စမၭၥူၫ (၁၀:၇-၁၃)

လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ,မူၭခိၪအဘၩ့အမုးနီၪဘူၭထၪ့ယူၭ. မၩဘျၪထဲၩ့ၦဆၫၥံၪ, ဒုၭဂဲထုၪ့ထဲၩ့ ၦၥံၫလဖၪနီၪ, မၩဆံၫ့ထၪ့ထဲၩ့ၦလၧအခံၫထူၬဆၫအၧၩ့လဖၪနီၪ, နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭ, ဖ့ၪလၫ့ဆၧပျီၩပျီၩဆံၭ. ထီၫ့မွဲဂ့ၩ, စ့ၩမွဲဂ့ၩ, ထီးလၧနၥံၪအခၧၩ့ယးဖၧၩ့မွဲဂ့ၩ, ထိၪ့လဖျိၪ့လၧဖၧၩ့ၥၭအဂးမွဲဂ့ၩ, ဆဲၫ့နံၫဘံၪ့ မွဲဂ့ၩ, ခၪ့ဖံၭ လဖၪမွဲဂ့ၩ, နိၪထိၭလဘီၩ့မွဲဂ့ၩ, တဲၩ့ဝဲၩလၧနၥံၪအဂးလဂ့ၩ အဂဲးဘဲၫယီၩ ၦလၧအမၩဆၧနီၪ ဂ့ၩန့ဘၪဆၧအၪ့ဆၧအီၩလီၫ. ထီးဒၪဒိၩ့ဂ့ၩ တဝၫ့ဂ့ၩ,လၧနၥံၪလ့ၩနုၬဘၪလဖျိၪ့ဖျိၪ့တၭ, ၦအဂ့ၩအီၪလၧအဖၧၩ့ မွဲပလၫလဂၩလဲၪနီၪ, အၪ့စၪ့ဒၪခလူၬတၭ, နၥံၪလချႃၭစဲၪ့ထၪ့ခွံၬဒံၭဘၪနီၪ, အီၪထီးနီၪဆံၭ. ထီးနၥံၪအ့ၪလ့ၩနုၬလၧဂံၪ့ဖၧၩ့တၭ, ချဲၩ့မုၬဝ့ၫဆံၭ. ဆၧလၧဂံၪ့နီၪအ့ၪဂ့ၩန့ဘၪဆၧတၭ, မွဲနၥံၪအဆၧမုၬဆၧလၩ မိဘၪဒၪဝ့ၫဆံၭ အ့ၪလဂ့ၩန့ဘၪနီၪ, မွဲနၥံၪအ ဆၧမုၬဆၧလၩ ဘၪထဲၩ့ဒၪနၥံၪဆံၭ. #rvapwokaren #DailyReflection