ၦလနဲၩဘၪဆၧအဒိၩ့လဖၪ. (စမၭၥူၫ ၁၀:၂၀-၂၄)
ထီးနီၪလဖၧၫ့ အဝ့ၫဒၪအီၪက့ၪၥၫ့ ဆၧမၪလၧဒိၩ့လဖၪ လၧအမၩလၩ့လၭဆၧ လၧအအၪဒၪဆၧဒံၭလၧအ ဖၧၩ့နီၪ အလီၩ့, လၧအလနီၫ့ယါလၩ့ထဲၩ့ဘၪ အၥၭအကၠီၩ့လီၫ. ခိၫရဇံၫ့ဧ့, နဝ့ၫဒၪယီၩ နဘၪဆၧအၡၪ့လီၫ. ဘ့ၭၥစ့ဒၫဧ့, နဝ့ၫဒၪယီၩ, နဘၪဆၧအၡၪ့လီၫ. အဂဲးဘဲၫယီၩ ဆၧလၩ့လၭလၧအမၩယူၭ လၧနၥံၪအဖၧၩ့လဖၪနီၪ, အ့ၪဘၪဆၧမၩဝ့ၫလၧဒိၩ့တဲအၫ အဖၧၩ့ဒဲဒိၩ့စဲဒၧၫ့အဖၧၩ့တၭ, မိနီၫ့ယါလၩ့ထဲၩ့ယူၭ အၥၭယံၬယံၬယူၭ လၧရၧၬအဆၧကဲၩ့ယၬ, ဒဲလၧဖံၫ့ချၪအဖၧၩ့ယူၭလီၫ. အ့ၪမွဲယဝ့ၫဒၪယီၩ, ယလီၩဘၪနၥံၪ, လၧဆၧစ့ၩရၫ့အမုနံၩနီၪ, တဲအၫဒဲစဲဒၧၫ့ မိဘၪဆၧယီၫနဲၪ့နၥံၪဒံၭလီၫ.
နဝ့ၫဒၪ,ကပၧနအၫ့ဧ့, နထၪ့ဘၭလၧမူၭခိၪလါနၫ့ဘိၩ, နမိsဘၪလ့ၩလၩ့ထီၩ့လၧဖျႃဖၧၩ့လီၫ. အဂဲးဘဲၫယီၩ, ဆၧလၩ့လၭလၧအမၩယူၭလၧနဖၧၩ့လဖၪနီၪ, အ့ၪဘၪဆၧမၩဝ့ၫ လၧစီဒၧၫ့အဖၧၩ့တၭ, မိအီၪဒံၭဝ့ၫထီးမုလနံၩယီၩလီၫ. ယလီၩဘၪနၥံၪယီၩ, ထီးဆၧစ့ၩရၫ့အမုနံၩနီၪ ခးစီဒၧၫ့မိဘၪ ဆၧယီၫနဲၪ့နၧၩဒံၭလီၫ.
