဖိၪၥံၪနီၪ ပကဘၪအီၪၥၭမၧၫ့လၧ လံၬဆံၫ့ဎံၪ ပကဘၪအီၪၥၭမၧၫ့လၧ ကဆါယွၩအလူၬအထၫ ကိၭနံၩနီၪလီၫႉ ဆၧအယီၩနီၪဎရံၬဖိၪၥံၪ အီၪၥၭမၧၫ့ထၧၫ့ဘီၩ့ယၫအဂး မွဲဝ့ၫ အရ့ၩဎိၩထုၬနီၪလီၫႉ ဆၧဆူၩနဲၩဆၧထိစိၩနီၪ ၦဂူၫဂၩကၥ့ၪယၫ ကဆါဎြံၬအဂး ပကဘၪတရါလၩ့ ဆၧပရၧၫ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကဲၪဎရံၬဖိၪၥံၪယီၩ ပကဘၪဖီလံၬဆံၫ့ဎံၪႇ ပဘၩဆိၪဖၪဆၧဂီၩ့ ပအီၪၥၭမၧၫ့လၧ လံၬဆံၫ့ဎံၪစွါဘဲၫ ပၥၭခံဖၧၩ့ ပကန့ထၪ့ဘၪ ဆၧအခိးအတၩအၪမၬဒ့ၭအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ