ဖာသာပေါလ် ကစ်သောင် အလးလၩ့ထဲၩ့ဝ့ၫဒၪလၧ ဖလမ်းဇုန် စိန့်ဖရန်စစ်အာစီစီ ဆၧအီၪကီၪ့ဖၧၩ့

ဟားခါးဆၧအီၪကီၪ့ဖၧၩ့ ၦဂဲၫထဲၩ့ဖီၪ့ထၪ့ဖံၭထၪ့ဆၧလၧ RVA Hakha Chin ဆၧရၩလၩ့ဖၧၩ့ ၥၫ့ခၫ ပေါလ် ကစ်သောင်နီၪ အလးလၩ့ထဲၩ့လၧ ဖလမ်းဇိၫ့ စိန့်ဖရန်စစ်အာစီစီ ဆၧအီၪကီၪ့ဖၧၩ့အကၠီၩ့ လၧ ၂၀၂၆နံၪ့ လၩယူၫလဲၫ့၂၂ၥၫ့ဒၪအိၩ လ့ၩၥုၭစိၩအလးယူၭနီၪလီၫႉ

လၧဆၧအၪ့ဂၬထိးဆၧၫ့အဝ့ၫ ဆၧထံၪလၩ့ဒီၪလၩ့ဖၧၩ့ “မွဲလၧကဆါယွၩအဆၧယိထဲၩ့ခွါထဲၩ့အကၠီၩ့ ယဂဲၫထီၩ့စိၩလၧဆၧအလးယီၩ ဂ့ၩဂ့ၩဘၪဘၪနီၪ ယစံၭခိးစံၭတၩကဆါယွၩဒိၪဒိၪလီၫႉ ၦလၧအဂဲၫၥိၫ့ယၧၩလဖၪဒဲ ၦလၧအဂဲၫအီၪခိၭထိးဆၧၫ့ယၧၩ ထီးလူၬနီၪနးဆ့ မွဲယစံၭခိးစံၭတၩဘၪနၥံၪ ဒိၪမၬလီၫႉ” ၥၫ့ခၫပီၩယီၩ စံၭဝ့ၫဒၪ ဘဲၫနီၪအၥိၭလီၫႉ

လကၭဘၪ စၭထၪ့မုကနံၩယီၩ လၧဆၧအီၪကီၪ့ယီၩဖၧၩ့ ကမၩဆၧဖံၭဆၧဘဲၫဆၧအီၪ့ကီၪ့အဂံၪ့ဒီၪ့ဖိၪကဂၩအၥိၭဂီၩ့ ၦဆူနဲၩဖိၪၥံၪလဖၪနးဆ့ လၧဆၧယံၩဆၧၡီၩ့အဖၧၩ့ ကျ့ၭစၨၭနုၬလၩ့ဂဲၩဝၭကၠၭအဂးဆ့ အဝ့ၫယီၩ ဆုးထဲၩ့ဆၫ့ထွ့ၪဝ့ၫဒၪလီၫႉ

ၥၫ့ခၫပီၩယီၩ ကဲၫထၪ့ၥၫ့ခၫ လၧ၂၀၀၂နံၪ့ဒၪအိၩဂီၩ့ အလးလၩ့လၧ ဟၩခၩဆၧအီၪကီၪ့ဖၧၩ့ ၂၄နံၪ့နီၪလီၫႉ စၭထၪ့လၧ ၂၀၁၇နံၪ့ဒဲထီၩ့စိၩလၧ ၂၀၂၆နံၪ့နီၪ အလးလၩ့ထဲၩ့လၧ RVA Hakha Chin ဆၧထံၪလၩ့ဒီၪလၩ့အဖၧၩ့နီၪလီၫႉ

မွဲလၧဆၧဆီၪ့ဆၧချဲၫ့အကၠီၩ့ ဆၧအီၪကီၪ့ဆၧဖံၭဆၧမၩကနၩ့နၩ့ ဆၧလၩ့ထ့ၬထးအီၪလါနၫ့ ကအၪ့န့ဒီၩ့ထ့ၬလၧ စိန့်ထေရေဇာ အအီၪဂီၩ့ ပၪထဲးလၧအိၫလဲၩ့ ဆၧအီၪကီၪ့ဆၧဖံၭဆၧမၩလဖၪဒဲ မိဆၧအီၪကီၪ့အဆၧဖံၭဆၧမၩလဖၪနီၪ မွဲကဆုးထဲၩ့ဖီၪ့ထၪ့ဖံၭထၪ့ဝ့ၫအဂဲး ၥၫ့ခၫပီၩယီၩ စံၭဝ့ၫဒၪနီၪလီၫႉ ဆၧပရၧၫ့ယီၩ ပန့ထၬဘၪလၧ RVA Hakha Chin Service အအီၪနီၪလီၫႉ

နးအဲၪဖီၫဘွၩ ၂၄.၇.၂၀၂၆