ပၥၭလၬဖၧၩ့ ဆၧဆီၪ့မီၪ့အဂ့ၩဒဲအအၧၩ့
ပၥၭလၬဖၧၩ့ ဆၧဆီၪ့မီၪ့အဂ့ၩဒဲအအၧၩ့
“အ့ၪမွဲကယအၪ့ကံၩ့ဘၩဆိၪဖၪဆၧအဂး ယဘံၪ့လၩ့ထၬကမ့ၬၥၪယူၭစွါဘဲၫ လၧယဆၧအၪ့ဎၬဖၧၩ့ နီၪ ဂဲၫစဲၪ့ထၪ့လၧ ယကမိအီၪလၧယဖိၪၥၪမုၪႇ ယကမိလီၩ့မုၬလီၩ့လၩ ဒဲ ယကမိမၩဆၧအဂူၫဂၩ လဖၪနီၪလီၫႉ ဆၧနီၪအကၠီၩ့ ယၥၭဘၪၡၪ့အၪမၬလ့ၬႉ ဆၧလဖၪယီၩဘၪကဲၪထၪ့နီၪ ဘၪနီၫလဲၪႉ”
ပကဲၪၦၡၩလဖၪယီၩ အ့ၪမွဲပဘံၪ့လၩ့ထၬပမ့ၬကဆိဖိၪလီၫလါနၫ့ လၧပဆၧထိၪတွၭအၪ့ဎၬဖၧၩ့ ဆၧဂဲၫကဲၪထၪ့ကိၭမံၩ့ဒ့ၭနီၪလီၫႉ ပဆီၫ့မီၪ့ထၬ ပကမိမၩဆၧအဂ့ၩလါနၫ့ လၧပဆၧဆီၫ့မီၪ့ဖၧၩ့နီၪ ဆၧအအၧၩ့လဖၪဂဲၫနုၬလၩ့ဝ့ၫဒၪအၪအၪလ့ၬအကၠီၩ့ လၧခဲၫ့ထုၬနီၪ ပမၩဆၧအဂ့ၩ မွဲလန့လၧၩ့ဘၪ နီၪလီၫႉ
လၧပၥၭလၬဖၧၩ့နီၪ ဆၧအဂ့ၩဒဲ ဆၧအအၧၩ့ ကဆါယွၩဒဲ မုၪခီၩ့လဲးအီၪဝ့ၫဒၪနီၪလီၫႉ ဆၧနီၪ အကၠီၩ့ ဘဲၫပရွံထၪ့ဆၧအဂ့ၩ ဘဲၫပရွံထၪ့ကဆါယွၩကန့အဂးနီၪ မွဲပကဘၪထုၪ့ၥုၪ့ထုၪ့ၥၭလၧ မုၪခီၩ့လဲး အဆၧပလၧၫ့ပလဲၩလဖၪ ဒိၪဒိၪဒ့ၭနီၪလီၫႉ
