ယ့ၫရှူၬအီၪဖျဲၪဝ့ၫ လၧဘ့ၭၥလံၫဟံၫ့ လၧခးယုဒၫ အဖၧၩ့နီၪႇ လၧစဎွၩဟ့ရၧၭအမုနံၩလဖၪတၭႇ ယိခွါႇ ၦမၫကူၭၥံၪအီၪ လၧမုထၪ့လခီၫ ဂဲၫထီၩ့လၧယရုစလံၫ့တၭႇ-စံၭဝ့ၫဒၪႇ ၦအီၪဖျဲၪဝ့ၫႇ ၦယုဒၫဖိၪအစဎွၩလဂၩနီၪႇ မွဲအအီၪခီၫခီၫလဲၪ. အဂဲးဘဲၫယီၩပအီၪလၧမုထၪ့လခီၫနီၪ ပဒၪဘၪယူၭ အၡၪလဖျိၪ့တၭႇ ပဂဲၫယူၭ ဘဲၫပမိဘိၪ့ထၪ့ဘၩထၪ့ဝ့ၫ အၥိၭနီၪလီၫ.-

စဎွၩဟ့ရၧၭနါဂၧၫ့ဝ့ၫတၭႇ အၥုၪ့ခိအၥၭခိ ဒဲၦယရုစလံၫ့ဖိၪထၧၫ့ဒိၩ့ယၫ အၥၭခိဆ့လီၫ.- အဝ့ၫနီၪ ဒုၭအီၪကိၩ့အီၪကီၪ့ ၦလုဆၧအဒိၪ ဒဲၦခမျၧး အၡၩကွ့ၭလံၬၥံၪတၭႇ အၪ့စၪ့ဝ့ၫႇ ဆၧလၧဎရံၬနီၪ မွဲအအီၪဖျဲၪဝ့ၫခီၫခီၫလဲၪ.- အဝ့ၫၥံၪစံၭဆၧၫ့ဝ့ၫႇ လၧဒိၩ့ဘ့ၭၥလံၫဟံၫ့ လၧခးယုဒၫအဖၧၩ့နီၪလီၫ. အဂဲးဘဲၫယီၩဆၧ ကွ့ၭအၥၭလၧမီၪလဂၩဘဲၫယီၩႇ တၭနဝ့ၫဒၪႇ ဘ့ၭၥလံၫဟံၫ့ႇ ခးယုဒၫဧ့ႇ နမွဲလၩလါအဆံၭထုၬ လၧခးယုဒၫအခိၪလဖၪအကျၩနီၪအ့ၬ. အဂဲးဘဲၫယီၩ ဆၧအခိၪႇ လၧအမိယိယၡၩခမျၧး အံၫစရ့လၭနီၪႇ မိဂဲၫထၪ့လၧနဖၧၩ့လီၫ.