လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪ တရါလၩ့ ဆၧပရၧၫ့လၧ ဆၧဆၧးဎံၫဆၧးလၩအဂဲး အကၠီၩ့နီၪလီၫႉ ဆၧပရၧၫ့ အၡါမၪနီၪ ပကဒၪဘၪလၧ ဆၨၩကိၭမံၩ့ အဆၧးဎံၫဆၧးလၩ့ ထီးအလူၬ ဖၧၩ့နီၪလီၫႉ ဆၧအဂ့ၩဒဲ ဆၧဆၧးဎံၫဆၧးလၩ့ အၡါမၪ နီၪ ဆၧအီၪက့ၪပၭကၩ ဆၧယူၭယၪ့ အီၪစွါဘဲၫ ဆၧအယီၩနီၪ မွဲဝ့ၫ ပတရါလၩ့ ဆၧပရၧၫ့နီၪလီၫႉ လါနၫ့ႇ ပကမၩ ဆၧအယီၩအဂး လန့ဘၪ ယီၫယီၫ နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကတရါလၩ့ ဆၧပရၧၫ့လၧ ဆၧအဖျီၩ့ယီၩအဂး ပကဘၪဒုၭနုၬလၩ့ ၦဂူၫဂၩလၧ ပဆၧးဎံၫဆၧးလၩဖၧၩ့ လလိၪဘၪနီၪလီၫႉ ဆၧလၧ ပတရါလၩ့ ဆၧပရၧၫ့နီၪ ပကဘၪ မီၪ့ဎီၩ့လိၬၥၭလိၪအ့ၬ အရ့ၩဎိၩထုၬ လိၪဝ့ၫဒၪ ဆၧယံၩၡီၩ့နီၪလီၫႉ ဎရံၬဖိၪၥံၪ အဆၧဆူၩနဲၩဒဲ ဆၧပျီၩဖျ့ၭနီၪ ဆၧဆၧးဎံၫဆၧးလၩအဂး ဖ့ၪအဒီၩ့ လမွဲဘၪနီၪလီၫႉ ဆၧလၧပကဲၪၦၡၩနီၪ ပကဖီၩ့ဖျ့ၭလၧ ဆၧမၪ ဎီးၡၩဖၧၩ့အဂး ပဘၪလ့ၩဆၧ မွဲဝ့ၫ ၦလ့ၩဆၧဖိၪၥံၪနီၪလီၫႉ ဆၧအယီၩနီၪမွဲဝ့ၫဒၪ ကဆါဎြံၬ ဖ့ၪအ့ၪပၧၩလၬဆီၪ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬနီၪ ပြံၭထဲၩ့ပၧၩလၧ ဆၧမၪ ဎီးၡၩဖၧၩ့ဂီၩ့ ၥိၫ့စိၩထဲၩ့ပၧၩလၧ ဆၧဖီၩ့ဖျ့ၭ ဖၧၩ့ၥၭနီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ