**Hakhaဆၧအီၪကီၪ့ဖၧၩ့ ၥုၪ့ထၪ့ “Our Lady, Guardian of Nature” မိမၫရံၫအလိးအိၩ

အီၪလၧ Chin ဆၨၩခးဒီၪ့ဖၧၩ့ Hakhaကၭၥလံၬဆၧအီၪကီၪ့ ၊ Aika Pa ခိၪလီၩ့ဖၫ့ခိၪနီၪ ၦၡၩၥုၪ့ထၪ့ “Our Lady, Guardian of Nature” (သဘာဝကို ကာကွယ်စောင့်ရှောက်သော မယ်တော်) ဆၧယိထွ့ၫပဒၩ့ထၬဂၪ့ခိၪ မိမၫရံၫလိးအိၩ နီၪလီၫႉ

မိမၫရံၫအလိးအိၩယီၩနီၪ ဘၪဆၧၥုၪ့ထၪ့ဝ့ၫလၧ ၦဆူၩနဲၩဖိၪၥံၪအဆၧဆူနဲၩဖၧၩ့ႇ အဆၧမၩဆၧၩ့ဖၧၩ့ ဒဲ အဂဲးအဘၭဖၧၩ့နီၪလီၫႉ ကိလၧခဲၫ့ကိနီၪ ယိလါထၬဝ့ၫလၧ ဆၧအလးယီၩ ထီးကကဲၪထၪ့ ခးထီးဘံၪ့ယၫ ၦဆူနဲၩဖိၪၥံၪ ကဂဲၫဘိၪ့ထၪ့ဘၩထၪ့ၡီၩ့ မိမၫရံၫအလးလ့ၬနီၪလီၫႉ

ဆၧၥုၪ့ထၪ့ဆၧယီၩနီၪ စၭထၪ့ဝ့ၫဒၪလၧ ၂၀၂၁နံၪ့အိၩတၭ ၦအလ့ၩခိၪလ့ၩနါ ၥုၪ့ထၪ့ဆၧနီၪ မွဲလၧ Fr. John Sai Ro Ling နီၪလီၫႉ ကၥုၪ့ထၪ့ လိးအိၩယီၩအဂး ဆၧလၧ အဆၫ့ထွ့ၫအဝ့ၫၥံၪနီၪ မွဲလၧ ၥၫ့ဎွၩ Francis ကွ့ၭထၬ*Laudato Si’* ပကဘၪယိထွ့ၫပဒၩ့ထၬထဲၩ့ ပဂၪ့ခိၪနဲၩ့ဎီၩ့လံၬစီၩ့နီၪလီၫႉ

၂၀၂၂နံၪ့နီၪ စၭထၪ့ၥုၪ့လၩ့ဝ့ၫ အခၪ့ယဲးဂီၩ့တၭ ၂၀၂၄နံၪ့အခံၫ့နီၪ ဆုးထဲၩ့ၥုၪ့ထၪ့ဝ့ၫဒၪ ကဆံၭဘၪကဆံၭနီၪလီၫႉ

ကၭၥလံၬဆၧဘိၪ့ဆၧဘၩဖိၪၥံၪၡၩဝ့ၫဒဲ ကျိၪစ့ၩအဂး ဆၧကၪဆၧဂဲၩအီၪဝ့ၫဒၪလါနၫ့ ဒိၩ့မုတဝၫ့ဖိၪၥံၪလဖၪႇ ၦအထီၩ့လၧထံၪယဲၩခးယဲၩလဖၪအဆၧမၩဆၧၩ့ ဒဲ ၦမၩဘိၪ့ဆၧလဖၪ အဆၧမၩဆၧၩ့အကၠီၩ့ ဆၧၥုၪ့ထၪ့ဆၧယီၩ ဆုးလ့ၩထၪ့လၧအမ့ၬယၫန့ ထီးကနံၩယီၩနီၪလီၫႉ ၦဆူနဲၩဖိၪလဖၪနီၪ ဂဲၫဆိၭန့ဒၪ အမ့ၩၥံၪၥၧၫ့ၥံၪဂီၩ့ လဂၭဎ့ၬဘၪ ဆၧဆၧၫ့ဆၧခိအဖၧၩ့ ဂဲၫမၩဆၧၩ့ဆၧမၩလဖၪနီၪလီၫႉ

၂၀၂၇နံၪ့ကိ ကမၩဆံၫ့ဎံၪဝ့ၫဒဲကဝဲထၪ့ မိမၫရံၫအလိးအိၩယီၩအဂးနီၪ ထိထၬဝ့ၫနီၪလီၫႉ ဘၧၩ့ထံၫၥံၪအီၪအၪဝ့ၫဒၪ ခၠ့ၩဆၨၩခးဒီၪ့ဖၧၩ့ မုလါဝ့ၫလၧ ကနၪၥ့ၪထၪ့ မိမၫရံၫအဂဲးအဖး ဒဲ ကပဒၩ့ထၬထဲၩ့ ဂၪ့ခိၪနဲၩ့ဎီၩ့အဂး ထိစိၩထၬဝ့ၫဂီၩ့ ၥုၪ့ထၪ့ဘၪ မိမၫရံၫအလိးအိၩယီၩအဂဲး ပန့ဘၪဆၧပရၧၩ့ယီၩလၧ RVA ဟားခါး အအီၪနီၪလီၫႉ

နးအဲၪဖီၫဘွၩ