ၦၡၩကဒိၭန့ဘၪ ဆၧထိးထဲၩ့တၩ့ထဲၩ့အဂးႇ ၦၡၩကဘၪဆူနဲၩယွၩႇ ဒဲယွၩအလူအထၫလဖၪနီၪလီၫႉ ကဆူနဲၩကမံၩ့နီၪ မွဲအီၪဂဲၫလၧယွၩအအီၪတၭႇ မွဲဝ့ၫဒၪယွၩအခိးအတၩလီၫႉ လၧဆၧၥၭထိၬပရၧၫ့ဖၧၩ့ ယ့ၫၡူၬစံၭထၬဝ့ၫႇ ယဖါအ့ၪလဒုၭဂဲၫဘၪၦၡၩလၧယအီၪတၭႇ ၦဂဲၫထီၩ့ဝ့ၫၥ့ၪနးဂၩအ့ၬႉ

ယွၩနီၪ ၥ့ၪဆၧထီးလူၬလီၫႉ နၫ့ဆါၥၧၫ့ဂၩယွၩကဂၩအဂဲးႇ ယွၩမၩတဲၩ့ဆၧဘဲၫၥ့ၪလဲၪႇ ယွၩအီၪၥူၫၥၭ လၧကိၪဘိၪ့ဆံၫ့ဎံၪအဖၧၩ့ဘဲၫၥ့ၪလဲၪႇ ပနၪၥ့ၪလၧၫ့လၧၫ့ဎွ့ၩဎွ့ၩန့နးဂၩအ့ၬႉ အ့ၪပဒၪလၧပမ့ၬၥၪမၬႇ အ့ၪပနါဂၧၫ့ဘၪပနါမၬႇ အ့ၪပထိၭဘၪလၧပစူၪမၬႇ ပဆူၩနဲၩႇ ပကထိးဆၧၫ့စွါဘိၩ မွဲပကထီၩ့လၧဆူနဲၩအလးၥ့ၪနးကၠၪအ့ၬႉ အၪဒၪဆၧႇ ဆၧလၧပဒၪၥ့ၪႇ ပနါဂၧၫ့ဘၪႇ ပဒိၭန့လၧပစူၪနီၪ ဆၧဖံၭဆၧယၫလီၫႉ ယွၩအလူအထၫ မွဲဝ့ၫဒၪၥၭဒဲဆၧမၧၫ့လီၫႉ

ၦၡၩအ့ၪကၠၪဒိၭချိၫ့အၥၭ လၧယွၩအလူအထၫစွါဘိၩႇ ၦၡၩန့ဘၪဆၧၥၭမၧၫ့အလးအီၪလၧၫ့အ့ၬႉ

ကဆါယ့ၫၡူၬအဆၧၥီၪ့ဆၧၥၫ့လဖၪ မွဲဝ့ၫဒၪ ဆၧအမွဲအတီၩႇ အဝ့ၫလီၩ့ပၡၩအၥၭအ့ၬႉ ဆၧဘနီၪအကၠီၩ့ႇ စံၭအထံၩအဖျဲႇ မွဲနၥံၪမိထဲၩ့ဘၪနၥံၪအၥၭဆ့ဧၪႉ ၦလၧထိဆၧၫ့အဝ့ၫအဆၧၥီၪ့ဆၧၥၪ့လန့ဘၪလဖၪ စဲၪ့ထၪ့ခွံၬလၧအအီၪလီၫႉ လါနၫ့ဂ့ၩ

ၦဆၧအၪ့မၧၫ့ခိၪနါႇ စပံတၧၫလဂၩႇ  အုၩ့လၩ့အဆၧဆူနဲၩႇ စံၭဆၧၫ့ဝ့ၫႇ

 ကဆါဧ့, မွဲပမိလ့ၩလၧပလၫအအီၪလဂၩလဲၪ. ဆၧမၧၫ့အဆိၩအကၠၪအဆၧချဲၩ့နီၪ အီၪလၧနၧၩလီၫ. ပနဲၩထဲၩ့ဆၧတၭ, ပၥ့ၪယၫလၧနမွဲယွၩ အဆၧဆံၫ့ဎံၪလဂၩနီၪလီၫ.

ပၥ့ၪယၫဘၪ လၧလံၬဆံၫ့ဎံၪအလးအၥၫ့ဖၧၩ့ႇ အ့ၪပၥၭအီၪလၧ ဆၧမိဖိၬဘၪပၥၭ လၧကဆါဎြံၬအခဲၫ့နီၪႇ ပဆၧဆီၫ့မီၪ့ႇ ပဆၧအီၪက့ၪၥုၪ့အီၪက့ၪၥၭႇ ဆၧအီၪက့ၪလူဒိၪဎွ့ၩဒိၪႇ ပဆၧဒၪဆၧႇ လဖၪလၩ့ဂၬလၧကဆါဎြံၬအဆၧနီၪလီၫႉ လၩ့ဆၫ့ဒၪဆၧႇ ပကဘၪယိဒီၩ့ ကဆါယ့ၫၡူၬ အဆၧဖ့ၪလၫ့လၩ့အၥၭမၧၫ့ႇ အဆၧမၩခ့ၫမၩၡၩ လၧၦၡၩအဂူၫဂၩအဂးနီၪလီၫႉ

ထၧၫ့ဖုဝဲမုၪခွၫႉႉႉ

ယွၩနီၪ မွဲဝ့ၫဒၪ ဆၧၥၭမၧၫ့ႇ ဒဲဆၧၥၭမၧၫ့ကိၭမံၩ့ဒ့ၭအခၪ့ထံၭခၪ့ဎၧၩ့လီၫႉ ယွၩကိၭဖံၭပၧၩလၧအအီၪလီၫႉ  ယွၩအီၪအလးနီၪ မွဲဝ့ၫဒၪ ဆၧၥၭမၧၫ့အလးႇ မွဲအီၪပွံၭအလးႇ ဒဲဆၧမုၬဆၧၡူၪအလးလီၫႉ

အ့ၪပကၠၪဒိၭချိၫ့ပၥၭ လၧယွၩႇ အ့ၪပစဲၪဒၪခွံၬအဆၧအၥီၪ့ဆၧၥၪ့ႇ အလူအထၫစွါဘိၭႇ ပဒိၭန့ဘၪ ဆၧၥၭမၧၫ့ဆိၩကၠၪအလးအီၪအ့ၬႉ ဆၧအီၪလၧဂၪ့ခိၪချိၫ့ဖၧၩ့ယီၩႇ ဖ့ၪလၫ့ပၧၩ ဆၧအီၪပွံၭႇ ဆၧမုၬဆၧၡူၪႇ ဆၧၥၭမၧၫ့ဆိၩကၠၪန့အ့ၬႉ

ဆၧဘနီၪအကၠီၩ့ ပအီၪၥၭမၧၫ့လၧဂၪ့ခိၪချိၫ့ယီၩအထီႇ ပကဘၪဂဲၫၥုၭဘူၭၥၭလၧယွၩအအီၪႇ ဒိၭနဲၩ့ၥၭႇ ခိၪနၪအလူအထၫႇ ထိးဆၧၫ့ဒိၭန့စၫကြၫမဲၩတူၩလဖၪ လၧဆူနဲၩဒဲဆၧဆၪ့လၩ့ၥုၪ့ဆၪ့လၩ့ၥၭအဖၧၩ့နီၪလီၫႉ