ဒိၩ့ပၥံၫ့ဆၧအီၪကီၪ့ဖၧၩ့ ၦၡၩမၩလၩမၩဖၩ့ မိဖါဘိၪ့မုနံၩ
လၧလၩယူၫလဲၫ့၁၇ၥၫ့ဒၪအိၩ ဒိၩ့ပၥံၫ့ဆၧအီၪကီၪ့ဖၧၩ့ စိန့်ဖရန်စစ်ဇေးဗီးယား မံၭထၭမုၪလဖၪ လ့ၩခိၪလ့ၩနါဂီၩ့ မၩလၩမၩဖၩ့မိဖါဘိၪ့မုနံၩလၧ စံၫ့ပံၫတၧၫၥရိၬလးဝၩ့ဖၧၩ့ မံၭထၭမုၪအကၠီးဝးဖၧၩ့နီၪလီၫႉ
လၧဆၧထံၪလၩ့ဒီၪလၩ့နီၪအဖၧၩ့ ၥၫ့ခိၪဒိၪ ဟင်နရီ မၩ့အဲၪချံၫ့၊ ၥၫ့မုၥၫ့ခၫလဖၪ၊ မံၭထၭမုၪလဖၪဒဲ ၦဆူနဲၩဖိၪၥံၪလဖၪ ဂဲၫထၪ့ကၠၭဂီၩ့ ဖ့ၪလၩဖ့ၪဖၩ့ဘၪ မိဖါခိးတၩလဖၪနီၪလီၫႉ
ၥၫ့ခိၪဒိၪ ဟင်နရီ မၩ့အဲၪချံၫ့ လီၩလၩ့လၬလၩ့ဝ့ၫဒၪ ယူၭယၪ့နမိနဖါဆံၭ ဆၧၥီၪ့လိၪယီၩ ပကဲၪဖိၪဒံၪၥံၪလဖၪ မွဲပကဘၪခိၭနၪလီၩ့ဖိၬဝ့ၫဒၪအဂးလီၫႉ လကၭဘၪ ပမၩလၩမၩဖၩ့ မိဖါဘိၪ့မုနံၩယီၩနီၪ မွဲဒံၭလၧ ပဖီၪ့ဂုးထၬ ၥၫ့ဎွၩ ဖရၫ့စံ ဂဲၫထဲၩ့အီၪက့ၪထၬ ဂၪ့ခိၪထီးဘံၪ့ယၫ ၦၥၭၡါလဖၪအဘိၪ့မုနံၩဒံၭနီၪလီၫႉ
ဂီၩ့နီၪ စိန့်ဖရန်စစ်ဇေးဗီးယား မံၭထၭမုၪခရၧၫ့ ခိၪနါဒိၪမွဲဝ့ၫ Mother AnnTeresa စံၭဝ့ၫဒၪ ပမိပဖါၥံၪ ပဖံၫပဖူၫၥံၪ ပဆရၫ ဆရၫမုၪၥံၪ ဒဲ ၦအၥီၪ့ၥၫ့ပၧၩလၧဖၧၩ့ၥၭအဂ့ၩအဘၪဖၧၩ့လဖၪနီၪ ပကဘၪယူၭယၪ့ပၭကၩဝ့ၫဒၪအဂး ဆၫ့ထွ့ၪဘၪ ၦအဂဲၫထၪ့ မၩလၩမၩဖၩ့ မိဖါဘိၪ့မုနံၩလဖၪနီၪလီၫႉ
လၧမိဖါအဖၫ့ခိၪ ဘဲၫဖိၪလံၩၥံၪကၥ့ၪယၫထၪ့ခိးတၭအဂး ကၥ့ၪယၫအီၪက့ၪဒိၪထဲၩ့ ဂံၪ့ဒီၪ့ဖိၪအလူဒိၪဎွ့ၩဒိၪအဂးႇ လၧကၭၥလံၬဎြံၬဖိၪအဆၧၥၭမၧၫ့ဖၧၩ့ ဂံၪ့ဒီၪ့ဖိၪၥံၪ ကဂၩဘၪကဂၩ ကအဲၪကွံၩလိၬၥၭအဂး ကယံၩၡီၩ့အဂးဒဲ ကယိထဲၩ့ခွါထဲၩ့လိၬၥၭအဂးနီၪ ထိစိၩဝ့ၫဂီၩ့ မၩလၩမၩဖၧၩ့ဘၪ မိဖါဘိၪ့မုနံၩယီၩနီၪလီၫႉ
ကၭၥလံၬဆၧဘိၪ့ဆၧဘၩအနိၫ့ဖၧၩ့ ကိၭနံၪ့ဒံၭ မၩလၩမၩဖၩ့ဘၪ မိဖါဘိၪ့မုနံၩယီၩလၧ လၩယူၫလဲၫ့ ၁၆ၥၫ့အထီနီၪလီၫႉ မိဖါဘိၪ့မုနံၩယီၩနီၪ မွဲဒံၭလၧ မိမၫရံၫအမိမိဒဲအဖါဖါ သံဂျော်ကင်းဒဲ သံတာအာနား အဘိၪ့မုနံၩဒံၭနီၪလီၫႉ
နးအဲၪဖီၫဘွၩ
21.7.2026
