လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ၦလၧ ဘၪထိးအီၪက့ၪပဲၩခွံၬၥၭ လအီၪဘၪအဂး ပကဘၪ ဘၩဆိၪဖၪန့လိၪဝ့ၫဒၪ အဂဲးအကၠီၩ့နီၪလီၫႉ ပအီၪၥၭမၧၫ့လၧ ဂၪ့ခိၪဖၧၩ့ယီၩ အလးအၪဒၪဆၧနီၪ ပကဒၪဘၪ ၦၡၪ့ဖိၪၥံၪ ကအၪ့အဂးအီၪအ့ၬႇ ကမံၫအလးအီၪအ့ၬႇ ဘၪအီၪလၧဖၧၩ့ၥၭႇ ဘၪမံၫလၧဖၧၩ့ၥၭႇ လၧခဲၫ့ထုၬနီၪ ဘၪၥံၫလၧ ဖၧၩ့ၥၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧအယီၩ့နီၪ ပကဒၪဘၪလၧ ဝံးဖၧၩ့အၪမၬဒ့ၭနီၪလီၫႉ အဝ့ၫၥံၪယီၩ မွဲဝ့ၫဒၪ ၦလၧ ဘၪထိးအီၪက့ၪပဲၩခွံၬၥၭၥံၪနီၪလီၫႉ ဆၧအယီၩနီၪ ပကဒၪဘၪ အလးကိၭဒီၪ့နီၪလီၫႉ ပကဲၪၦၡၩမီၫ့ဎီၩ့ဂီၩ့ လဂၩဘၪလဂၩ ပကဘၪအီၪက့ၪပဲၩလိၭၥၭ ဘၪမနီၪလဲၪနီၪ ပကဘၪ ဆီၫ့မီၪ့လၩ့ပၥၭနီၪလီၫႉ ဆၧလၧၦၡၩနီၪ အရ့ၩဎိၩအၪန့ ဆၧအဂူၫဂၩထီးအလူၬနီၪ ပၥ့ၪယၫကိၭဂၩဒ့ၪနီၪလီၫႉ လါနၫ့ႉ ပကဲၪၦၡၩၥံၪယီၩ ဆၧပိၭဆၧလၫ့နီၪ ပဖၭထၬ အဆၫ့လၧၫ့ အရ့ၩဎိၩထုၬ နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၦၡၩအၥၭ ပလဖၭထၭဘၪ အရ့ၩဎိၩထုၬ အကၠီၩ့နီၪ ၦၡၩဘၪၥံၫ လၧဖၧၩ့ၥၭ ပဒၪဘၪနီၪလီၫႉ ဆၧနီၪအကၠီၩ့ ႇ ၦလၧအၪ့လအီၪဘၪၥံၪႇ အီၪအလးလအီၪဘၪၥံၪႇ ဆၧကီၩ့ဆၧၥိၭလအီၪဘၪၥံၪႇ ကဘၠၩ့အၥၭလအီၪဘၪၥံၪႇ ၦလၧအမိၡါ ဂဲးဆီၪ့ဘၭဆီၪ့လအီၪဘၪၥံၪႇ ၦလၧအစူၪအခၪ့ လအီၪဘၪၥံၪႇ ၦၡၩအဎိၩမွဲဂ့ၩႇ ဖိၪၥၫမွဲဂ့ၩ ပကဘၪ ဘၩဆိၪဖၪန့ ပကဘၪမၩဆၧၩ့ အဝ့ၫၥံၫ လၧဖၧၩ့ၥၭ အဖျီၩ့အမံၩ့မံၩ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧပကဲၪၦၡၩနီၪ ပကဘၪအီၪအၪ့ဘဲၫၥိၭ ပကလၩ့ဂၩၦၡၩကဂၩနီၪလီၫႉ ဆၧနီၪအကၠီၩ့ ပကဘၪမၩဆၧၩ့လိၬၥၭႇ ပကဘၪဖ့ၪဂဲးဖ့ၪဘၭလိၬၥၭႇ ပကဘၪဖ့ၪအ့ၪလိၬၥၭ ဆၧၥၭလၧၩ့ဒဲ ဆၧအဲၪဆၧကွံၩ့ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ