ၦဖျိၩ့ဆၨၩလဖၪ အလံၬလဲဒဲ ဆၧကွ့ၭ
ဖျိၩ့ၦအၪ့ဎၬနၪၥ့ၪဆၧ ၦကိၪ့ၥ့ၪလဖၪ လီၩဖျီၪဝ့ၫအၥိၭ ဖျိၩ့လဖၪနီၪ ဂဲၫလၩ့လၧ ခးပယၩ့ဖၧၩ့အဆိၫထုၬဒဲဖံၭအၪ့မၩအၪ့ ဆံၬၥံၪႇ ကျိၭၥံၪ ၡူၪၡူၪချံၪ့ချံၪ့လါနၫ့ဂ့ၩ ၦလၧအဂဲၫနုၬလၩ့လၧ ခးပယၩ့ဖၧၩ့ စွံနဲၪ့အဝ့ၫၥံၪ ဖိၭဘိၭအနံၪ့ (၂၀၀) လဖၪ ဘဲၫအမွဲ ယိၩဒဲ ဒီၩ့ဝိၩလဖၪ မၩအၧၩ့မၩနၭဒုၭအဝ့ၫၥံၪအကၠီၩ့ ဘၪအီၪလၧ ယိၩဒဲ ဒီၩ့ဝိၩဖံၬဆါၦဘိၪ့ၦဎွၩ အဆၧပၧၩ့ဖၫ့လၬ ယံၬဝ့ၫအနံၪ့ (၂၀၀၀) ဒၪလ့ၬနီၪလီၫႉ ဆၧအယီၩမွဲ ၦဖျိၩ့လဖၪအဲၪဒိၭ အီၪၡူၪၡူၪဘၩဘၩ ဆၧဖျါလိၬၥၭဒဲ အွံၪၥၭဆၧၩ့ဆၧ လအဲၪဒိၭမၩနၧၩ့ဘၪၦဂူၫဂၩအကၠီၩ့လီၫႉ
အ့ၪပဘၪလီၩတၭ မွဲဝ့ၫဒၪ နဲၩဆၧယီၫႇ ဒိၭနဲၩ့ၦဂူၫဂၩႇ မံၫ့ၥၭၥ့ၪလၧ ၦအၪ့မၧၫ့အီၪမၩနၧၩ့ဆီၪ့အဝ့ၫၥံၪနီၪ မံၫ့ၥၭဝ့ၫဂီၩ့ ပနၪၥ့ၪလၧ အဲၪဒိၭအီၪ ၦဂူၫဂၩအဖၫ့လၬနီၪလီၫႉ
