ပကဘၪတရါလၩ့ ဆၧပရၧၫ့လၧ ဂံၪ့ဒီၪ့ဖိၪၥံၪ ကၠၧၫကၠၧၫ့အဂဲး
လၧဎြံၬဆၧအဲၪဆၧကွံၩဖၧၩ့ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪတရါလၩ့ ဆၧပရၧၫ့လၧ ဂံၪ့ဒီၪ့ဖိၪၥံၪ ကၠၧၫကၠၧၫ့အဂဲး အကၠီၩ့နီၪလီၫႉ ဆၧလၧဂံၪ့ဒီၪ့ဖိၪၥံၪနီၪ ၥၫထနၫအဂး အရ့ၩဎိၩအၪမၬဒ့ၭနီၪလီၫႉ ဂံၪ့ဒီၪ့ဖၧၩ့အရ့ၩဎိၩထုၬနီၪ မွဲဝ့ၫ ဆၧအဲၪဆၧကွ့ၩႇ ဆၧဖျါဖျ့ၭခွံၬလိၬၥၭႇဖိၪမုၬဖိၪခွၫၥံၪအဂး ဆၧကိၪ့ၥ့ၪကိၪ့ဘၪႇ ဆၧဆူၩနဲၩဒဲ ဆၧယူၭယၫ့နီၪလီၫႉ လၧခဲၫ့အရ့ၩဎိၩထုၬကမံၩ့နီၪ ကဘၪတရါလၩ့ ကဆါဎြံၬ ဆၧပရၧၫ့နီၪလီၫႉ ၥၫထနၫ ဎိၩထၪ့အၪထၪ့နီၪ ဂံၪ့ဒီၪ့ဖိၪၥံၪအီၪအကၠီၩ့နီၪလီၫႉ
ဆၧနီၪအကၠီၩ့ ၦမၩၥၫထနၫ ဆၧမၩဖိၪၥံၪနးဆ့ၭ ကဘၪခိနၫ ဂံၪ့ဒီၪ့ဖိၪၥံၪအလူၬႇ ကဘၪယိဂ့ၩယိဘၪ ဂံၪ့ဒီၪ့ဖိၪၥံၪ နီၪလီၫႉ လကၭဒ့ၭဘၪ ဂံၪ့ဒီၪ့ဖိၪၥံၪ ဘၪဒၪဆၧၫ့ယၫမနီၪလဲၪႇ ပကဘၪမၩဆၧၩ့အ့ၪအဝ့ၫၥံၪ မနီၪလဲၪနီၪ ၥၫထနၫဆၧမၩဖိၪၥံၪယီၩ ကဘၪခိၫႇ ကဘၪမၩဆၧၩ့အ့ၪအဝ့ၫၥံၪ လိၪအၪမၬဒ့ၭအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩၥ့ၪယၫထၬ ၥၫထနၫဆၧမၩဖိၪၥံၪ ဘဲၫယီၩၥိၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫ ဒၪလၧ ကဆါဎြံၬအဆၧအဲၪဆၧကွံၩ လါဆံၭႉ
